Popular Bible Verses from Jon 19

Share

Onaqa Yesus a wain isa koba di uysiqa marej, “Bini e ijo wau kobotonum.” Degsi marsiqa aqa gate gulaiŋosiqa mondor titosiq moiej.

Ariya Yesus a endegsi qalieej, “Wau kalil ijo Abu na ebej qaji agi kobotonum.” Osiqa Qotei aqa anjam bei nami neŋgreŋyeb qaji di aqa damu brantqajqa deqa marej, “E ya qarbqo.”

Onaqa Yesus a tirosiqa aqa ai wo aqa aŋgro bei a tulaŋ qalaqalaiyoqnej qaji a wo naŋgi aiyel ŋamburbas utruq di tigelesonab unjrsiqa aqa ai metosiq minjej, “O ai, di ino aŋgro.” Osiqa aŋgro di minjej, “Di ino ai.” Onaqa bati qujai deqa aŋgro dena Yesus aqa ai osiqa aqa segi talq dia ombla sosibqa taqatoqnej.

Osib Yesus aqa areq gilsib uneb a nami moiej. Deqa naŋgi aqa siŋga gentosai. Ariya qaja tamo bei a na aqa qaja osiq Yesus aqa jar baŋgaq di qamnaq leŋ ti ya ti aiej.

Qaja tamo naŋgi kumbra di yeb deqa Qotei aqa anjam bei nami neŋgreŋyeb qaji di aqa damu brantej. Agi endegsib neŋgreŋyeb, “Naŋgi aqa tanu bei gentqasai.” Qotei aqa anjam bei dego aqa damu brantej. Anjam agiende, “Naŋgi qaja na aqa jar baŋgaq di qamsibqa koqyesqab.”

Degsi minjrnaqa ariya qaja tamo naŋgi na Yesus osib aqa qawarq di aqa segi ŋamburbas qoboiyetosib a baŋ ojsib Jerusalem qure uratosib osi gilsib sawa agu kiñala bei aqa ñam Tamo Gate Tanu di branteb. Ñam di Hibru anjam na Golgota mareqnub.

Kumbaiŋysib koboonaqa naŋgi na sil luwit osib lulumosib dena mandor kokba naŋgo gate tatal bul gereiysib aqa gateq di atetosib siŋgila na teqiyeb. Osib gara jugo olekoba lent mandor kokba naŋgi gaigai jigeqnub deqaji bei osib Yesus jigeteb. A segi qa Mandor Koba maroqnej deqa naŋgi na kumbra degyeb.