Popular Bible Verses from Jon 21

Share

Ag ee lana malona daaegeg, Jesus Nug Pita oɗ mettom. “Saimon, Jon bekka, na imu eɗattak dahilnu oot mauhttete?” awa aum. Anam a amu Pita aum. “Naɗi na doottem. Da nahipnu ool mauhtte,” awa aum. Pita anam a amu Jesus aum. “Na dahil sipsip nakkud bekkadna meɗe!” awa aum. Jesus anam ana amu, Nug baula oɗ mettom. “Saimon, Jon bekka, na dahilnu oot mauhttete?” awa aum. Anam a amu Pita aum. “Ao, Naɗi na doottem, da nahipnu ool mauhtte,” awa aum. Anam a amu Jesus baula aum. “Na dahilad sipsip atognoadna meɗe!” awa aum. Jesus baula ewam batak Pita oɗ mettom. “Saimon, Jon bekka, na dahilnu oot mauhttete?” awa aum. Pita Jesus haen ewam batak, “Na dahilnu oot mauhttete?” aum amunu ooppa guittak doyaya, nug Jesus amegppa aum. “Naɗi, na keeke oh doon malame, amu na da nahipnu ool mauhtte ele doottem,” awa aum. Pita anam a amu Jesus amegppa aum. “Dahil sipsip bekkadna meɗe!” awa aum.

Jesus Nug anam ana, Nug nai tuɗitta aum. “Da genabnab genab na amenppa attem. Haen na nid bau daanna, na nakka matagiɗ imuanppa takkana, aben na nakka gokkutnu oot dayom amu na amuppa gottame. Amge dimppa haen na kaino mena amu, na eppen humappe, laa nug na matagiɗ imuanppa tagitta, aben na gokkutnu oot ii daatte, amuppa omaitteb gokkut,” awa aum.

Ag anam aeg amu Jesus aum. “Ag uhui uub heqo laih naɗiap-ppa eig! Ag anam hena amu, ag kakai aoglag,” awa aum. Jesus anam a, haen ag uhui naɗiap-ppa ena amu, ag kakai huanak aoppig. Awona, uhui eeɗppeg bekkunu elele iitta.

Anam daanna amu Saimon Pita nug amelagppa aum. “Da kakainu gokkul,” awa aum. Nug anam a amu, ag appig. “Ig na ele oh gokkunig,” aon appig. Anam ana amu ag oh ahan gona, uub laappa teppig, amge tuqan amuppa ag kakai laippu laa ii aoppig.