Popular Bible Verses from Yoane 10

Share

Umuno tesa lukoso, sombi nimukwiŵa, namukwipaya, namukonala, emo esa. Neŵo ndiisile ati siŵe nemweo, enemweo ufulile.

Neŵo eneMwembesi Uweme; Umwembesi Uweme alauposo'mweo wakwe pakuti pambelele.

Imbelele syanji silomfwe'siwi lyanji; naneŵo ndisiisi; nasyo silandonda

kaŵili ndukusipela umweo uwamuyayaya: tasikonalwa insiku syonse lukoso; kaŵili tapali-po neli umo ukasisompola muminwe yanji.

Neŵo enesiulyaŋgo: uyo ukenjila-po pali neŵo akapuluka; naye akalukwinjila, nekulukufuma, nekulukusaŋge'cembelelo.

Neŵo eneMwembesi Uweme; ndisiisi isyanji, nasyesyo isyanji silinjisi neŵo

ŴaTata aŵo aŵampele syo ŵalicilile pali ŵo ŵonse uŵukulu; peŋka tapali-po uwisi ukusisompola muminwe yaŵaTata. Neŵo naŵaTata tuli ŵamo.

koti nifyopele'fyo ifi ŵanjisi neŵo ŵaTata, naneŵo ifi mbesi ŵaTata; nakaŵili ndukuuposa umweo wanji pakuti pambelele.

Tapali-po umuntu uwakuupokolola kuli neŵo; sombi ninemwine ndukuuposa. Ndi nemakosa akuuleka; kaŵili ndi nemakosa akuupoka liŵili. Ifunde'lyo nalilipokele kuli ŵaTata.

Pakuti pali fyefyo kaŵili ŵaYesu ŵalilaŵile kuli ŵo ati: Cine cine, ndukumuwuleni ati: Neŵo eneMulyaŋgo wakumbelele.

Umuntu lukoso uwamilimo, utaali mwembesi, utaali mwine wambelele, pakuŵono'mumbulu ulukwisa, alasileke'mbelele nekuŵutuka, peŋka umumbulu nekusiikata, nekusipalaŋganya.

Cine cine, ndukumuŵuleni ati: Uyo utenjilila pamulyaŋgo wacipata cambelele, sombi nekuninina pambi, uyo muŋgo, esilumfundi.