Popular Bible Verses from Yoane 14

Share

Uŵutende ndukumusileni; eŵutende bwanji ndukumupeleni; sombi nsilukumupeleni koti nifyopele'fyo ifi ŵapela aŵapacalo capansi. Iilemuka imitima yenu; iiŵa nemwenso.

Kumfwa ŵaYesu ŵalaŵila kuli ye ati: Neŵo eneNsila, eneŴucine, eneMweo; papo'muntu uwakwisa kuli ŵaTata, apakuŵula neŵo.

Iilemuka imitima yenu; mulukucetekela muli ŵaLesa, mucetekele namuli neŵo.

Sombi Umupalamisi, Umupasi Uswetelele, uyu ŵakatuma ŵaTata mwisina lyanji, uyo eukamusambisyeni ifintu fyonse, nekumulaŋgulusyeni fyonse'fyo ifi namuŵuleni.

Uyo uli nemafunde anji, nekulukwalama, uyo-ye eulukuntemwa neŵo; kaŵili uyo ulukuntemwa neŵo, akatemiwa kuli ŵaTata; naneŵo ŋkamutemwa, nekulibwenesya kuli ye.

Naneŵo ŋkaŵatembela ŵaTata; naŵo ŵakamupeleni Umupalamisi umbi, ati ye akalukwikalilile nenu. Uyo wopele eMupasi waŴucine; uyu taŵesi ukupoka aŵapacalo capansi; pakuti taŵalukumuŵona-po, neli kumwisiŵa; sombi mweŵo mulimwisi, pakuti alekala nenu; kaŵili akalukuli muli mweŵo.

Nakaŵili, ifintu fyonse, ici mukalomba mwisina lyanji, ico ŋkacicita: ati ŵaWisi ŵakacindicilwe muMwana. Ifintu fyonse, kani mukalombe icintu mwisina lyanji, ico ŋkacicita

Kani mulintemenwe, mwakulukwalama amafunde anji.

Munanda yaŵaTata muli apakwikala apenji; ŋga tamuli, ŋga namuŵuleni; pakuti ndukuya mukumwansicileni umupunda.

Peŋka kani ndukuya mukumwansicileni umupunda, ŋkabwela nekumupokeni kuli neŵo nemwine, ati mukalukwikele kopele uko uku ŋkalukwikele neŵo.

Tomasi nekulaŵila kuli ŵo ati: MweŵaSikulu, tatwisi-ko uko uku mulukuya, mbensila twiisiŵe syani?