Popular Bible Verses from Yoane 19

Share

Lomba ŵaYesu, pakupoke'finega ŵalilaŵile ati: Pano kwakonsiwa! Eli ŵalebwisye umukosi waŵo, nekuleko'mupasi waŵo.

Lomba panuma pali fyefyo, ŵa Yesu, pakuti ŵaliisiŵile ati ifintu fyonse pano fyakonsiwa, ŵalilaŵile ati: Ndi necilaka! Ifyo ati amalembo akumanine.

Lomba ŵaYesu pakuŵona ŵanyinaŵo nemusambile uyo ŵatemenwe ŵaliimakene apo, ŵalilaŵile kuli ŵanyinaŵo ati: Mweŵanakasi, ŵoneni, umwana wenu ŋgu! Eli ŵaŋgalaŵila kumusambile uyo ati: Ŵona ŵanoko mba! Lomba ukutatika nakumpindi iyo umsambile uyo aliŵatwite kwaŵo umwine.

sombi pakufika kuli ŵaYesu, nekuŵona ati ŵafwa' kale, taŵaŵakonawile-po amolu; sombi umbi umusilikani aliŵatibwile muntiŵi ifumo; peŋka nemilopa nemenda alipulilile ukupokomoka.

Pakuti ifintu ifyo fyaliŵele, ati fikapelelwe pamo nemalembo ayo ati: Uyo, ifupa lyakwe neli limo talikakononwa-po. Nakaŵili ilembo limbi ati: Ŵakalukumulolesya-po uyo uyu ŵatibwile.

Naŵo ŵalifumine ili ŵapintile aŵene umutaliko waŵo, ukuyo'ko ukwailicilwe ati nikwiKoŵoŋgo, sombi muŵuEbeya ati niGolagota.

Naŵo aŵasilikani ŵaliposele umuntinya wamvuŋga, nekuŵika napamutwi waŵo, nekuŵafwika nemwinjila ukasicile