Popular Bible Verses from 1 Koriyn 14

Share

Yenen: Gor gek biynimb nuk gok monmon ma gipay; gos niŋyiŋg gey amek, kapkap mindrep gipay. Pen nimb ap nan-giy, biyn gok bi rek minim ma aŋgniŋgiy. Bi gok aŋgey, biyn gok yikop niŋniŋgiy. Krays biynimb nuk miñmon okok, kun ak rek nep gipay. Baybol buk tikyak minim ak, kunep kun ak rek nep mindip.

Gor chinup kond mindakniŋ, biynimb gok kuyip wasemb ay, direp ginjun aŋgnimimb. Kun ak Gor nup woŋg nuk ar gunap ginjun aŋgyiŋg, biynimb gok kuyip minim nup aŋgñemb rek ayniŋgamb ak, tep yimb kun giniŋgambim.

Gor minim miseŋ aŋgem mey, biynimb niŋiy mindmaŋgiy limgek, Gor nup direp yimb giniŋgambay.

Kun ak, biynimb Gor Kawnan gek, alemb andik mandik giy Gor minim apay gok, keynep aŋgyiŋg niŋyiŋg giy, Gor nup direp giniŋgiy rek ayip ak pen; biynimb Gor minim miseŋ aŋgñiniŋgambay gok, minim aŋgrep gey, Gor biynimb nuk kuŋaynep niŋiy, nup niŋrep giniŋgambay.

Nimbip kun ak rek nep giniŋgamb ak, niŋrep ginimimb. Gor Kawnan chinup gos ñakniŋ, woŋg nup ak gun aŋgiy kilis gipim ak; niŋrep giy, biynimb nuk gok kuyip, direp giniŋgambim ar gok nep ginimimb.