Popular Bible Verses from Mak 13

Share

Ba u katuun hoboto te pakö sil raroui limiou a solor. Kaba u katuun te pile kap hatagala nitöa ner a markato tere Sunahan tara pöata a omi teka, e Sunahan e lu pouts mera noien i tanen.”

Haneiam, tara kap hanigaiam. Taraha, alimiou ema atei silemi i hangisa te butu nama romana a pöata teka.

“Na pöata te pile kap rarien limiou bate las mera rilimiou turu kout, alimiou goma hakats hapara mam nami a manka tena ranga namou limiou. Ranga naiam a saha ka te hatei raroui limiou tara pöata, taraha, ema limiou nei te ranga miou, kaba u Namnamei u Göagono.

U kolö na u puta e taia hakapariou romana, kaba u raranga i tar ema antunan tia noi romana.”

Be Iesu e poeiena, “Kaba e möa ta katuun tega atei sil u lan tsi a pöata te butu nama romana a manka teka. U angelo ri Kolö ema ateiri na lia a Pien Tson tere Sunahan ema atei has gi. E Tamar pepeisa lasi te ateina.

Pöata te hengo namoa limiou a pula na u bulungana tara pula alimiou goma tokumi. A manka teka ega butu iou, kaba a kapkapana pöata ema la noa namei.

Na limiou go tara kap hanigaiam, taraha alimiou ema atei silemi i hangisa tena la nama romana a katuun terena luma. Nonei e la toum menama a lahibong tsi a bong roto tsi a gusuna bong tsi a lunlan. Nonei emi mots sabena tego soho uu lö tara pöata tena la hasingoto namen. A ka te ranga mera gilia alimiou e la has uana turu katuun hoboto: tara kap hanigaiam.”

A man han e hia pulapula riou, na man hun katuun e hia pulapula riou. A nun a para e butu noua tara mamana makum turu han hoboto na bes pan has e butu nou. A mamanaka teka e herena romana a tantania tara kamits pan tutuun tara tahol te katsin posana.

Na u Bulungana u Niga egi rarare mameia turu han hoboto.

U katuun u parpara ena la rima romana batemi poe riou a solor, bate poeier, ‘Alia e Mesaia,’ ba nori te gamo rariou u katuun u para.

“Alimiou go hanei iam, taraha u katuun e pile kap rariou limiou bate hala mera roi limiou turu kout, ba nori te atung raroua limiou tara man luman lotu. Na limiou ena tuol möa i matar u gamman na u king, taraha alimiou e hamana mia i tar, ba limiou te hatei ramouien u Bulungana u Niga.

U Mesaia gamogamo na u katuun u gamogamo te ngöeroi a peisaren u propet tere Sunahan e butu riou romana. Ba nori te katoeriou u hiharöto pan na man mirakol, tegi antunan gamo meraien u katuun te hopö kapir e Sunahan.

Be Iesu e poeiena, “Kaba tara man lan i murina tara pöata turu kamits teka, ‘ba pitala te kuhil nou, na tsihou ema piri lel noi, na u pitopito ena rus rima i kolö, na mamanaka a tagala na i kolö e gagas riou.’