Popular Bible Verses from Mak 9

Share

Be Iesu e poeiena i tanen, “E hana balö te poeiem, ‘Tego antuna uu lö?’ A katuun te ka mena a nihamana e antunan kato nena a mamanaka.”

Ba tamana pien e ku hapanina me poeiena, “Alia e hamanagu. Alö ego taguhema a tsi nihamana a tsi tetenei i tar.”

Ba pöata te tasuia e Iesu i luma, ba u katunun tsitsilo i tanen e rangata hamouse ren me poeier, “E ha lala ba lam tema antunan tsuga ba na mulei a liliahanei?” Be Iesu e poeiena i taren, “A toa puku a ka te antunan tsuga banena a marka teka: tego singo hatagala uaiam limiou tere Sunahan”

U sol u ka u niga. Kaba te taia ba nena u sol a nitatasena i tanen, ba lö temar kato hatatasena pouts mena moien ime? E möa. Na limiou go here hasemi u sol ba limiou te hiakaka haniga hobotomiou.”

Ba nonei e luena a töa pien a tetenei me hatuole nen i mataren. Ba nonei e lukutu nanen me poeiena i taren, “A katuun te hala nanou a niniganiga i tanen tara pien teka e haniga hase noulia. Na katuun te hanige noulia ema haniga pepeise noi lia, kaba e haniga hasena e Sunahan te hala na moulia.”

Alia e hatei hamana ragou limiou, a katuun te atei silena alimiou u katuun i tar bate haua ranoui limiou ta tsi ramun, a katuun teka e lu hamane nou u hamatana i tanen.”

E Iesu e ranga lel me poeiena, “Sanena ta töa ta katuun i gusumilimiou ega kato homi ta töa ta pien i gusur a galapien te hamana ria i tar ba pien te hapolasa ba nanou a nihamana i tanen, e niga bala nena tegi kits menai ta hatu pan i totongolo na a katuun teka ba nonei tena harukue ria i gusuna loul.

Na tega kato homieia lö a matamölö, has bani balö te ba namen. E niga bala nena tego ka menai lö u töa u mata balö te tasu mia tara Nipepeito tere Sunahan. Kaba e omi koruna tego ka menai lö u huol u mata ba nori te lapo ba naria lö i hel.