Popular Bible Verses from Luk 12

Share

Oseso sekwo soku sɨkuno engolopohamo ito'no fesyohumantokuno. Ngko A'amufe Hwomu sohwo'ni sɨkuno sekwo huno mosyofɨsyomokosyohumentanɨngkuji asomo wapmmonnoho. Ose ulɨmentisofoho.

Oseso sɨmo'mo sekwo Anɨtumo enjwa'mo humayo'ne hi semo'nɨngkuhwoso'no Anɨtu kako yo'mayo yo'mayo umofonyo ifijoso wosejapmmontonoho.

Ose ulonto a'amu hopi'nonohino somo ole ulɨmento, Sekwo huno ito'no fɨsyafɨhupmno. Nom'ne a'amufe yo'mayo somne'no hi semo'nyo so'no yahino so'no i'waho fiyɨmno. A'amu ho'yango pi'nɨngo engo yokumpohn'nyo mokosyohumayo sohwo kako oso ho'yango somta'ni sɨmeho wopɨngo neso motɨpuhwonyo hweho.

Ango jɨje ho'yango yo'mayo wopɨngo wojo sopo jɨje sɨmeho hi oso hopo weho.

Hwe fihwo sekumta'ni kako huno pi'nɨngo pi'nɨngo syafɨsyɨhwosi nje soswo sawemo umokinɨmne'no yohono lososo ne umo'nɨmontolo. Awonoho.

Ose ulonto Jisas kakoe inomokomoyo sohwamo ole ulɨmento, Oso'no ole selalokweno. Sekwo sekwoe fosyohumayo so'no huno pi'nɨngo engo syafɨsyɨkuji ole nolɨkutoho. Nakwo peho wosopayo wonantanto. Sekwo sekwoe a'apahomne'no huno pi'nɨngo engo syafɨsyɨkuji ole nolɨkutoho. Ngko nje a'apahomo peho wekojisyahinɨmonnto. Ose syafɨsyɨkutoho.

Anɨtu kako yo'mayo hopi'nonohinoso huno'njo hweho. Kako jɨje mnokinomjo mijiyo kenga'no kenga'nohinoso Anɨtu kako atofo nto lɨmentisofoho. Oseso sekwo a'amu poyo semokiyo sohwamne'no iyoho senɨngkuhwaloho. O'o, oso yɨhufo nɨhu'no we'e Anɨtu inɨngo mamofe'njo hofiyo mokosyohumawo'nɨngkiso somo sekwo yakolo'nnyo kuyoho.

Nje yahu mehomi soku sekwo yo'mayo so'no iyoho senɨngkuhwoloho. Anɨtu kako kakimo enjwa'mo humayo'ne mesehumajiyo'neso hungkuno nto mtito'mentisofoho. Anɨtu kako sekumo semokosyohumayo so'no sɨmeho wopɨngo umo'nalofoho.

Sekwo yɨhufo'ne fɨsyafɨhupmno. Hofɨko wopuyo hulɨwo'nɨngkohofo'maho. Hofɨko wopayo mehu'meesyɨwo'nɨngkohofo'maho. Hofɨko wopayo angoso yo'mayo ho'nasiyo'ne ango hi'njo'maho. I oso'no Anɨtu kako hofɨkimo wosopayo yo'mayoso uyɨwo'nɨngkohoho. Sekwo hwe moya'mi soku Anɨtu kako sekumo sehononteso sekwo yɨhufo somo yakolo'nnyo kuyoho.

Oseso sekwo wopayo yo'mayo mijo so'no peho wonantane'nunto Ose syafɨsyɨkutoho. Huno pi'nɨngo pi'nɨngo seyo'eno.

Ou oso wokoso fofo sɨkuno fihumo syohopo lohofososo mo'nɨngkanta a'amu nolofekuji tohomo wolofefantɨfeho. I oso'no oso wokoso fofo Anɨtu wonyoangkafo mtɨ'mokuwo'nɨngkiso somo uhwonontaneso wopɨngofoho lɨwo'nɨngkuhwono. Oseso sekwo soku wokoso fofomo yakolo'nnyo hokumo Anɨtu kako hofiyo wosemokosyohumamontonoho. Sekwo Anɨtumo sɨmeho hi'ntnnono we'e'nohinoso peho'no uyalokwofo.

Yo'mayo hiyaso'mo wojoso hwangku utɨhwa'nyopo u'mofapmmontonoho. Yo'mayo sekwo hiyaso mokosyohumawo'nɨngkohofo hungkuno hiyaso'mo lontɨfeso yahino wonyo hiyaso'mo yontɨfi tɨfi no'mo utɨhwa'nyopo i'mofapɨhwoso'no a'amu tɨmo uhwonantɨfeho.