Popular Bible Verses from Luk 9

Share

Ose ulonto hwe moya'mi hopi'nono Jisasɨmo inɨngkamentohofo somo ole ulɨmento, U, a'amu fisoku ngkimo wonnɨngkopano lɨfijo'manji sekwo sekwoe yo'mayo hi semo'nɨwo'nɨngkiso so'nji sekwoe yofe so'nji monje yahinɨngkuji sekwo sɨkuno huhwo huhwi nje yofe'no poyo pe'nyo so'no iyoho miyo'njo ifijoso ngkimo mofo ne sopo tɨfi nnɨngkapmno.

A'amu fihwo kakoe songo humayoso yokumpohn'nyo womokosyohumamo lososo kakoe songo ne'no humayoso wopɨwahu'montonoho. Oso'no a'amu fihwo ngkine'no huno uyahonɨngkuhwosi kakoe humayoso pɨwasyososo hwangku kakoe humayoso wotɨpema'montonoho.

Ose ulahonɨngki Jisas ulɨmento, A'amu ngkimo tɨfi ko nnɨngkapɨhwosi kako tɨfi no'mo yo'mayo ulɨko'maso so'no ikintɨmantɨmo mjɨmɨwe'njo sohwo kako Anɨtu a'amumo mokosyohumayo sopono syoho iyo so'no hopo'maho. Ose ulɨmentisofoho.

A'amu fihwo kako Anɨtumne'no hohujo ikinjaofɨhwosi kako olo hwaho loponjo ho'yango hamniyoho yo'mayoso engo hu'meesyontoso sohwo kako tɨkanomo weso'manji oso ho'yango yo'mayoso pipi ufo'maneto. Awonoho.

A'amu fihwo kako nje hungkuno so'nji ngko'ntnne'no hohujo ikinjanɨmofoso sohwo ngko oso huhwo sohumne'no tɨfi no'mo hohujo ikinjɨmo'mnefoho. Ou, osohonta ngko nje Mpohwoe yokumpohn'nyo so'nji a'amu ahwomomjo wopɨngo'nohini sohwafe yokumpohn'nyo'nji nje yofe engo'nji olo hwaho lopo asomo pmme sohonta a'amu ngkine'no hohujo ikinjanɨmofoso sohune'no ngko hohujo ukinjɨmo'monnoho.

Ose ulahonɨngki Jisas ulɨmento, Sikisɨwojo sohwa hofɨko hofɨkoe sokimoso hi'njo hwafoho. Yɨhufo sohwa hofɨko hofɨkoe aifoso hi'njo hwafoho. I oso'no ngko A'amufe Hwomu sohwo'ni ngko ango saho fosyawe'neso ane hwo'nyoho.

Oseso inomokomoyo sohwamo ulɨmento, A'amu fihwo kako olo mehomi lohumo nje yofe ho'nonɨmayo'ne ufo'maso sohwo kako ngkimo nɨfo'makwoho. A'amu ngkimo nɨfo'maso sohwo kako hwe engo ngkimo nɨhwatɨmentiso sohwo huhumo ufo'makwoho. Hwe fihwo kako kakoe yofe engo somne'no huno mosyafɨsiyo'njo a'amu nom'nimo ufo'mayo'nohini sohwo kako Anɨtuye tɨmopo hwe engo ne sɨmo'mjo hweho.