Popular Bible Verses from Aposel 1

Share

Ea' basef ipe'imi amama. Nambimb Ambal Bu'unai Godi nifi'mai ipe', nemaf anama pefa' pepel Ananinai, pewalapa basef Ae'ami Jerusalem ea' ganima etap hiagoma Judia ea' ganima etap hiagoma Samaria, ea' pefe' anama etap wambel hiagoma hi'ilagon.”

Ea' anan na'ipam na'i, “Amama ina amamaga ipe'imi ma pegawa nogota anama ma nimeguf Ahalome nandandepami, owa'. Anan atona numafi amama.

Anan ata' nape nalomam na'ipam mehip na'i, “Ipe' dei' ina pekwaha Jerusalem ulal, owa'. Pepe pehafa amamaga amama Ahalome na'i endilisi niesi'ipami. Amama fowa' ae' a'ipipami. Fowa' Jon napisi' amam nematawa hiesi embel. Ea' ipe' nambimb God nonda' baptaisimipa Ambal Bu'unai Ananinai.”

Fowa' saha Jisas nefa' nimanimi lu'wami naga' ea' notanima nohafel wapoti' nafe' natagama alupumi ananimi. Ea' nape aon si'inai tu'waninai nanda' pepel hianai ma nihi'ambam mogawa endilisi anan nofa' ambal namunai nape. Nimeguf amama Anan nawalipasa epes hiesi siowis wambota Godi numafias.

Jisas na'i basef amama hi'alam, esis ata' saitu satiligini etin, sati Anan nandegia nakwaha etap nalata ilif. Ea' anom elagw mofa'ana mafe' ea' ina satolona wapoti', owa'.

Anan nafe' ea', esis ata' saitu satologon etin ilif otaga, ea' dei' atef anom amam biam mola klos afitimi mondokwama mataga malomas maitu. Ea' ma'ipas ma'i, “Ipe' amam nematawa Galilipei, ipe' ina pitu piti otaga ilif, owa'. Jisas anama dei' God nofa'ana nakwahipa ea' nofa'ana nalata heven ilif. Anona nemaf notanima nifi'i petolona na'ama etin si'i dei' paitu patolona nalata heven ilif.”