Popular Bible Verses from Aposel 20

Share

Maol hianai ae'anai, ae' ahi'ambepa ma ape' monda' maol la'ifipa migiambama isima emi egafis owa' la'ifisa sigiambama esesi. Ea' ape' ukup mopoma basef amama Dembinai Jisas na'iami. Anan na'i na'ama na'i, ‘Danifel enin epen nese'as amamaga anasi nikila' danifel epen inima nefa'ami. God nofalo'ma epen inima nikila' inima nefa'asi.’ ”

Ea' ae' ina okom napoma ambal ae'anai atona nope, owa'. Ea' ina la'ifiwi ma ihapila ambal ae'anai la'ifina, owa'. Ae' a'i ila eaf anama ilana efe' embefana. Ae' a'i enda'ana hi'ilana andeande' maol anama Dembinai Jisas nasi'ianai. Maol anama ewalapa basef bu'wami Godi nagiambamapa na'a nofa'apa motanimani.

Ipe' pimafi ipe' andeande' ea' pimafi esis amam nematawa isima Ambal Bu'unai Godi nandandepepa ea' ma pimafiasi. Ipe' pindumafuma andeande' ma pimafi esis Kristen sios Godi andeande' si'i sanda' maoli sumafi sipsip andeande'. God natala esis Kristen ea' ma esimbel ananimi atom.

Dei' anda'epa ukup mopoma God noloma basef ananimi. Basef amama ma'ipipa Anan okom nainailipa ma nagiambamepa etin. Amama la'ifima monda'epa petaga la'ifipa mose'epa amamaga bu'wami atom God nase'asam amam nematawa anan nanda'as bo'wes ea' Ananisi etis.