Popular Bible Verses from Jon 1

Share

Ea' esis emi egafis amam nematawa seambale'efanai, nese'asa esis agofa setaga awasi Godi.

Fowa' gani dambadamba anom Basef epen nape. Ea' Basef epen anama nape naloma God. Ea' epen anama agilinama Basef anan atona God.

Howalagon anama nanda' owamb howalagon. Ea' owamb ina naofeniagon, owa'.

Basef mataga epen ea' anan nape la'afena ape', ea' wati howalagon pepel Ananinai. Howalagon anama pepel Nogalomana atona, Ahalomana nasapa'ana nafi'i. Ape' mati amama nagiambamapa etin nanda'apa la'ifipa ma nihi'ambapa waf endilisinai nape si'ina ma anan.

Anan nanda' epes ea' nanda' amamaga hiami. Owa' anom amamaga motaga anona eaf, owa'etin. Epes saloma amamaga matagai hiami anan atona nanda'am mataga. Ambal namunai napaina nape epen anama ea' ambal anama nanda' epes howalas.

Wafilu Jon nati Jisas nafi'mai anan na'ipas na'ama na'i, “Ipe' piti aman anama anan si'i mafin sipsip nogalomana Godi. Anan nambimb nokwaha waf aonai esis amam nematawa hiesi sape etapi sanda'anai.

Fowa' gani anan nanda' etap anae' nataga, dei' nafi'i nape etap anae'. Ea' esis amam nematawa etapasi ina segawana, owa'. Anan nafi'i nataga ofagama etap hiagoma esis Juda, ea' epes hiesi Ananisi ina sogawana sa'i sofa'ana sembale'efana, owa'etin.

Nagwapin anama nanda' epes howalas endilisi nafi'i etap anae' ma dei' nogota anae'.

Fowa' God nase'ana mi'uli Moses ea' Moses nawalipas. Ea' Jisas Krais nikila' Moses nagiambamapa etin ma waf endilisinai.