Popular Bible Verses from Iko Zinume 22

Share

Ijadufuo Eburame fu are ije ive ina kuae, E Ireobo Korufuo Vajuokono kuae. Ijadufuo iviama are ije bu kua, E Ireobo ijadufuo uruo ijia fu vajuokono kuavo.

Areme Godi fu kume, Urina Aeseki fari one ka besu a ma ireobo oetuamo ijene mesirina uri are Moraea ijia vane. A ijia vaga na uruo be nijasaga a ijia fari one ije abe kanana na zinone ifaejieno kumei.

Areme fune uri sime abena Aeseki bijakuvenoga Godido anera ije fu saroruba saove ijia kumei, Eburame, Eburame, arene! A fari one ije ade kana ro ire be fuone remo. Ijadufuo maeje iviama na gaga aka Godi mukoreigia aguaekinu irinamo ijadufuo a fari one besu a ireobo oetuamo ije aka uria oemarekinu abe na miekiro vierafemano kumei.

Fu ijiege kuaramoga Eburame fu kuae, Farino, mave-ame ije no zinone ifaejedufuo ije fu Godire korufuo muokono kuae. Areme bune vakuma are ije Godi fu kuaema ijia usiae. Bu va ijia usiae areme Eburame fune uri fata zinone ifaejedufuo ije mune ijia kari nana amaerima areme uri miane ije karina fata ado ijia nae. Fune ijiege re areme fune uri fari fuone Aeseki farena toma areme dabena miane ado ijia nijae.

Areme E Ireobo ijadufuo anera ije fu saove ijia una kuke Eburame kumei, E Ireobo fu kuae, Aka na iriniema ijadufuo a fari one a ma ireobo oetuamo ije abe kanana na zinone ifaejiekiro naebe abe rui. Ijadufuo na ive none ijia kuranamina kuaedo nare daro ka ireobo maga uifari one buka ire zuvi saove gufia ireva ro kuke davare ajare game fu zaraema ijiege buka e uruvana reke. Ro kuke bure e ani buone ije iraraena kaniana aesakae ro sidove buone ije keke. Ro kuke aka na iriniema ijadufuo na uifari one ijiebuo duvado ijia nare e aesakae binobino ijia kariva ije marejiakono kuae.

Areme rade maza be Godi fu Eburame izege fu irinamo ijene biesiri gakiro vierafei. Ijadufuo Godi fu urina kume, Eburameno kumenoga fu una gue onukuana kumei, Na igifurekino kumei.

Areme fune uri sime abena Aeseki bijakuvenoga Godido anera ije fu saroruba saove ijia kumei, Eburame, Eburame, arene! A fari one ije ade kana ro ire be fuone remo. Ijadufuo maeje iviama na gaga aka Godi mukoreigia aguaekinu irinamo ijadufuo a fari one besu a ireobo oetuamo ije aka uria oemarekinu abe na miekiro vierafemano kumei.

Areme E Ireobo ijadufuo anera ije fu saove ijia una kuke Eburame kumei, E Ireobo fu kuae, Aka na iriniema ijadufuo a fari one a ma ireobo oetuamo ije abe kanana na zinone ifaejiekiro naebe abe rui. Ijadufuo na ive none ijia kuranamina kuaedo nare daro ka ireobo maga uifari one buka ire zuvi saove gufia ireva ro kuke davare ajare game fu zaraema ijiege buka e uruvana reke. Ro kuke bure e ani buone ije iraraena kaniana aesakae ro sidove buone ije keke.

Fu ijiege kuaramoga Eburame fu kuae, Farino, mave-ame ije no zinone ifaejedufuo ije fu Godire korufuo muokono kuae. Areme bune vakuma are ije Godi fu kuaema ijia usiae. Bu va ijia usiae areme Eburame fune uri fata zinone ifaejedufuo ije mune ijia kari nana amaerima areme uri miane ije karina fata ado ijia nae. Fune ijiege re areme fune uri fari fuone Aeseki farena toma areme dabena miane ado ijia nijae.