Popular Bible Verses from GÉNESIS 32

Share

Jare jókuae kuimbae jei chupe: —Ngaraa ye ma nderee Jacob. Ndembojee retata Israel; echa reñoïraro ko Tumpa ndive jare kuimbae reta ndive, jare reporomoamɨri.

Jare jei: —Emaeño mo cheré, köeta ma. Ërei Jacob jei chupe: —Ngaraa amaeño nderé, mbaetɨ ndeporerekua cheré yave.

Jökorai Jacob opɨta jaeño; jare metei kuimbae iköembipe oñoïraro jae ndive.

Jare Jacob ombojee jókuae oñoïraroa, Peniel; echa jei: “Tumpa jova etei aecha, ërei aikoveño, oasayepe cherekove.”

Ërei kuae kuimbae oikuaa mbaetɨta ma ipuere jese yave, okua iuɨpɨ re, jare Jacob iuɨpɨ opuru oñoïraro ramboeve jae ndive.

Jare jókuae kuimbae jei chupe: —¿Mbae pa nderee? Jae jei: —Jacob.

Jayave Jacob oparandu chupe, jei: —Añave nde emombeu cheve nderee. Jare jókuae kuimbae jei: —¿Maera pa reparandu cheve cheree re? Jare iporerekua jese joko pe.

Che mbaetɨ ko jupi aiko vaerä ndeporoparareko rupi ani ndeporoangareko rupi; tenonde yave kuae ɨ̈aka Jordán aasa ko chepopoka ndiveño etei, ërei añave aï mókoi teyupa ndive.

Jáeramo Israel iñemuña reta añave rupi mbaetɨ jou mbae iuɨpɨgüe, echa Jacob iuɨpɨ re araɨgua okua.

Jare Jacob oyerure jei: “CheYa, cheramɨi Abraham iTumpa, cheru Isaac iTumpa, nde rere cheve: ‘Ekua ye ndeɨvɨ pe jare nerëtara reta pɨri, che ayapota ndeve ikavi vae.’

¡Añave, chereepɨ cherɨkeɨ Esaú güi!, echa akɨɨye chugüi ou vaerä cheve jare oyuka kuña reta imembɨ reta ndive.