Popular Bible Verses from SAN JUAN 7

Share

Cheré güɨrovia vae güi osɨrɨta jeta ɨ tekove pegua. Jökorai Tumpa Iñee pe oyekuatía oï.

Jókuae ara ma arete opata yave, arete tuichagüe jare ikavi yae vae pe, Jesús oyemboɨ jare iñeeäta reve jei: —Oime yave kia iɨuve vae, tou chekotɨ jare toɨu.

Jökorai imiari Jesús Espíritu omeeta güɨrovia jese vae reta pe vae re. Echa ndei ou Espíritu Santo, ndei Jesús oyemboeteuka ramo.

Agüɨye peporojäa peecha vae rupiño. Peporojäa kavi jupi rupi.

Iyeugüi aeño imiari vae oeka oyemboeteuka vaeräño, ërei oeka omboeteuka vaerä imboúa vae, jae oporomboe añete vae re. Mbaetɨ oñeväe jese jupimbae.

Jayave Jesús jei chupe reta: —Cheporomboe chembaeä ko. Chembou vae iporomboe ko.

Ɨvɨ pegua reta mbaetɨ mbae re pemotareɨ vaerä, ërei che chemotareɨ reta. Echa che amombeu chupe reta ikavimbae vae ko jae reta oyapo vae.