Popular Bible Verses from SAN MARCOS 6

Share

Jayave Jesús jei chupe reta: —Pe retaño yaja kïrii ngatúa pe, yaputuu vaerä michi pegua. Echa jekuaekuae jeta vae yogüeru jae reta ñogüɨnoia pe. Jáeramo Jesús jare jemimboe reta mbaetɨ ipuere okaru vaerä ave.

Jayave Jesús jei chupe reta: —Opaete rupi imboetea yae metei ñeemombeúa. Jaeño jëtaɨgua reta, jëtara reta jare jëta pegua reta mbaetɨ omboete.

Jesús ogüeyɨ yave barco raɨ güi, oecha jeta yae vae, jare oiparareko omae jese reta. Echa jae reta vecha iyangarekoambae rami yogüɨreko. Jare omboɨpɨ omboe reta jeta mbaembae re.

Jare joko pe mbaetɨ oyapo mɨakañɨ. Jaeño ipo oñono amogüe imbaerasɨ vae reta re ombogüera vaerä. Jare Jesús ipɨakañɨ jese reta, mbaetɨ güɨrovia jese ramo. Jayave Jesús ojo oporomboe ïru tëta reta jokoropi ñogüɨnoi vae reta rupi.

Javoi Jesús oipɨɨ jókuae pandepo mbɨyape jare mókoi pira, jare omae ara kotɨ, jare omee yasoropai Tumpa pe jese. Jayave opɨ̈saa mbɨyape, jare omee jemimboe reta pe, jae reta omee vaerä yatɨ tee tee ñogüɨnoi vae reta pe. Jesús opɨ̈saa vi omee jókuae mókoi pira opaete vae pe. Opareve okaru, jare yangapɨɨ reta. Jayave Jesús jemimboe reta omboatɨ mbɨyape jembɨregüe, jare omotɨnɨe reta doce kanata. Jare pira jembɨregüe.