Popular Bible Verses from Luka 19

Share

Ŋana tu naŋa Tamâta Natu amâ tu aroto ŋananzi tamâta ŋinde sisapiri lâ kala sizizâla ŋana nzâla kâ, ŋana akainzi piti lâ kondoma ilo. Aku kinzi ma simo vianzi mine ku simo nâ.”

Sisarâwa mine tu, “Maro Kindeni itu nzâmbe pa koipu ŋalae ŋine ikai Maro Ŋalae ndamwa kala imâ! Tapanea Maro Kindeni, i âta Tamwata, ŋana tu iveta kinda tamâta tamo ilonda kalonda taitu kuku i!”

Ŋineŋga Yesu itu lâ kawa ku ipai tu, “Ayo, tamâta ŋai nde Abraham ne vâsa mao! Aku lâ ŋine kari, ande Maro Kindeni izavaru kiesaka piti lâ kinzi tamâta uru simo luma ŋine tininzi marumbu lâ.

Yesu nde iyoka imâ ku ipâŋga nia ŋinde lâ, ŋineŋga imandi ku mata kâki itandea kâi ŋinde, aku ipai Sakai tu, “Sakai, kundue kumâ walele nâ, ŋana tu ŋine kari naŋa ma amo kuno lâ noko ne luma ilo.” Aku Sakai nde indue imâ walele nâ, aku ilo indeka ndo. Aku ikai Yesu silâ pa i ne luma.

Aku Yesu ku Sakai rua nde silâ luma ilo. Ŋineŋga Sakai imandi, ku ipai Maro Ŋalae mine tu, “Maro Ŋalae, kuloŋo ŋga. Kala ŋine naŋa ma awae naneŋgu mbaliŋa rârâni apu pwataki mo rua, aku ma toŋge alanzi sugorai tamwatanzi. Ambo naŋa muŋga alaŋe tamâta toŋge ku apanawe i ne kelekele toŋge, ande naŋa ma akatu kelekele ŋapa ilâ papa kilo.”

Aŋga kinzi tamâta pinde lâ Parisai ŋgu nde simo lâ ŋgu ŋalae ŋinde ŋgininzi, aku sipai Yesu tu, “Pananâŋa, kumbitanzi noko ne tamâta ŋana ŋgua kala siporo ŋine tâ!” Andeta Yesu itu lâ kawanzi ku iporo tu, “Naŋa apaimi tu ambo kinzi ma sisae warakanzi kawanzi, ande kinzi mira ŋai ma sikai nianzi ku ma sisarâwa sipanea Maro Kindeni!”