Popular Bible Verses from Luka 21

Share

Mine kala kapakatona sondo ikura zo zo. Aku ara ŋana miki ma kakai noŋa pa Maro Kindeni tu ma ipu tini kaika pa nemi kalo-tawana, ŋana vetâŋa rârâni ŋinde ma muli ipâŋga pami. Ambo miki ma kamandi kaika nâ, ande muli miki ma kakura tu kamandi lâ naŋa Tamâta Natu naoŋgu.”

Yesu iporo kilo mine tu, “Miki kapakatona sondo ŋga; tia ma miki kanu lââ kaika potomule ku kadauda, aku ma kalomi loko ŋana karaemi ne kelekele kâ. Ambo miki ma kaveta mine, ande naneŋgu zo ŋana ataulo amâ kilo kâ ma ipâŋga walele pami, itogo nimbu uru ikainzi simbi walele mine.

Ambo miki nemi kalo-tawana ma ikeno kaika, ande Maro Kindeni ma via mao ilami, ma kamo viami mine ku kamo nâ.”

Ŋana tu naŋa warakâŋgu ma ao ŋgua lâ miki kawami ŋana kaporo katula panzi, aku naŋa ma ilo-kalo ara alami. Mine kala nemi kazâŋa tamâta ŋinde ma sikura tu sileleami ku sitawa nemi ŋgua ŋinde ndue, ande tia ndo.

Mao nâ, samba wa tâno wa ma muli marumbu lâ, aŋga naŋa kawâŋgu ŋgua nde ma marumbu tia ndo, ma ikeno mine ku imo nâ.”

Yesu iporo ŋgua kilo tu, “Lâ zo muli, ande mâsi kilala kie-kie ma ipâŋga lâ kari wa nzimona wa pitu wa tininzi. Kinzi tâno tamâta ma simora tâi ilâ wa imâ wa, ne nduŋeŋani ŋalae tina, aku ma siruru pâta ku ma ilonzi rârâ tona. Kinzi tamâta ma ilonzi putuka ŋalae tina tu, ‘Kala ŋine mâsi ndia ma ipâŋga lâ tâno kulu!’ Kinzi ma ilonzi ruruŋa kala ma naonzi lâma, ŋana tu samba tini ne siŋgâra ma iyoka marumbuni. Ŋineŋga kinzi tamâta ma simora naŋa Tamâta Natu amo take-take toŋge ŋgini amâ tava walo ŋalae, aku ma simora kilalâŋgu pwataki tu naŋa nde Maro Ŋalae.

Mao nâ, kinzi tamâta rârâni ma wisinzi nâna ŋalae tina ŋanami, ŋana tu nemi kalo-tawana ikeno pa naŋa.

Ogigi ŋalaŋala ma siveta tâno ririŋo, aku putole ŋalae tava pukoŋa sakamao ŋalaŋala ma sipâŋga lâ lawea rârâ. Kinzi tamâta ma simora mâsi ŋalaŋala kie-kie ipâŋga lâ samba tini, aku ŋinde ma ivetanzi siruru ŋalae tina.

Ambo tu miki ma kaloŋo ŋgua ŋananzi lawea pinde siveta paraŋa ŋalae, ande miki ma karuru ndimo. Ŋana tu vetâŋa ŋinde ma ipâŋga muŋga lâ ŋga, andeta zo ŋana tâno ŋine ne zo marumbu kâ ma ipâŋga walele tia.” Yesu iporo ŋgua ŋine lâ, ŋineŋga ipainzi tu, “Kinzi tamâta lâ lawea pinde ma simandi sikai kazâŋa panzi tamâta lâ lawea pinde. Aŋga kinzi ŋgu pinde ma simandi sikai kazâŋa panzi ŋgu pinde.

Yesu iporo ŋgua kilo tu, “Lâ zo muli, ande mâsi kilala kie-kie ma ipâŋga lâ kari wa nzimona wa pitu wa tininzi. Kinzi tâno tamâta ma simora tâi ilâ wa imâ wa, ne nduŋeŋani ŋalae tina, aku ma siruru pâta ku ma ilonzi rârâ tona. Kinzi tamâta ma ilonzi putuka ŋalae tina tu, ‘Kala ŋine mâsi ndia ma ipâŋga lâ tâno kulu!’ Kinzi ma ilonzi ruruŋa kala ma naonzi lâma, ŋana tu samba tini ne siŋgâra ma iyoka marumbuni.

Yesu iporo ŋgua ŋine lâ, ŋineŋga ipainzi tu, “Kinzi tamâta lâ lawea pinde ma simandi sikai kazâŋa panzi tamâta lâ lawea pinde. Aŋga kinzi ŋgu pinde ma simandi sikai kazâŋa panzi ŋgu pinde.

Ŋineŋga Yesu ipainzi tu, “Miki kapakatona sondo ŋga. Tia ma kinzi sikai laŋeŋa pami. Ŋana tu tamâta rârâ ma simâ ku sipatu naŋa ŋâŋgu, aku ma siporo tu, ‘Naŋa warakâŋgu kala Kirisi’. Aku ma sipaimi tu, ‘Ayo, zo ŋga imâ ipâŋga laiti lâ’. Andeta miki ma kalâ kapono muli panzi ndimo.