Popular Bible Verses from Ezekela 3

Share

Ngò gi, agè ashop sû lé, ‘Nàng gi, gè gè yhang shî râ nghut lhê.’ nghû taî é hkûn, nàng gi, yhang lé sidìq a byî é htoq agó, yhâng é chyungxe wó lùt râ matú, yhang lé hkyô shit dang a taî é nghut jáng, haú yùq gi, yhâng é yubàk marâ é yánmai shi byùq râ nghut lhê; Ngò gi, nang lé haú yùq é sui yui chyîn bùt râ nghut lhê.

Nghut kôlhang, nàng gi, agè ashop sû haú yùq lé sidìq byi kôle, yhang gi, yhâng é agè ashop hkyô eq yhang mara kut shut nyi é hkyô pé mai a lhing lo é nghut jáng, yhâng é yubàk marâ é yánmai shi byùq râ nghut lhê; nghut kôlhang, nàng yhang gi, chyungxe wó lùt râ nghut lhê.

“Byù zo ê, Ngò gi, nang lé, Isira-elaq byu pé lé wú zúng râ sû kut nhâng bê nghut lhê; haû mù, Ngò taî é dang lé gyô yù luî, yhángmòq lé sidìq byi aq.

Hau htoq agó, díngmán sû rayùq gi, yhâng é díngmán hkyô mai lhing ló mù, agè ashop é hkyô kut é nghut luî, Ngò gi, yhâng é hí má htûng lèqbàt jowò to byî é nghut jáng, yhang gi, shi byùq râ nghut lhê. Nàng gi, yhang lé a lhoqpûn é yánmai, haú yùq gi, yhûmsing é mara mai shi byùq râ nghut lhê. Haú yùq kut é díngmán hkyô pé lé gi, myìtbun byi râ a nghut; Ngò gi, nang lé haú yùq é sui yui chyîn bùt râ nghut lhê.