Popular Bible Verses from Yohan 14

Share

Ngò gi, núngmòq chyáng, nguì ngón hkyô tô to byi bê; Ngá é nguì ngón hkyô, Ngò, núngmòq lé byî é nghut lhê. Ngò gi, mingkan byî é dông, núngmòq lé byî é a nghut. Núngmòq é i‑myìt nhiklhum lé, myìt wui myìt hkê é eq gyùq kyum é hkâdùt nhâng kó.

Yesuq gi, “Ngò gi, hkyô nghut lhê; haû tengmán hkyô eq chyungxe le nghut lhê. Ngò mai za a nghut jáng, ó yùq le, Îwâ chyáng wó jé é a nghut.

Núngmòq é i‑myìt nhiklhum lé, myìt wui myìt hke hkâdùt nhâng kó. Garai Gasang lé lùm keq; Ngo lé le lùm keq.

Nghut kôlhang, Ngá é myìng dông, haû Îwa nhang kat râ nghut é, hpàqchyî byi Sû nghu é, haû Chyoiyúng Sô gi, núngmòq lé, jung hkangmó mhoq byi râ eq, Ngò, núngmòq lé taî kyo bê hkyô lhúnglháng, núngmòq lé lhoqpun râ nghut lhê.

Ngá é hkunmó pé lé wó mù, châng kut é sû ó yùq nghut kôle, Ngo lé chyitdàp é sû nghut ri. Ngo lé chyitdàp é sû lé gi, Ngá wa chyitdàp râ nghut lhê; Ngò le, haú yùq lé chyitdàp luî, Ngá gûng lé yhang, yhang lé shit râ nghut lhê.” gâ ri.

Haû Îwa gi, núngmòq eq ahtum abyùq nyi nyì râ nghut é, hpàqchyî byi Sû gótû rayùq, núngmòq lé byi râ matú, Ngò gi, haû Îwa lé dung râ nghut lhê. Haú yùq gi, tengmán é Sô nghut lhê. Haû mingkan gi, Sô haû lé a myàng a sê é yánmai, Yhang lé a wó hàp yu é nghut lhê. Nghut kôlhang, Yhang gi, núngmòq eq rahá nyi nyi é nghut luî, núngmòq má nyi to râ Sû nghut é yánmai, núngmòq gi, Yhang lé sê akô.

Haû Yhang zô é yánmai, Îwâ é hpungwup shingkang wó hû ló shoq, Ngá é myìng lé lang luî, núngmòq haí jung dung kôlhang, Ngò gyo byi râ nghut lhê. Núngmòq gi, Ngá é myìng lé lang luî, haî dung kôlhang, Ngò gyo byi râ nghut lhê.

Núngmòq gi, Ngo lé chyitdàp kô é nghut jáng, Ngò hkyô tô é hkunmó pé lé, cháng kôrâ nghut lhê.

Ngá wâ é yhûm má, nyì jowò myo myo jòq lhê; a jòq é ru nghut le gi, noq mai, Ngò, núngmòq lé taî kyo râ nghut lhê. Ngò, haú má ló é gi, núngmòq é nyì jowò ló hên láng râ matú ru nghut lhê.

Ngò gi, ló mù, núngmòq é matú nyì jowò ló hen é nghut jáng, Ngò nyi é jang má núngmòq le wó nyì shoq, Ngò eq rahá nyì râ matú, Ngò dum taû lé mù, núngmòq lé, lé shuî yù râ nghut lhê.

Haú hkûn, Htomaq gi, Yhang lé, “Yhûmsîng ê, Nàng hká shut ló é lé lháng, ngá-mòq a sê le nhîng, hkyô haû lé, ngá-mòq hkâsu kut wó sé râ lhú?” ga myî ri.