Popular Bible Verses from Nhông Jaú 26

Share

Ngò gi, núngmòq chyáng sô nyì râ nghut mù, núngmòq é Garai Gasang dùt râ nghut lhê; haú hkûn, núngmòq gi, Ngá é byu pé dùt kôrâ nghut lhê.

Ngò gi, yhâng é yàm-yòq má yhang, núngmòq é matú mau wo hkyó byi nhâng râ nghut mù, myigùng gi, kyôshi myuishi lhoqhtoq byi luî, hkyâm mâ é shigâm pé gi, ashi tsing zui byi râ nghut lhê.

Núngmòq gi, Ngá é târâ wàng hkunmó pé lé cháng mù, Ngò hkyô tô é hkunmó pé lé rago châng é nghut jáng

Ngò gi, núngmòq é maumyî má nguì ngón nhâng râ nghut mù, núngmòq gi, ó yùq èq le a kyuq tân é za wó lèq yhup kôrâ nghut lhê. Ngò gi, núngmòq é maumyî mai agè ashop é tân jung yòsô zè lé huî sêng pyám râ nghut lhê; núngmòq é maumyî gi, shâm lhâm mai lùt râ nghut lhê.

Ngò gi, núngmòq lé wú gon mù, núngmòq lé zo myo myhû nhâng luî, myo luq jebe nhâng râ nghut é htoq agó, núngmòq eq Ngò tô tô é dangshikaq lé lhoqdìk râ nghut lhê.

Ngò gi, núngmòq, Egutuq byu pê é jùn a dùt nyì lo râ matú, núngmòq lé Egutuq ming mai shuî htoq lo é Sû, núngmòq é Garai Gasang nghut é, haû Yhûmsîng Garai nghut lhê; Ngò gi, núngmòq é kyaú lé lhoqhkyuî pyám byi mù, núngmòq lé, ulhum tu ngháng luî só nhang é nghut lhê.

Ngò gi, núngmòq chyáng Ngá é nyì jowò tô to râ nghut lhê; Ngò gi, núngmòq lé chaq pyám râ a nghut.

Núngmòq gi, yhûmsing é matú, hparà hpôlhô pé hkâsaí kó; alhô nghut kôle, lùqzìng lhô nghut kôle, hkâsaî tsûng kó; noq râ matú núngmòq é maumyî má kyûng tô é lùqgòk lé hkâ-tsûng kó. Hkâsu mù gâ le, Ngò gi, núngmòq é Garai Gasang nghut é, haû Yhûmsîng Garai nghut lhê.

Núngmòq gi, kyôshi myuishi asik kat râ matú axau lé gòt htoq pyâm é hkûn jé shoq, hî zan lhê é kyôshi myuishi lé zô nyì shirâ nghut lhê.

Núngmòq mâ é ngo yuq gi, byù rashô yùq lé châng hkat râ nghut mù, rashô yùq gi, byù ra-mun lé châng hkat kôrâ nghut luî, núngmòq é gye pé gi, núngmòq é shâm má gyòp gyó é hui kôrâ nghut lhê.

Núngmòq gùq bàt é ahkyíng gi, tsibyiq shi hpyoq yu é hkûn jé shoq myáng mù, tsibyiq shi hpyoq é ahkyíng gi, kyô hkyó yòq jé shoq myáng râ nghut luî, núngmòq gi, gyi gyi dau dau myàng zo mù, núngmòq é maumyî má nguì ngón é èq myang nyì kôrâ nghut lhê.

Núngmòq gi, núngmòq é gye pé lé châng hkat kôrâ nghut mù, yhángmòq gi, núngmòq é shâm má gyòp gyó é hui kôrâ nghut lhê.

Ngá é Bánno Buìnyì pé lé châng nyì mù, Ngá é sân-yúng jowò lé hkúngga hpautap keq. Ngò gi, haû Yhûmsîng Garai nghut lhê.