Popular Bible Verses from Marikuq 13

Share

Byù lhúnglhâng bang gi, Ngá é yánmai, núngmòq lé a nguì kut kôrâ nghut lhê; nghut kôlhang, jihtûm jé shoq wó hkam jân nyi é sû gi, hkyi yu é hui râ nghut lhê.

Haû mù, núngmòq gi, ahkyíng haû hkâ-nhám jé râ lé, a sé kô é yánmai, sidìq nyì keq! Machyâ nyì keq!

Núngmòq gi, chyup yu é hui luî, jep huî é hkûn, haî taí râ lé, hkâ-myìt chiq kó. Ahkyíng jé jáng, nang lé myìt htoq lô nhang é dông za taí aq; hkâsu mù gâ le, dang haú pé gi, núngmòq taî é a nghut, haû Chyoiyúng So èq taí nhang é ru nghut lhê.

Mauhkûng eq myigùng gi, a jòq lo dùt byùq râ nghut lhê; nghut kôlhang, Ngá é dang gi, ru joq nyî râ nghut lhê.

Buìnyì eq ahkyíng haú lé gi, ó yùq le a sé; mauhkûng htoq mâ é maumang lagyô pé lháng a sé; haû Zo le a sé; haû Îwa za ru sê lhê.

Núngmòq gi, majan dùt nyi é hkyô eq majan eq sêng é danglám pé lé, wó gyo kôjáng, hkâgyùq dàn kó. Haú hkyô pé gi, dùt lò râ za nghut lhê; nghut kôlhang, ló htâng é buìnyì gi, a nghut shi.

Haû mù, haû Yhûmsîng hpó gi, myínhtâng làq, myín gùnggàm làq, wòqtûn hkun làq, maubó zó làq, hkâ-nhám jé lô râ lé núngmòq a sé kô é yánmai, sidìq machyâ nyì keq. Haû a nghut jáng, Yhang, dàn lòq tung taû jé lo é hkûn, núngmòq yhup myhî tô é lé, lo myang pyám râ nghut lhê. Ngò, núngmòq lé, ‘Sidìq machyâ nyì keq.’ nghû taî é eq rajung za, yùq hkangmó lé le, taî é nghut lhê.” ga taî ri.

Byù ra-myû eq ra-myû, mîngdán ralhum eq ralhum majan zân lhûm lò kôrâ nghut lhê. Jowò myo myo má, layàng nún é, mùtmó gyó é pé dùt lò râ nghut lhê. Haú pé gi, wuîhke jamjau hkyo é a-pûn awang za ru nghut ashî.

Haû gabú danglù gi, a-myû bànshoq lé hí hko kyo ra râ nghut lhê.

Hkâsu mù gâ le, ‘Ngò gi, haú yùq nghut lhê.’ ga, Ngá myîng lé lâng é byù myo myo nyi htoq lô mù, byù myo myo lé shuî nghoq kôrâ nghut lhê.

Núngmòq gùng núngmòq sidìq nyì keq. Hkâsu mù gâ le, yhángmòq gi, núngmòq lé, târâ rûng pé má ê àp pyám kôrâ nghut é htoq agó, târâjong pé má núngmòq lé nhuq bàt kôrâ nghut lhê. Hau htoq agó, núngmòq gi, Ngá mying é yánmai, mau zau wuì eq hkóhkam pê é hí má, sàksé dông yàp ra kôrâ nghut lhê.

Hkâsu mù gâ le, Hkrisidùq a-pyoq pé eq myìqhtoi pyoq pé nyi htoq lô mù, wó dùt é nghut jáng, hkyin yù hui bang lé lháng, wó lhoqnghoq shoq ga, alhô agàn pé eq làklaí alhô agàn mó pé lé kut shit kôrâ nghut lhê.

Buìnyì haú pé má, wuîhke jamjau haú pé laî é htâng, ‘Buì gi, nòq byùq mù, lha-mó gi, a tsô dùt byùq râ nghut lhê; kyî pé gi, mauhkûng mai byìt gyó lo bùm mù, mauhkûng mâ é wum-o a-tsam pé gi, lhoqnhûn é huî bùm kôrâ nghut lhê.’