Popular Bible Verses from Luk 4

Share

“God Guewa mega potanap bararaen, iwa kayakayawan taine nagirewa, oit mega kakaewa wadidiamopen menan om enunegen. Itan panamoni nagirewa ne wapena gapan mu vetamoin, ap menan watu enanegen. Yame borat mutane nagirewa yangut tapen, itan muga wat nagasepen menan tauan. Amba God waenapan mega wat inakam mumapen wamewa, gase taueni oisewa wadidiamopen menan ongen.”

Iesu sia wan, “God nop mega ok anega sean, Nu Ayop nuga God megenat wa taragaset, ayamat mega taivinait.”

Wani Iesu gare anega wan, “God nop mega ok anega seane, Waenapan inak muga ibariwa taba naine megenat uon.”

Iesu kaum Diodan gapan dup ieni imu pose iragi Guewa Woup Seni no dotouen boge Diodan ae ve amba Guewa naue at kaimewa aen.

Iesu gare sia wan, “God nop mega ok anega seane, Ayop gega God uniunion pusi warup ya tayawa.”

Ap gapan, Seitan pusi warup ugup ugup Iesu inap tayavin en, ae ve anega anuni, wam kakaewa da inepi amba sia tayawain.

Ap mepe, Seitan Iesu wat naue tunup ideve dot ae, boge piup ma kakae guragut mega iragi ewasen. Ewase anega wadien, “Piup ma iragi wande aeniwa amba aro amun megawa iragi neneni wandia. Ap menan ne orup da wanat anupena di wanain. Menan, ge iak poe inanap ta wa taragat nimanegewa, toemu mame iravi genain.” Iesu sia wan, “God nop mega ok anega sean, Nu Ayop nuga God megenat wa taragaset, ayamat mega taivinait.”

Amba Seitan Iesu pa Ierusalem wa upe naue aeni, God Paewa aigarip bare anega dien, “Ge God Otua wanigewa, map mepe pi ta aipa piupa wanigewa, pusiga ya en manai. Iwa God nop mega ok anega seane, God wap anea mega taue genan amataga yaentuk ta naugep vitai. Anea nanimup di warak nauge vise pia bat gimagain, pusiga agima en manamewa tawa.” Iesu gare sia wan, “God nop mega ok anega seane, Ayop gega God uniunion pusi warup ya tayawa.”