Popular Bible Verses from Jon 5

Share

“Ija je mele maadigina, oso ijana je dugiaqa, sulten eu uqana jenu waug meleigiaqa, eu uqa cebac bilec catanec wele on. Uqa gesildocna qee leiaun qa uqa cal mecnadec cebac bilecnana wele leti len,” aden.

Jisas uqa dana eu ninijen fimei uqa hag saen odi cecelacca nijina dumei sisildu madon, “Hina hag mehecnu gale henafo?” don.

“Feiga, age Anutna jaqec je euna cebac bilec catanec oqan eginanu sasanijii uqana caun megegina. Euqa Anutna jaqec je eu ijana gugnu qasali madena. Euqa age cebac bilec catanec eu ocnu cemeni hoqagannu culegina,” aden.

Odocob Jisas madon, “Hina cajimeg hinana taeg umeg coboga,” don. Mahuc bahic dana hag medocob caji uqana taeg umei jic cobon. Aria, deel Jisas uqa me muden eu Juda agena cuha deel.

Eunu Jisas uqa Juda dana maaden, “Ija je mele maadigina, Anut Melah uqadodoc dih ceteh oso odocwe qee. Uqa Memige Anut oodon fena eu himec uqa odona. Memige Anut uqa Melahnu nalug mena. Uqa ceteteh cunug uqadodoc odona eu Melah ihacdona. Mele, age fimeig tumatumaoqagannu Memige Anut uqa ceteteh qila fegina eu ceteteh wooladec ihacdugian. Eunu Memige Anut odona eu himec Anut Melah odona.