Popular Bible Verses from Matju 5

Share

Dana age gowoc oso madacdumeig hal dunuh qee tacena qa age gowoc ohisna caqusegina. Odocobil jona bilegina eundec cunug fulacadena. Dana age agena me odoc eu fimeig age Memega sao jobon bilia uqa binan suluqagannu age eu odiwe agena gowoc madacdocobil eu dana fulacadeiale,” aden.

“Age odi mahamahanu fulacdoc bilegina. Jobon ben aluhna cehein nijia eu jahunec nijecnu qee nijel.

Dana age wawaga cataniec eundec age Anut ola foqagan. Eunu age eeladecca bilegina.

Dana age tutuc odoc ihoc ligiannuca, agedodoc agena odoc tutuc migiannuca odogina eu odi sab wen adenaweca, wa gab adenaweca eundec Anut uqa cesuladeceb age ihoc oqagan. Eunu age eeladecca bilegina.

Ijaqa maadigina, age, dana age agenu nalunuga megina eundec himec nalunuga meginafi Anut cel ameg me adigian? Takis cedec dana eu ageha odi odogina. Odocob age agena danah eundec himec feele ec maadeginafi age in wooldu odogina. Haiden ageha odi odogina. Euqa Memega Anut uqa me odoc eundecca me qee odoc eundecca cam sulduadena. Uqa tutuc coboginaca tutuc qee coboginaca osobennu waha sulduadena. Eunu age Memega sao jobon bilia eu age uqa melahul bilegina eu camas moqagannu age agena cadnu nalunuga meigale. Aaqati tootooadegina eundecnu Anut waug qugiannu inondoigale.

“Dana age Anutnu doc dumanaga ihoc qee eunu dogina eundec saona gun cul eu agena. Eunu age eeladecca bilegina.

Dana age maul qetegina eundec age ijanaga Anut melahul oqagan. Eunu age eeladecca bilegina.

Dana age qada qajegina eundec Anut age wahohogadigian. Eunu age eeladecca bilegina.

Dana age tutuc odoginanu aaqati tootooadec gahidogina eundec saona gun cul eu agena. Eunu age eeladecca bilegina,” aden.

Dana age cotogail walocca bibilegin feciadimeig wawaga qocob me madegina eundec age saen osona walocca bibilebil Anut feciadimei waug qocob me madigian. Eunu age eeladecca bilegina.

“Dana mahanadec eundec age, age ijana bilegina eunu cewadimeig aaqati tootooadimeig age agenu je me qee uhulaadi madegina saen euna age eeladecca bilegina. Odi bahic ha dana age je hahun madec dana wele biloloig eu aaqati tootooadoloig. Age sao jobonna ameg me bahic oqagan. Eunu age wawaga me meceb ceeli bileigale,” aden.

Dana age gemanaga jocosaigca eundec mahamaha cunug eu age mugumuga oqagan. Eunu age eeladecca bilegina.

Jisas je haun maaden, “Age odi mahamahanu macas bilegina. Euqa macas uqana mug qah becebfi adi haun mugca migian? Macas qah bec eu ceteh osonu qee ihoc lena. Age dana lahacluhucdoqagannu helegina,” aden.

Age Memega sao jobon bilia eu uqa odoc me ihoc lec bilina. Eunu ageha agena odoc me ihoc lec bileigale,” aden.

Age sisiladecebil eu melefi age ‘Ese’ ec dih madeigale. Qeefi, age ‘Qee’ ec dih madeigale. Age je eu je oso tubdufeig Setenna je ec madoqagan,” aden.

Jisas je haun maaden, “Age je oso odi madoloig ec doin: ‘Oso uqa cotigna ameg me qee mudecebfi ageha uqa ameg me qee mudeigale. Oso uqa cotigna maih me qee mudecebfi ageha uqa maih me qee mudeigale,’ oloig ec je odi doin. Ijaqa maadigina, qisol mec dana age, age dewenega me qee mudegina eundec age ameg me qee wadac cain adowain. Oso hina sihom oso naha qahecebfi hina naha ha ihacdogale.

“Hina amen meula isec eu silail mecnu faninhigia odocobfi selimeg helagale. Hina dewen cunug oloqanih jana helowaindainnu hina dewen naha culimeg silail qee moum eu me. Hina eben meula isec eu silail mecnu faninhigia odocobfi qeti helagale. Hina dewen cunug oloqanih jana helowaindainnu hina dewen naha culimeg silail qee moum eu me,” aden.