Popular Bible Verses from Juan 19

Share

Chai vinagreta mallishpaca, Jesusca: —Ña tucui pajtachishcami— nircami. Chashna nishcahuan uma huarcurishpa, Paipaj espirituta Diosman mingarcallami.

Chai qʼuipami, ña tucuita tucuchishcata yachashpaca, Dios Quillcachishcapi nishca pajtachun Jesusca: —¡Yacunanca!— nirca.

Jesusca paipaj mamapish, Pai cʼuyashca yachacujpish chaipi cajta ricushpami, mamataca: —Mama, cunanca paimi cambaj churi— nirca. Chai qʼuipaca, yachacujtapish: —Cunanca, paica cambaj mamami— nircami. Chaipachamantami chai yachacujca, Mariataca paipaj huasipi causachun pusharca.

Jesuspajman cʼuchuyashpaca, ña huañushcata ricushpa, Paipaj changacunataca mana pʼaquircacunachu. Ashtahuanpish shuj soldado, costillas quinripi lanzahuan tujsijpimi, yahuarhuan, yacuhuan llujshishpa tallirirca.

Dios Quillcachishcapi: «Paipaj tulluca shujllapish mana pʼaquishcachu canga» nishca pajtachunmi chashnaca tucurca. Shinallataj shujtaj Quillcapipish: «Paicuna chugrichishcallatatajmi ricungacuna» nishpami huillacun.

Jesusca Paita chacatana cruzta aparishpami, Uma Tullu shuti urcuman huichiyarca. Chai urcuca, hebreo rimaipica Gólgota shutimi.

Soldadocunaca, casha coronata rurashpami, Paipaj umapi churachircacuna. Jahua churanatapish amsa puca churanatami, churachircacuna.