Popular Bible Verses from Lucas 5

Share

Ña tucui rimashca qʼuipami Jesusca, Simontaca: —Barcopi chaupi cuchaman rishpa, chalhuacunata japingapaj linchicunata shitaichij— nirca.

Shina nijpi Simonca: —Yachachij, tucui tuta chalhuata japishun yuyashpapish, imata mana japircanchijca. Can mandashcamanta linchita shitashpa ricusha— nircami. Chashna nishpa shitajpi achca chalhuacuna jundajpimi, linchipish lliquiricurca.

Ashtahuanpish Jesusca paicunamanta chʼicanyashpami, pi mana causan chulunllapi Diosta mañagrij carca.

Ñucaca, cashcata rurajcunataca mana cayaj shamurcanichu, ashtahuanpish juchayujcunatami Diospajman cutirichun cayaj shamurcani— nirca.

Chaita ricushpami, Simón Pedroca, Jesuspaj ñaupajpi cungurishpa: —Apu Jesús, ñucaca juchasapa runami cani, ñucamanta anchuripailla— nirca.

Chashna nijpimi, Jesusca cashna nirca: —Mana ungushca cajcunaca mana pi jambijta mashcanchu, ungushcacunallami jambijtaca mashcan.

Chashna nijpi barcocunata allpaman llujshichishpaca, tucuita chaipi saquishcahuan Jesusta catishpa rircallacunami.

Shuj pueblopi Jesús huillacujpimi, tucui aichamanta lepra shutucuj runa Paipajman shamurca. Paica Jesusta ricushpaca, pambacama cumurishpami: —Apu, ñucata alliyachisha ninguipishchari, alliyachihuai— nirca. Shina nijpi Jesusca, maquita chutashpa tuparishpaca: —Ari, canmanta lepra anchuchun ninimi— nirca. Chashna nijpica, lepraca chai runamanta ña anchurcallami.

Ashtahuanpish Jesús imata ruracushcataca, ashtahuan ashtahuanmi huillanacurcacuna. Chaimantami uyanamanpish, ungüicunamanta alliyachichunpish yallitaj achcacuna tandanacumuj carca.