Popular Bible Verses from Luka 11

Share

Nywebo, nobabi, mbomuzi kupa bana banu zintu zibotu, Usowanu uuli kujulu sena takooindilila kubapa Muuya Uusalala abakumbila kulinguwe?

Aboobo ndamwaambila kuti, Amukumbile muzoopegwa, amuyandaule muzoojana, amukonkomone muzoojulilwa.

Nkaambo umwi umwi uukumbila ulatambula, uuyandaula ulajana, uukonkomona ulajulilwa.

Wakati kulimbabo, Mwakomba amwaambe kuti, Taateesu, ooli kujulu, alilemekwe zina lyako. Abuze Bwami bwako. Alucitwe luyando lwako ansi ano mbubonya mbolucitwa kujulu.

Utujatile milandu yesu, nkaambo aswebo tulabajatila abali emilandu kulindiswe. Utatweenzyi mukutepaulwa, utuvune kumubi.

Utupe zilyo zitweelede mazuba amazuba.

Ilambe lyamubili ndiso, iliso lyako lyanooluzi awalo mubili wako woonse ulizywide kusalala, kwala kuti lyanooli bbi awalo mubili wako ulizywide kusia

Taakwe muntu uutomeka lambe kuti alibike kusitilide, nekuba kunsi amutiba, pele acikalikilo, kuti abanjila babone kusalala.