Popular Bible Verses from Luka 6

Share

Amupe, anywebo munooyoopegwa. Kuyoopedwa mucamba canu iceelelo cibotu cisindaidwe, cuumidwe-umidwe, cizywide mwa. Nkaambo ceelelo ncomweelela bamwi, anywebo muyooelelwa nciconya.

Umuntu mubotu ulagwisya zintu zibotu muciyobwedo cibotu camoyo wakwe, awalo muntu mubi muciyobwedo cibi, ugwisya zintu zibi, nkaambo mulomo wakwe uamba oko ukuzywide kumoyo.

Pele amuyande basinkondonyoko, mucite kabotu, mwaabile, mutaleki kulindila, nkokuya bulumbu bwanu bunooli bupati, anywebo munooli bana ba-Sijulu lyamajulu, nkaambo uli aluzyalo walo kulibatalumbi akubabi.

Amweetelele mbuli Usowanu mbweetelela.

Alimwi mutabeteki, nomuti takabetekwe anywebo. Mutazuli bantu, anywebo nomuti takazulwe. Amwaangunune, anywebo nomuyooangununwa.

Pele ndati kulindinywe nomuswiilila, amuyande basinkondonyoko, mubacitile kabotu abamusulide, mubalongezye abamutukana, mubakombele abamuvwiya.

Mbubonya mbomuyanda kuti bantu bamucitile, anywebo amubacitile mbubonya.

Oyo uukuuma kusaya, umusandwide akulilimwi, uukunyanga ngubo utamukasyi ecibaki. Kobapa boonse abakumbila kulinduwe, oyo uukunyanga lubono utamusesi kuti aluboozye elimwi.

Nkaambo taakwe musamu mubotu uuzyala micelo mibi, nuuba musamu mubi uuzyala micelo mibotu.

Musamu umwi umwi ulazibwa kumicelo yawo, inkuyu tazicelwa kumamvwa amusaansa kukalokananondwe.