Popular Bible Verses from Aposolo 7

Share

Maleteꞌya yafa kaꞌyoteti aiko-neligeno Sitiveniꞌa Anumayamotega havigeno mage huno hie “Anumayaniꞌamoga Yisasigae nagu namemaꞌa kagai kayapi nemaloe.” huno hu-maine. Mani kea nehuno aleꞌya ayeno ala kegefafiti Anumayamotega mage huno hie “Anumayamogae mama kefo kavaꞌma nehaya yaꞌamimona anonaꞌamia hu-oꞌama-to.” huno nehuno anile fali-maine.

“Anumaya Kotiꞌa mage hie ‘Ikapinaga nagaiꞌniꞌa kava yagaisua siaꞌnia hanegi maifaluma hisua yafe naiya maleꞌna maisua yana mopa hanegi hana augafa no kinategahae? Hana kumate maisue? Nagaya mukiꞌa yana ikapinagama hanea yaꞌene ma mopaleꞌma hanea yaꞌene talo humalenoe.’ huno humaine.” huno humaineane.

Huno hianagi melitaluma humainaya veaꞌmoꞌya agai kea ohavisaya yafe amayateti amakesa ailineleꞌya ala kenake nehuꞌya tusiꞌa ke neꞌvaiꞌya aiko-ligahe motafa humainae. Motafa huꞌya avayu huꞌya kumategati malaga hagaꞌyu hutaleneꞌya yafa kaꞌyoteti hagaꞌyu huꞌya aiko-neliꞌya “Fatago kava nehune” huꞌya hisaya yafe siotaꞌamia asagiꞌya kava kanoa, Solo* aiyafi mo-malenae.