Popular Bible Verses from Yoni 6

Share

Hageno Yisasiꞌa mage huno hama-nepaiye “Nagaya hamaimu amamisua maya mainoe. Nagaitegama esia veaꞌmoꞌya nagoꞌene amakala otegahae. Nagayama hu-lama-tesua yafe amakuꞌafi maleꞌya amametiti hisaya veaꞌmoꞌya tifena oꞌamakegahae.

Anumaya Koti Avamuꞌmoꞌa maige maige hisaya tamahaimula nelamianagi tamakai tamaugafamoꞌa nagola kanale yana notamamie. Nagaya Anumaya Koti Avamuꞌmoꞌa naminea ke tamaha-pai-mainoe. Ani kemoꞌa maige maige hisaya tamahaimula nelamamie.

Tamakaya kasalisia kavefena maitama ati oꞌayeho. Maige maigema hisaya kavefeꞌke maitama atiyeho. Nagaya Nenafaꞌa, Anumaya Koti hu-na-tenea kanomoꞌna ikapinagati emainoa kanoa vayaꞌmo natenea kanomoꞌna mani kavela tamamigahue.” huno hie.

Nenafaꞌa maꞌa yafe musena nehie mukiꞌa veaꞌmoꞌya nafaꞌneꞌamona neꞌageꞌya agayama hu-matesia yafe havilama huꞌya amakupi maleꞌya amametiti hisayana agola maige maige yana aligahae. Alitesageꞌna ma mopama haꞌno hisia kanafina nagaya fali-mainesafitila ali he-ti-ma-tesugeꞌya agola maige maige huꞌya maigahae.” huno hu-maine.

Hageno Yisasiꞌa mage hie “Mani aliꞌyana Anumaya Kotiꞌa muse nehia aliꞌyane. Agayama hu-tegeno emainea nafaꞌnemofe tamakupi maletama tamametiti hisaya yafe muse nehie.” huno hie.

Mukiꞌa Nenafaꞌma naminea veaꞌmoꞌya nagaitega egahae. Nago kanomoꞌma nagaitegama esigeꞌnahena ‘Eteka vuo.’ huꞌna hu oꞌategahue.

Hamavi-gegeno Saimoni Pitaꞌa kenonaꞌa mage hie “Anumayamoga hana kanomote visune? Kagai kemoꞌa maige maige hisuna tahaimula nelamie.

Nagaya Ikapinagati elavi-mainea maya mainoe. Ani mayamona haimuꞌa hane. Nagoꞌa veaꞌmoꞌya mani mayama nesayana agola maige maige hugahae. Ani maya nagaiꞌniꞌa naugafae. Ma mopaleꞌma mainaya veala agola maige maige hisaya yafe naugafa ataleteꞌna faligahue.” huno hie.

Nago kanomoꞌa nagaitega agaiꞌa nomegi hu-na-tenea Nenafa avayu hinageno nagaitega enageꞌna nagaya ma mopama haꞌno hisia kanafina fali-mainesifiti ali he-ti-tesugeno haimula aligahie.

Anumaya Kotiꞌma tamamia mayamoꞌa maꞌa hu-maine nago kanoa ikapinagati ea maya mainea yafe ma mopale mainaya veala hamaimula amamine.” huno hie.

Nagaya nagaiꞌniꞌa hamaimu amamisua maya mainoe.

Yisasiꞌa ani maya alino Anumaya Kotitega muse huno havigeteno mukiꞌa mopale mainaya veaꞌmogamina fako huno amamite amamite hu-maine. Noyamene ani kava higeno mukiꞌa veaꞌmoꞌya ani kavela nageno amamu hu-maine. Nemamu hu-male-tageno Yisasiꞌa agaiꞌaenema tokaeꞌya nemaiya anagaꞌamofena mage hie “Mukiꞌa atupa-tapa kavela alitalu hu-tama maleho. Nagoꞌa osi osi atupa vitali vitali ohiho.”

Tusiya higeꞌya tipi kalefima mainaya vayaꞌmoꞌya yosaleti vailagai-liꞌya vayana nagoꞌa ayaꞌayaꞌa sikisiꞌa (6) kilomita ti kotuꞌmona amuꞌnopi neꞌuꞌya agayana Yisasiꞌa ti avoyale aiya ayeme ayeme tipi kalema hanelega neꞌegeꞌya ageteꞌya tusiya huꞌya kolia hu-mainae. Koli nehageno Yisasiꞌa mage huno hama-paiye “Kolia ohiho mamona nagayae.” huno hama-nepaiye.