Popular Bible Verses from Luk 11

Share

Wakl kakl, Ini aol kone kho u haroklme haklom o, inin nongnas bor oborob ora kone kimb bu kaloklme ndal, inin Aorao yu heben hayaomon daol non tenaol mendbor obu bor nji ko kao kaloklme baeben o bor bibir ora obun Wesao Ebe Tangar nda taol bu kaloklao ko Njisesom ngub kisesa.

Njisesom wakl kakl, Nim ini bor heneng ora kao njurukl, tenaol mondom Ngaor bor nji ka sin ngo nji lao sao kaloklao. Tenaol mondom di menjao es ba sin hend waklao. Tenaol mondom di tiriyao kombael ni obon ko lu nga nga ko harob sin Ngaorom tiriyao komboklao ora. Inim Ngaor bor nji lemi tomb njuklao ora. Inim es buklemi sao di hend waklemi. Inim tiriyao kombael ni obon ko lu nga nga lemi tomb Ngaorom tiriyao komboklao ora kisesa.

Njisesom wakl kakl, Nim ini bor heneng ora kao njurukl, tenaol mondom Ngaor bor nji ka sin ngo nji lao sao kaloklao. Tenaol mondom di menjao es ba sin hend waklao. Tenaol mondom di tiriyao kombael ni obon ko lu nga nga ko harob sin Ngaorom tiriyao komboklao ora. Inim Ngaor bor nji lemi tomb njuklao ora. Inim es buklemi sao di hend waklemi. Inim tiriyao kombael ni obon ko lu nga nga lemi tomb Ngaorom tiriyao komboklao ora kisesa.

Ngub kisaol obum mbini bor kakl, Inim Ngaor bor lemi tomb ngub lowaebe. Nao Ab o nje nao non bi inj hael ol Njen imbi baehaemen nao lomao ora. Njen mbib tenaol hambun maeb ha Maomb bo hakl ebebe.

Tenaol mendborom nao bor khorob bimi sao Saongao nao mari tuwaroklmao nda ub Njem di naom khorob bimao sao Saongao nao mari kunaebe. Naon kone bor khorob bi lao tomb Khorob nao baomun kaebe ko Ngaor bor ngub kao kaloklwaebe kisesa.

Njem bao hor hambunon naon ne di Taol bu nju haebe.

Ngub kobur kakl, Njen el njen toklon laomb ora yao. Njen el ebe ora soklaol oborob ora hendae sin, njen toklo hambun bao bi ora soklao kisesa. Ngub inj, njen el di kho sa sin, njen toklo hambun bor di em hundur wi ora soklao kisesa.

Njisesom ngub kobur kakl, Mondom laomb mao dabur wakl menjao mondom tingi mba, be bor di nao bomb pa woroklme kisesa. Ngub inj, and ngon tenaol oboklemi baebenom di henden ko mbinim to mandaem el isi oral woroklme kisesa.