Popular Bible Verses from KASAUKAN 24

Share

Pakiasi' io, “TUHAN i Aki Kapuuno' ru tuan kuno i Abragam, indangano' aku maa' ra indangan Muno makaampos baalon kuno orou raiti' am guuto' toojo bantu' Muno ra tuan kuno.

Raguin ku sangulun intor risilo, ‘Patuuno' rarapu' muno am painumo' aku.’ Amon ru taamon no ra, ‘Inum no am unta muno pana painumon ku niayuk,’ gama' ru io noyo pinili' Muno paanduin ra ulipon Muno i Isak. Amon ru baal ragitio masauk, mapandayan ku ra ginuut Mu bantu' Muno ra tuan kuno.”

Kopongo raginio, ibito' ri Isak i Ribika mumpos ra kim ru ina' nali i Sara, am anduo' no boo i Ribika. Motogom kaga' i Isak ri Ribika, am maansukan boo guang ri Isak ra mangiluk no sabap ra pinatayan ru ina' nali.

Barakato' nilo boo i Ribika ra ragu ragitio: “Gama' ru okou Ribika, masauk ra ina' ru jujuta' ulun! Gama' ru papag muno manguasa' ra bandar-bandar ru pantula' nilo!”

Pagiboton tokou ralalom inggalan ru TUHAN i Aki Kapuuno' ondo' manguasa' ra limbowon am tana' ti, ra kalo tambiliin mu anak ungkuyon kutu ra andu' intor ra ruandu' ru libung Kanaan ti. Musiti' kou sumaguli' ra pagun naganakan raki' i am panambili' ra anduon ri Isak anak ungkuyon kutu intor ra gino ngai' ru pabukat kuno ayuk poyo.”