Popular Bible Verses from JUANIS 17

Share

Sauko' ilo no ra Ulun Muno ralalom ru katapatan Muno; bala' Mu noyo katapatan.

Gitio noyo kaayagan motopot am mantilayun; ra makaulig ilo Rirun, i Aki Kapuuno' ondo' motopot, am poyo i Jisus Kristus ondo' sinusub Mutu.

“Sala' ka ilo ti ayuk kiasiin Kuno, kaa' niayuk koson ra ngaangai' ulun ondo' mangintopot Raki' ralalom ru kaintutunan nilo ti pana. Ama', makiasi' Aku gama' ru ilo ngaangai' rondo' guang. Koson Okou masimpung Raki', am Aku masimpung Rirun. Gama' ru masimpung ilo Rito, maa' raginio mangintopot boo ulun ru tana' ti ra Okou noyo nanusub Raki'.

Kalo kitaakon Ku Rirun maa' raginio ilo paingkualon intor ra tana' ti, kaa' alungin Mu ilo intor ri Malaat no.

Katulayan ondo' pinataak Muli Raki', pinataak Ku niayuk risilo, maa' raginio rondo' guang ilo mogondo' Rito. Aku masimpung risilo am Okou masimpung Raki'; maa' raginio totopot ilo rondo' guang. Makatutun boo ulun ru tana' ti ra Okou no nanusub Raki' am motogom Kou risilo nogondo' ra Okou motogom Raki'.