Popular Bible Verses from Jonɨ 1

Share

Sara yɨna yeva mamaari kye' kɨrɨ' a'mwera pwara “Nebulyasɨra. Naangelyɨra,” deva maarɨna ye'. Maarɨna kye' sai yuya saraavɨna gannya dɨragɨnyabwi wɨjaavɨna ya'. Gannya dɨragɨnya sabwi sahwara Gotɨyare kaimɨraayara yɨma'nya'nebulyɨ. Gamɨ sahwarɨnajɨ gamɨre yayavɨnajɨ lɨmwaga'dɨvɨsaraavɨnebulyɨ. Yɨ sahwara mudɨkera yɨma'nyɨna ye'.

Sɨnnawɨ kɨgaakuna Kwaaka dava' mima'nyawɨ Gotɨyarɨne Yagaalyai mwalyaakewɨnyɨ. Nabaai, Gotɨyai mwaalakewɨ gamɨnyawɨ Gotɨyarɨne Yagaalyai mwaalɨ'. Gotɨyarɨne Yagaalyai sahwai Gotɨyai.

Saburɨdaasɨ jɨhɨnya kayaa'nanyaburɨ Gotɨyare baake' wannyɨna. Nabaai jɨhɨnya sa' baakevɨ mwavɨlayɨnɨkesɨ.

Gotɨyarɨne Yagaalyai a'mwe kɨlaa'nakei yɨma'nyɨna yakei nemɨnyawɨ gannya selɨ ange' yɨladaakuna. Gamɨre kɨlaakejɨkɨ wɨlamwaaina yɨna yada tɨnna dara wangano' “O, Nawɨ'nyai dɨragɨnaangei daaka!” Sara dadaa gamɨre byaannyavɨ tɨnna wangano. Ganɨmaangerɨdaa'nyai gavei yamakɨnarɨkabaaibɨta byaanna sasɨ. Sahwarɨ yuneba yanga gaimwangebulyɨ nebulyabulyɨ maanga yeku'nɨkelyɨ.

Gotɨyai sara kyawɨra' sahwai yuyangɨ sara wakɨnɨkengɨ. Aane pɨrɨ' kɨrɨ' gamɨ saba yɨma'naka' mɨ'. Aawa, sahwai wakakengɨ yuya sa. Sɨnnawɨ sagaa' sahwarɨ gaalyabwi warakelyɨ. Gaala sabwi a'mwe yuyaraavɨre Baakelyɨ. Yɨnɨka sai a'mweinaavɨna kunya tewaanya yawɨrya'ne nejaavɨnɨkerɨna. Kunya tewaanya yawɨrya'ne wɨjaavɨna kaneya' baaka savɨ nayaa mwaidaanyaine. (Gotɨyarɨna nayaa yawɨ'daanyaine.)

Mwanyagaa' Jonɨ mwaalaka Jizaazai bakerɨ tɨnna wanganaasɨna yaka a'mweraavɨ wɨdɨna “Yɨthaanyi, dazai Gotɨyarei Sipɨzipɨya Dɨwɨnyala! Kayaa'nanyanna a'mwera sipɨzipɨyarɨ tamɨna yadɨvɨ' kwaraanyaba Gotɨyarɨna dɨka nasɨ'na yadevaaibɨ' sai Kwaakevakɨ mwaalyainaavɨre kayaa'nanyanna marasɨsa'na baladelyɨ.

Nabaai, Kwaaka davakɨ sai bamwaaina ya'. Sɨnnawɨ Gotɨyai kyawɨra' sahwai Kwaaka dava' sara wakɨna. Sara wakɨna yaka bamwaaina kya' kɨrɨ' Kwaaka davakɨ mwaalyara gamɨ sahwarɨ myawɨramaari yesalyɨ. Gannya Anga Yɨzɨrelɨna bɨna yaka bamwaaidɨsɨ gamɨjɨyara mamaari.

Dɨvi Baakei Kwaaka davakɨna walaabaka a'mwe gazainazainaavɨna Baaka nebulya'nanyalyɨ. A'mwe yuyainaavɨ kunya tewaanya yawɨrya'ne nejaavadei.

Sare' Gotɨyai kujaa' Ne Mozɨzai Gotɨyare Kɨwɨnya tewaanya' wɨjaavɨna. Wɨjaavɨna neyɨnɨke' nemɨnyawɨnna Gotɨyai Kɨraazɨtɨya Jizaazarɨ wɨdasaabɨna. Wɨdasaabɨna kyɨnɨ' sahwarɨ nemɨnyɨna yanga gaimwangebulyɨ nebulyabulyɨ yɨma'nɨnɨke'nanyɨ.