Popular Bible Verses from Matɨyui 23

Share

Sarɨmɨjɨya pwai ‘A'mwe naangeinyɨ yɨma'nɨma!’ dazai wawɨnya yɨhɨthaayadei sarɨmɨre yagaala mɨdɨdei mwaaladelyɨ.

A'mwei yaya yune gamɨnne'na makinajai gamɨnne yaya' kwaakewɨ waradesɨ. Nabaai a'mwei gamɨnne yaya' kwaakewɨ kamarakwojɨ yaya naange' maaradelyɨ.

We'! Kɨwɨjaihɨlyɨ Perɨzɨyaihɨlyɨ maanga pɨrɨwaalyɨyaihi mala nayaa jɨwannyɨla! Sare' dare'nanyɨ. Wawɨnyavɨya maalɨka yuya jɨsa'bɨsasɨ yɨmaasa'bɨsasɨ saza yuya sarɨmɨ ata yuyɨraai marajaapaidɨvɨ' ata yuyɨraalya pimagɨnya yɨlaaya'na Gotɨyarɨ duzaayidengɨ. Kɨrɨ' sarɨmɨ Kɨwɨnyavɨya yagaala naanga pimagɨnya yagalya'ma'mwaa'. Yɨ a'mweraavɨ maryawɨbwata ya'ne yagaala yɨda'maraangebwi myɨvanɨga'. Yɨ kale gaimwange'nebwi myɨvanɨga'. Yɨ Gotɨyarɨ nayaa malɨmwagivanɨga'. Kɨwɨnya Gotɨyarɨne ata yuyɨraalya pimagɨnya' wɨjaaya'nebwi nyagalya'mapɨdɨka! Kɨrɨ' Kɨwɨnyavɨya yagaala naanga yɨhɨthɨwe nayaa nebulya'na jɨla!

We'! Kɨwɨjaihɨlyɨ Perɨzɨyaihɨlyɨ maanga pɨrɨwaalyɨyaihi mala nayaa jɨwannyɨla! A'mwera paletɨyangɨjɨ kaapɨyangɨjɨ mwasɨmagɨ gɨrɨka pu'ma'dɨvɨ' kɨrɨ' kusawɨ gɨrɨka wa'da aalya wapaaya sɨvya bu'nɨkabaaibɨ' sarɨmɨ a'mwera tɨnna wanganya'neraavɨna maalɨkebwina nayaa yadɨvɨ' kɨrɨ' kusawɨ sarɨmɨre sɨmunyangɨ kuka yɨpalamaasabulyɨ wabahɨlaaka yɨhyada naanna yabulyɨ maanga yɨhyeku'nɨkeihɨlyɨ.

Jeruzaalemɨ mwaalyaihi! Jeruzaalemɨ mwaalyaihi! Sarɨmɨ Ne pɨropetɨyaraavɨ tamakɨna, sarɨmɨnyawɨnna Gotɨyai wɨdaasakeraavɨ sɨla lɨwakɨna yaasaihɨlyɨ. Kukuraaya' gannya bwaranyangɨ jaka jɨvwaramaa'da gannya pɨyayawɨ marulakamaremwaaidevaaibɨ' sarɨmɨreraavɨ mari'bwarɨmwaaihya'neinyɨ gara garegaa' nyɨvu'naka kɨrɨ' sarɨmɨnyɨ mihɨvu'nyɨvanɨka! We'!

Sabaaibɨ' sarɨmɨ kwaihi kwaasɨ yadɨvɨ' a'mwera tɨnna yɨhwangadɨvɨ' ‘A'mwe tewaanyarera,’ yawɨ'dɨvɨ' kɨrɨ' sarɨmɨnyɨ kusawɨ kwaasɨyabulyɨ Kɨwɨnyavɨ galazekɨvalyabulyɨ wɨlayɨhwarɨkeihɨlyɨ.