DANGYASARAO 8
8
Kristianrao dukhu rijaoyaba
1Bo basain ha de, longjom Jerusalem ha dongyaba buthu khe bonsi hamsi ning dukhu ri jenba; odebani, Apostolrao khe garhi de Judai jang Samari raji ni khrip nolei ha, bo ejang ojang khaiphlung thar ba. 2Madai khe maniyarao gejesi, Sephan khe nuhi hamsi ning gra kha, ode bo khe phip kha.
3Thikhabo, Saul de longjomrao khe hamsi ning dukhu rihi, noh noh ha bo hap pha lang ba, masainjikrao, miyahrao khe sikhon hi, phatho ni noh ha bo phraojeb re.
Samari raji ha hamba graojma sainthi ba
4Lonyarao, ejang ojang saidra jaoyarao, khrip hathan ha thang hi, graojma khe bonsi sainthi phalang ba. 5Philip de Samari nolei ha thang hi, Krista ni grao khe baipha lang ba. 6Subung buthubo bo grao khe khna hi, bo gmang thaosisi khusi dang phnuyaba buthu khe nu dada, Philip grao thiyaba khe khah ri hi bonsi gainsong ba. 7Sgain bese gusu jang gabang subung remjaoyarao bonsi ni bising ni phrang khurang bol jang jirik khao hi baigo ba, ar adur jayaba, ode khorarao bo bonsi hamthar ba. 8Odebani, bo nogor ni subung buthu hamsi ning khaja lai ba.
9Eboni sagang ha, subung saosi, bumu Simon thiyaba dong ba; bo jadu-montro khe yaowai hi Samari nolei ni subung buthu khe gmang ri re, ode bo jar khe subung gedeba thi la re, 10ar khasiba ni phrang gedeba sosi, khrip subungbo bokhe man khlai hi thi re, Ebo subung niha Madai ni raothai dong, thihi bonsi thiyaba de ebo ning ja kha, thihi boni grao khe bonsi gainsong lai re. 11Bo sagang basain ni phrang bonsi khe, jarni montro ni khusi jang gmang thaosisi khlai hi dang re; odebani bonsi bokhe mani re. 12Thikhabo, Madai ni raji ni hamba graojma, Philip sainthiyaba khe lonhi, miyahrao ar masainjikrao bo baptisma la kha. 13Boha, Simon bo lon hi baptisma la blai dada, bo Philip jang baosi dongpha ba. Sin jang gede gede raothai ni khusi buthu khe nuhi, bo hamsi ning gmang ba.
14Apostol Jerusalem ha dongyarao, Samari nolei ni subung buthu, Madai ni grao khe lon kha thihi bonsi khna ba jang, bonsi niha Peter jang Johan khe haiha ba. 15Bonsi sohiba jang, Bese Gathar khe bonsi maiphu mane khlai hi bonsi ne Madai bi ri ba. 16Boni sagang ha, bonsi ni bising ha saosi ni basao ha bo Bese galaiya, Raja Jisu ni bumu jang se ning bonsi baptisma jaba kho. 17Odehe, Peter jang Johan, bonsi ni basao ha yao deng hi, bonsi Bese Gathar khe mai kha.
18Apostolrao yao deng bani se Bese Gathar khe bonsi riba thihi Simon nu hi, 19Ebo grao ni raothai khe a nebo ri lah, asaba ni basao habo yao deng kha ning, bonsi Bese Gathar maiphu mane khlai hi, thihi bonsine rang rima bao ba.
20Thikhabo, Peter bo khe thi ba, Nini rang de ning jang baosi jam thing. Bede thikhade ning la Madai riyaba yaosandi khe rang jang baraima se bisar khlai ba. 21Ebo grao ha de ning gaba phaya, nini phantha bo giri; bede thikhade, nini khah Madai ni gede belengya. 22Odebani, ning jarni ebo hamya ni phrang khah phin hi, Gabra niha bi lah, odese, nini khah ha baoyaba khe bo ning khe map khlai ma. 23Bede thikhade, ning bikhli khayaba jang hamya jang khajao hi galaiyaba hathan ha dong thihi ang tharmai du, ode bo thi ba.
24Simon de Peter jang Johan niha thi ba, Nisi thiyaba de musibo ani basao ha sophaiya mane khlai hi nisi ning Gabra niha a ne bi ri lah.
25Bonsi sakhi rihi Gabra ni grao khe khna riba ni yaohon ha, Jerusalem ha thangphin la kha. Bonsi thangpha laiba ha, Samari raji ni subung buthu ni nolei buthu ha, hamba graojma khe sainthi phalang ba.
Philip jang Ethiopia subung phida khaojaoyaba
26Gabra ni saosi degla, Philip khe thi ba, Baija hi, sain kharthi yaoda gede Jerusalem ni phrang Gaza lailangyaba lama ha ning thang la, bo lama hajengling khe lailang du. 27Odebani, Philip baija hi thang la kha. Ode, oraha Ethiopia raji ni subung saosi, Ethiopia ni Rani Kandaki ni bakhla ha subung phida khaojaoyaba hoja dedaothao, boni somphoti khrip khe naisoyaba, Jerusalem ha Madai bi mani khlai hi bo phai ba. 28Bo phaiphin baha de, bo jarni gorai ni gari ha kham hi gorasali ni laisi khe bo phuri phabu lai ba. 29Boha, Bese Gathar Philip niha thi ba, Gabasi thang hi bo jang ja lah. 30Philip bo subung phidao khaojaoyaba niha khaipha langhi, gorasali Isai ni laisi khe bo phuriba khna hi, Ning phuriyaba ortho khe buji du? thihi bo khe sing ba.
31Bo thiphin ba, Saosi bo a ne thiphla riya kha la, ang bede buji phu ma?. Ode, boni ha khamphai mani khlai hi Philip khe bo jama ba. 32Madai ni laisi phuriyaba de ebo ning ja kha:
Melma khe sthai mane langba lai bokhe bonsi lang ba,
melmasa boni bikhim khepyaba ni sagang ha, bo phirik phirik dongba lai,
bobo boni bukhuh khe khuruya.
33Bo basasa jaba ni boni bisar de selajao ba,
Boni greng buthu ni kharmu khe sere ning thima kho?
Bede thikhala, habsao ni phrang boni hayu khe lang la kha, thi du.
34Boha subung phida khaojaoyaba de Philip jang bo sainlai hi, boniha Gorasali eleiyaba grao khe thiba la, sere ni grao khe thi ba, jarni grao na malai ni grao? thihi sing ba. 35Boha Philip grao joba, bo Madai ni laisi ni grao khe khitha ni phrang jenhi, boni ha Jisu ni grao khe thi ba. 36Lama ha thang ba ha sereba dih ni hathan ha bonsi sohi ba, ode, bo phida khaojaoyaba thi ba, Nai lah, eraha dih dong, duha baptisma ne khlai hi sere ang khe mathao ma? 37Boha, Philip bokhe thi ba, Ning khrip khasu ha lon kha de, ning lala phu du. Bo thiphin ba, Ang lon du, Jisu Krista de Madai ni basa ning thihi ang lon du.
38Odehe, gorai gari khe bo songri hi, bonsi gini, Philip ar subung phida khaojaoyaba de dih ha thang kha, ode, Philip bokhe baptisma ri kha. 39Dih ni phrang bonsi baigoba jang, Gabrani Bese Philip khe lang la kha. Phida khaojaoyaba de bokhe nuphinya kha, thikhabo, khajahi bo thang la kha. 40Philip khe malai Azota nolei ha nuphin hi kha; ode, bo lailang hi, Kaisari nolei ha soya si de, nolei nolei ha hamba graojma khe bo sainthi phalang ba.
Currently Selected:
DANGYASARAO 8: DIMASBSI
Highlight
Share
Copy
Want to have your highlights saved across all your devices? Sign up or sign in
Dimasa N.T. with PSA amp PRO (BSI)
© The Bible Society of India, 2006.
Used by permission. All rights reserved worldwide.
DANGYASARAO 8
8
Kristianrao dukhu rijaoyaba
1Bo basain ha de, longjom Jerusalem ha dongyaba buthu khe bonsi hamsi ning dukhu ri jenba; odebani, Apostolrao khe garhi de Judai jang Samari raji ni khrip nolei ha, bo ejang ojang khaiphlung thar ba. 2Madai khe maniyarao gejesi, Sephan khe nuhi hamsi ning gra kha, ode bo khe phip kha.
3Thikhabo, Saul de longjomrao khe hamsi ning dukhu rihi, noh noh ha bo hap pha lang ba, masainjikrao, miyahrao khe sikhon hi, phatho ni noh ha bo phraojeb re.
Samari raji ha hamba graojma sainthi ba
4Lonyarao, ejang ojang saidra jaoyarao, khrip hathan ha thang hi, graojma khe bonsi sainthi phalang ba. 5Philip de Samari nolei ha thang hi, Krista ni grao khe baipha lang ba. 6Subung buthubo bo grao khe khna hi, bo gmang thaosisi khusi dang phnuyaba buthu khe nu dada, Philip grao thiyaba khe khah ri hi bonsi gainsong ba. 7Sgain bese gusu jang gabang subung remjaoyarao bonsi ni bising ni phrang khurang bol jang jirik khao hi baigo ba, ar adur jayaba, ode khorarao bo bonsi hamthar ba. 8Odebani, bo nogor ni subung buthu hamsi ning khaja lai ba.
9Eboni sagang ha, subung saosi, bumu Simon thiyaba dong ba; bo jadu-montro khe yaowai hi Samari nolei ni subung buthu khe gmang ri re, ode bo jar khe subung gedeba thi la re, 10ar khasiba ni phrang gedeba sosi, khrip subungbo bokhe man khlai hi thi re, Ebo subung niha Madai ni raothai dong, thihi bonsi thiyaba de ebo ning ja kha, thihi boni grao khe bonsi gainsong lai re. 11Bo sagang basain ni phrang bonsi khe, jarni montro ni khusi jang gmang thaosisi khlai hi dang re; odebani bonsi bokhe mani re. 12Thikhabo, Madai ni raji ni hamba graojma, Philip sainthiyaba khe lonhi, miyahrao ar masainjikrao bo baptisma la kha. 13Boha, Simon bo lon hi baptisma la blai dada, bo Philip jang baosi dongpha ba. Sin jang gede gede raothai ni khusi buthu khe nuhi, bo hamsi ning gmang ba.
14Apostol Jerusalem ha dongyarao, Samari nolei ni subung buthu, Madai ni grao khe lon kha thihi bonsi khna ba jang, bonsi niha Peter jang Johan khe haiha ba. 15Bonsi sohiba jang, Bese Gathar khe bonsi maiphu mane khlai hi bonsi ne Madai bi ri ba. 16Boni sagang ha, bonsi ni bising ha saosi ni basao ha bo Bese galaiya, Raja Jisu ni bumu jang se ning bonsi baptisma jaba kho. 17Odehe, Peter jang Johan, bonsi ni basao ha yao deng hi, bonsi Bese Gathar khe mai kha.
18Apostolrao yao deng bani se Bese Gathar khe bonsi riba thihi Simon nu hi, 19Ebo grao ni raothai khe a nebo ri lah, asaba ni basao habo yao deng kha ning, bonsi Bese Gathar maiphu mane khlai hi, thihi bonsine rang rima bao ba.
20Thikhabo, Peter bo khe thi ba, Nini rang de ning jang baosi jam thing. Bede thikhade ning la Madai riyaba yaosandi khe rang jang baraima se bisar khlai ba. 21Ebo grao ha de ning gaba phaya, nini phantha bo giri; bede thikhade, nini khah Madai ni gede belengya. 22Odebani, ning jarni ebo hamya ni phrang khah phin hi, Gabra niha bi lah, odese, nini khah ha baoyaba khe bo ning khe map khlai ma. 23Bede thikhade, ning bikhli khayaba jang hamya jang khajao hi galaiyaba hathan ha dong thihi ang tharmai du, ode bo thi ba.
24Simon de Peter jang Johan niha thi ba, Nisi thiyaba de musibo ani basao ha sophaiya mane khlai hi nisi ning Gabra niha a ne bi ri lah.
25Bonsi sakhi rihi Gabra ni grao khe khna riba ni yaohon ha, Jerusalem ha thangphin la kha. Bonsi thangpha laiba ha, Samari raji ni subung buthu ni nolei buthu ha, hamba graojma khe sainthi phalang ba.
Philip jang Ethiopia subung phida khaojaoyaba
26Gabra ni saosi degla, Philip khe thi ba, Baija hi, sain kharthi yaoda gede Jerusalem ni phrang Gaza lailangyaba lama ha ning thang la, bo lama hajengling khe lailang du. 27Odebani, Philip baija hi thang la kha. Ode, oraha Ethiopia raji ni subung saosi, Ethiopia ni Rani Kandaki ni bakhla ha subung phida khaojaoyaba hoja dedaothao, boni somphoti khrip khe naisoyaba, Jerusalem ha Madai bi mani khlai hi bo phai ba. 28Bo phaiphin baha de, bo jarni gorai ni gari ha kham hi gorasali ni laisi khe bo phuri phabu lai ba. 29Boha, Bese Gathar Philip niha thi ba, Gabasi thang hi bo jang ja lah. 30Philip bo subung phidao khaojaoyaba niha khaipha langhi, gorasali Isai ni laisi khe bo phuriba khna hi, Ning phuriyaba ortho khe buji du? thihi bo khe sing ba.
31Bo thiphin ba, Saosi bo a ne thiphla riya kha la, ang bede buji phu ma?. Ode, boni ha khamphai mani khlai hi Philip khe bo jama ba. 32Madai ni laisi phuriyaba de ebo ning ja kha:
Melma khe sthai mane langba lai bokhe bonsi lang ba,
melmasa boni bikhim khepyaba ni sagang ha, bo phirik phirik dongba lai,
bobo boni bukhuh khe khuruya.
33Bo basasa jaba ni boni bisar de selajao ba,
Boni greng buthu ni kharmu khe sere ning thima kho?
Bede thikhala, habsao ni phrang boni hayu khe lang la kha, thi du.
34Boha subung phida khaojaoyaba de Philip jang bo sainlai hi, boniha Gorasali eleiyaba grao khe thiba la, sere ni grao khe thi ba, jarni grao na malai ni grao? thihi sing ba. 35Boha Philip grao joba, bo Madai ni laisi ni grao khe khitha ni phrang jenhi, boni ha Jisu ni grao khe thi ba. 36Lama ha thang ba ha sereba dih ni hathan ha bonsi sohi ba, ode, bo phida khaojaoyaba thi ba, Nai lah, eraha dih dong, duha baptisma ne khlai hi sere ang khe mathao ma? 37Boha, Philip bokhe thi ba, Ning khrip khasu ha lon kha de, ning lala phu du. Bo thiphin ba, Ang lon du, Jisu Krista de Madai ni basa ning thihi ang lon du.
38Odehe, gorai gari khe bo songri hi, bonsi gini, Philip ar subung phida khaojaoyaba de dih ha thang kha, ode, Philip bokhe baptisma ri kha. 39Dih ni phrang bonsi baigoba jang, Gabrani Bese Philip khe lang la kha. Phida khaojaoyaba de bokhe nuphinya kha, thikhabo, khajahi bo thang la kha. 40Philip khe malai Azota nolei ha nuphin hi kha; ode, bo lailang hi, Kaisari nolei ha soya si de, nolei nolei ha hamba graojma khe bo sainthi phalang ba.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Dimasa N.T. with PSA amp PRO (BSI)
© The Bible Society of India, 2006.
Used by permission. All rights reserved worldwide.