JOHN 13
13
Jisu rikphayarao ni igah khe su riba
1Baiglai Busuni Mel jamani gijisa sagang ha, ebo habsao khe garhi ode Abai niha thang mani khlai hi boni bubli sophai kha thihi Jisu tharmai la kha. Boni jarni subung buthu, sere habsao ha dong ba, bonsi khe nalaibo hamjao kha, ar jamthao hiba sosi olei ning bonsi khe hamjao ma.
2Odehe, sariphang ni makham jibli ha, bokhe rem rima thihi Diabol, Simon ni basa Juda Iskariot ni khah ha bao ri ba. 3Abai khrip jadi boni raothai khe ri thar kha thihi Jisu tharmai la du. Odebani Madai ni phrang se bo phai ba, ode Madai niha ning thangphin ma se. 4Makham jiyaba ni phrang bo songkhu hi jarni rih khe kho ba, ode gamsa khe lahi jarni jengkhong ha khah ba. 5Eboni yaohon ha bo dabor ha dih lusing ba, ode jarni yaohon rikphayarao ni igah khe su riba, ode jarni jengkhong ha khahyaba gamsa jang bonsi ni igah khe rusa ri ba. 6Simon Peter niha phaiba ha, bo bokhe thi ba, Gabra ning se ani igah khe su ri ma?
7Jisu thiphin ba, Ang snadi khusi khe dang ba duha nisi mithi nang niya, thikhabo yaohon ha buji nang.
8Simon Peter thiphin ba, Niya, ani igah khe ninthane suriya.
Jisu thiphinba, Ang nini igah khe susaya thikhade, ang jang nini musibo phantha dong nang niya.
9Simon Peter thiphinba, Gabra, ani igah khe se ning niyahi yao ode bokhro khebo su ri.
10Jisu thiphinba, Subung saosi dugru hi dongyaba khe boni igah khe se ning su rima nangba, boni sao khonglang de ragao hi ning dong. Odebani nisi ragao hi ning dong, thikhabo nisi khrip de niya. 11Jar khe rem riginyaba khe bo tharmai la du, odebani se bo thi ba, nisi khrip de ragao tharya.
12Bonsini igah khe susa riblai hi, bo jarni rih khe gainphin hi jarni khamthan ha khamphin ba. Odehe, bonsi khe bo sing ba, Nisi ni khlai hi ang dangyaba khe nisi buji la kha? 13Nisi ang khe Slingriyah ode Gabra thihi long du, bode gibi se, bede thikhala bo ang ning. 14Duha ang nisi ni Slingriyah ode Gabra jahi nisi ni igah khe susa riba, odebani nisibo saosi jang saosi ni igah khe susa rima nang du. 15Bede thikhala, ang nisi niha dang phnu ri kha, bedehe nisini khlai hi ang dang ba, olei ning nisi bo dang lah. 16Gibi gibi jang ang nisi khe thi du, ‘Leng jarni bubra tha dedaoya, ode haiha jaoyaba jarni haihayaba tha dedaoya.’ 17Duha nisi bo buthu khe tharmai kha, nisi bonsi niha dang re thikhade nisi hamthai mai nang.
18Nisi khrip ni balam ha de ang thiya, ang saikhuyaba khe de ang tharmai la du, thikhabo ‘bo de ani hon khe jiyaba ning boni igah khe ani basao ha sugu ma’ thi hi Madai ni laisi ha grao dongyaba sophai phu mani khlai hi elei ja ba. 19Bo jamani sagang ha duha ang nisi ne thiri da du, jekhali ebo ja ma, ode thikhade bo de ang se thihi nisi lon lah. 20Ang nisi ne gibi gibi khe thi ri du, sere ang khe haihayaba khe ajao la re thikhade, bo ang khe se ajao ba, ode sere ang khe ajao la re, bo de ang khe haihayaba khe se ajao ba.
Jisu jarni rem riginyaba khe thi riba
(Mt. 26.20-25; Mk. 14.17-21; Lk. 22.21-23)
21Ebo khe thiblai hi Jisu Bese ha dukhu nang ba, ode bo thi ba, Ang nisi ne gibi gibi khe thi ridu, nisi ni bising ha saosi ang khe rem rima jahi dong.
22Bo sere ni balam ha thi kha thihi bao phrang phuya hi boni rikphayarao saosi jang saosi khe naithai lai ba. 23Boni rikphayarao ni bising ha sere khe Jisu hamjao re, Jisu ni khajab gede galai hi khamhi dong. 24Bo khe Simon Peter sing ba, Sere ni balam ha bo thi ba? bo khe sing lah.
25Simon Peter maobai hi thi ba, Gabra, bo la sere?
26Jisu thiphinba, Sere ne ebo hon khe jem hi ang ri ma bo ning. Odese, hon jem hi bo Simon ni basa Juda Iskariot khe ri ba. 27Hon khe lahaba jang Diabol boni ha hap pha ba. Odebani Jisu thi ba, Snadi khe ning dang ma baoba, srap dang lah! 28Snadi jabani Jisu bokhe edehe thiba, thihi khamyarao saosi bo bujiya. 29Juda niha ning, rang ni joli dong ba, odebani Jisu bokhe mel ni khlai hi snadi nang du, bokhe barai mane, na dukhi sarao ne rimane thiba thihi gejesi rikphayarao bao lai ba.
30Juda hon khe lahaba lugu lugu bajiha baigo lang ba. Boha de hor ja kha.
Hukhum gadain
31Bo baigo langblai hi Jisu thi ba, Duha Marsi ni Basa ni muima ja ma, Madai ni muima boni ha japhai ma. 32Madai jar ning Basa khe muima khlai ma, ode srap ning khlai ma. 33O ani basathu, ang nisi jang gijisa bubli se ning dongpha si ma. Nisi ang khe smai ma ode bedehe ang Judarao niha thiba, Braha ang thangdu, oraha nisi phaiphuya, olei jasosi duha ang nisi nebo thi ri du. 34Ang nisi ne masi gadain hukhum rilang du, saosi jang saosi khe hamjao lah. Bedehe ang nisi khe hamjao ba, olei ning nisibo saosi jang soasi khe hamjao lah. 35Jodi nisi jar jang jar hamjao lai du thikhase, khrip subung tharmai ma, nisi ani rikphayarao se.
Peter bo khe niyalaiba thihi Jisu thisaiba
(Mt. 26.31-35; Mk. 14.27-31; Lk. 22.31-34)
36Gabra, ning la braha thang ma? thihi Simon Peter bokhe sing ba.
Braha ang thang du, duha nisi yaohon rikphu nang niya, thikhabo yaohon ha nisi rikpha ma, thihi Jisu thiphin ba.
37Peter thiphin ba, Gabra, sumjabani duha ang nini yaohon rikpha phuya ma? Ang nini khlai hi jarni hang khebo rima se.
38Jisu thiphin ba, Ani khlaihi ning jarni hang khe ri ma? Ang gibi jang ning khe thi du, daola gisiya saniha ning ang khe mithiya thihi phintham thi ma.
Currently Selected:
JOHN 13: DIMASBSI
Highlight
Share
Copy
Want to have your highlights saved across all your devices? Sign up or sign in
Dimasa N.T. with PSA amp PRO (BSI)
© The Bible Society of India, 2006.
Used by permission. All rights reserved worldwide.
JOHN 13
13
Jisu rikphayarao ni igah khe su riba
1Baiglai Busuni Mel jamani gijisa sagang ha, ebo habsao khe garhi ode Abai niha thang mani khlai hi boni bubli sophai kha thihi Jisu tharmai la kha. Boni jarni subung buthu, sere habsao ha dong ba, bonsi khe nalaibo hamjao kha, ar jamthao hiba sosi olei ning bonsi khe hamjao ma.
2Odehe, sariphang ni makham jibli ha, bokhe rem rima thihi Diabol, Simon ni basa Juda Iskariot ni khah ha bao ri ba. 3Abai khrip jadi boni raothai khe ri thar kha thihi Jisu tharmai la du. Odebani Madai ni phrang se bo phai ba, ode Madai niha ning thangphin ma se. 4Makham jiyaba ni phrang bo songkhu hi jarni rih khe kho ba, ode gamsa khe lahi jarni jengkhong ha khah ba. 5Eboni yaohon ha bo dabor ha dih lusing ba, ode jarni yaohon rikphayarao ni igah khe su riba, ode jarni jengkhong ha khahyaba gamsa jang bonsi ni igah khe rusa ri ba. 6Simon Peter niha phaiba ha, bo bokhe thi ba, Gabra ning se ani igah khe su ri ma?
7Jisu thiphin ba, Ang snadi khusi khe dang ba duha nisi mithi nang niya, thikhabo yaohon ha buji nang.
8Simon Peter thiphin ba, Niya, ani igah khe ninthane suriya.
Jisu thiphinba, Ang nini igah khe susaya thikhade, ang jang nini musibo phantha dong nang niya.
9Simon Peter thiphinba, Gabra, ani igah khe se ning niyahi yao ode bokhro khebo su ri.
10Jisu thiphinba, Subung saosi dugru hi dongyaba khe boni igah khe se ning su rima nangba, boni sao khonglang de ragao hi ning dong. Odebani nisi ragao hi ning dong, thikhabo nisi khrip de niya. 11Jar khe rem riginyaba khe bo tharmai la du, odebani se bo thi ba, nisi khrip de ragao tharya.
12Bonsini igah khe susa riblai hi, bo jarni rih khe gainphin hi jarni khamthan ha khamphin ba. Odehe, bonsi khe bo sing ba, Nisi ni khlai hi ang dangyaba khe nisi buji la kha? 13Nisi ang khe Slingriyah ode Gabra thihi long du, bode gibi se, bede thikhala bo ang ning. 14Duha ang nisi ni Slingriyah ode Gabra jahi nisi ni igah khe susa riba, odebani nisibo saosi jang saosi ni igah khe susa rima nang du. 15Bede thikhala, ang nisi niha dang phnu ri kha, bedehe nisini khlai hi ang dang ba, olei ning nisi bo dang lah. 16Gibi gibi jang ang nisi khe thi du, ‘Leng jarni bubra tha dedaoya, ode haiha jaoyaba jarni haihayaba tha dedaoya.’ 17Duha nisi bo buthu khe tharmai kha, nisi bonsi niha dang re thikhade nisi hamthai mai nang.
18Nisi khrip ni balam ha de ang thiya, ang saikhuyaba khe de ang tharmai la du, thikhabo ‘bo de ani hon khe jiyaba ning boni igah khe ani basao ha sugu ma’ thi hi Madai ni laisi ha grao dongyaba sophai phu mani khlai hi elei ja ba. 19Bo jamani sagang ha duha ang nisi ne thiri da du, jekhali ebo ja ma, ode thikhade bo de ang se thihi nisi lon lah. 20Ang nisi ne gibi gibi khe thi ri du, sere ang khe haihayaba khe ajao la re thikhade, bo ang khe se ajao ba, ode sere ang khe ajao la re, bo de ang khe haihayaba khe se ajao ba.
Jisu jarni rem riginyaba khe thi riba
(Mt. 26.20-25; Mk. 14.17-21; Lk. 22.21-23)
21Ebo khe thiblai hi Jisu Bese ha dukhu nang ba, ode bo thi ba, Ang nisi ne gibi gibi khe thi ridu, nisi ni bising ha saosi ang khe rem rima jahi dong.
22Bo sere ni balam ha thi kha thihi bao phrang phuya hi boni rikphayarao saosi jang saosi khe naithai lai ba. 23Boni rikphayarao ni bising ha sere khe Jisu hamjao re, Jisu ni khajab gede galai hi khamhi dong. 24Bo khe Simon Peter sing ba, Sere ni balam ha bo thi ba? bo khe sing lah.
25Simon Peter maobai hi thi ba, Gabra, bo la sere?
26Jisu thiphinba, Sere ne ebo hon khe jem hi ang ri ma bo ning. Odese, hon jem hi bo Simon ni basa Juda Iskariot khe ri ba. 27Hon khe lahaba jang Diabol boni ha hap pha ba. Odebani Jisu thi ba, Snadi khe ning dang ma baoba, srap dang lah! 28Snadi jabani Jisu bokhe edehe thiba, thihi khamyarao saosi bo bujiya. 29Juda niha ning, rang ni joli dong ba, odebani Jisu bokhe mel ni khlai hi snadi nang du, bokhe barai mane, na dukhi sarao ne rimane thiba thihi gejesi rikphayarao bao lai ba.
30Juda hon khe lahaba lugu lugu bajiha baigo lang ba. Boha de hor ja kha.
Hukhum gadain
31Bo baigo langblai hi Jisu thi ba, Duha Marsi ni Basa ni muima ja ma, Madai ni muima boni ha japhai ma. 32Madai jar ning Basa khe muima khlai ma, ode srap ning khlai ma. 33O ani basathu, ang nisi jang gijisa bubli se ning dongpha si ma. Nisi ang khe smai ma ode bedehe ang Judarao niha thiba, Braha ang thangdu, oraha nisi phaiphuya, olei jasosi duha ang nisi nebo thi ri du. 34Ang nisi ne masi gadain hukhum rilang du, saosi jang saosi khe hamjao lah. Bedehe ang nisi khe hamjao ba, olei ning nisibo saosi jang soasi khe hamjao lah. 35Jodi nisi jar jang jar hamjao lai du thikhase, khrip subung tharmai ma, nisi ani rikphayarao se.
Peter bo khe niyalaiba thihi Jisu thisaiba
(Mt. 26.31-35; Mk. 14.27-31; Lk. 22.31-34)
36Gabra, ning la braha thang ma? thihi Simon Peter bokhe sing ba.
Braha ang thang du, duha nisi yaohon rikphu nang niya, thikhabo yaohon ha nisi rikpha ma, thihi Jisu thiphin ba.
37Peter thiphin ba, Gabra, sumjabani duha ang nini yaohon rikpha phuya ma? Ang nini khlai hi jarni hang khebo rima se.
38Jisu thiphin ba, Ani khlaihi ning jarni hang khe ri ma? Ang gibi jang ning khe thi du, daola gisiya saniha ning ang khe mithiya thihi phintham thi ma.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Dimasa N.T. with PSA amp PRO (BSI)
© The Bible Society of India, 2006.
Used by permission. All rights reserved worldwide.