JOHN 20
20
Hakhor khongja
(Mt. 28.1-8; Mk. 16.1-8; Lk. 24.1-12)
1Ode basain sain sni ni basain sagangthao ha, phorongma andar ha ning, Mari Magdalene de mangkhlong ha bo thang ba, boha mangkhlong ni phrang longthai disai hi dongba khe bo nuhi ba. 2Odebani Simon Peter ode gibin rikphayasa, saosi Jisu hamjaoyaba niha khai hi phai ba, ode bonsi niha thi ba, Bonsi Gabra khe hakhor ni phrang khaikho hi lang la kha, braha bo khe deng ba jing tharmaiya.
3Odehe, Peter ar gibin rikphayasa mangkhlong gede thang ba. 4Bonsi ginibo khai hi thang ba, thikhabo gibin rikphayasa Peter khaiso langhi mangkhlong ha bo sagang sohi da ba. 5Bo gong hi naising haba ha oraha rih dongba khe nu ba, thikhabo bo bising hade thangya. Odehe boni yaohon ha thangyaba Simon Peter bo sohi ba, ode bising ha hapsing ba. 6Bo oraha rih galai hi dongba khe nu ba. 7Jisu ni bokhro ha meraiyaba dongba ode gibin rih jang dongya, thikhabo gibin masi hathan ha rih thonhi dongba khe nu ba. 8Gibin rikphayasa sere sagangthao sohi da ba bobo bisingha thangpha ba, bo nuhi lon ba. 9Jisu githi ni phrang baija phinginyaba se thihi duha sosi gathar sastro ni grao khe bujiya. 10Yaohon ha rikphayarao jarni noh ha phaiphin ba.
Mari Magdalene niha nujao ba
(Mt. 28.9,10; Mk. 16.9-11)
11Mari hakhor ni bijing gede songhi gra ba. Gra hi ning bo hakhor bising ha gong hi naising ha ba, 12ode braha Jisu ni manggathi khe deng ba, oraha degla gini khe, saosi jakha de khrosao gede ode gibin jakha de igah phang gede kham hi dong ba khe nu ba. 13Bonsi bokhe sing ba, Haingajik, snadi jabani ning gra ba? Sere khe ning smai ba?
Haingajik thiphin ba, Bonsi ani Gabra khe sugu hi lang la kha, ode bonsi bokhe braha deng ba ang tharmaiya.
14Odehe, ebo khe thihi bo yaohon gede naihaba ha Jisu songhi dongba khe bo nu ha ba, thikhabo Jisu se thihi bo tharmaiya. 15Jisu bokhe thi ba, Masainjik, snadi jabani ning gra ba? Ning sere khe smai ba?
Bo de bari naisoyasa janai du thihi Mari bao ba, odebani bo thi ba, Gedeba, jodi ning se bokhe sugu lang ba thikhade ani ha thi lah, bokhe ning braha deng ba, ode ang bokhe langphin ma.
16Jisu bokhe thiphin ba, Mari
Bokhe bo naiphin ba, ode Hebrai grao jang grahi thi ba, Rabboni (eboni ortho de Slingriyahsa).
17Jisu thi ba, Ang khe da dopha, bede thikhala duha ang basao ha Abai niha thang phinya kho. Thikhabo ani daphlungrao niha thang lah ode bonsi niha sainthi tha, ang ani Abai ode nisi ni Abai, ode ani Madai, ode nisini Madai niha basao ha thang du.
18Odebani Mari Magdalene rikphayarao niha bo graojma khe sainthi ba, Ang Gabra khe nu kha, ode boni ha grao thiyaba buthu khebo bo sainthi ba.
Rikphayarao niha nujao ba
(Mt. 28.16-20; Mk. 16.14-18; Lk. 24.36-49)
19Okhali ha haptha ni sagangthao basain jahi dong ba. Sariphang ni bubli japhai ba ha, rikphayarao githim lai ba, Judarao khe khin bani khlai hi derga khe phrao hi deng ba. Jisu phai hi bonsi ni gejer ha song ba, ode thi ba, Shanti nisi jang dongpha thing. 20Ebo khe thiblai hi bo jarni yao ode saomang khe phnu riba. Gabra khe nuhi rikphayarao hamsi ning khaja lai kha. 21Jisu phin bonsi khe thi ba, Shanti nisi jang dongpha thing. Bupha ang khe haiha ba lai ning, ang bo nisi khe haiha du. 22Ebo khe thihi bo bonsi khe bar suphra ba, ode thi ba, Bese Gathar khe ajao lah! 23Nisi sere saosi ni phap khe map khlai re thikhade bonsini khlai hi map ja ma se, ode nisi map khlaiya thikhade, bonsi khebo map khlai nang niya.
Thomas niha nujao ba
24Jekhali ha Jisu phaiba ha, Thomas (Didumas thijaoyaba) rikphayarao saosi boha bonsi jang dongphaya. 25Odebani gibin rikphayarao bokhe thi ba, Jing Gabra khe nu kha.
Thikhabo, bo bonsi khe thi ba, Ang boni yaopha ha gojal ni mainthi nuyasi ode bo gojal ni gabla ha ani yaosi jaosingya si ode boni sao khe gidingba mainya si ang lonya.
26Hapthasi ni yaohon ha boni rikphayarao phin noh bising ha dong phin ba. Ode Thomas bo bonsi jang dongpha ba, ode derga phrao hi deng ba, boha Jisu phai ba ode bonsini gejer ha songhi thi ba, Shanti nisi jang dongpha thing. 27Bo Thomas khe thi ba, Eraha nini yaosi khe deng hi, ani yaopha khe nai lah, ode nini yao khe dopha rihi ani sao khe giding hi lonsingya da ja, odebani lon lah!
28Thomas thiphin ba, Ani Gabra ar ani Madai!
29Jisu bo khe thi ba, Ang khe nuhi se ning lon ba; ang khe nuyahi sere lon du, bonsi bislei khaja du!
Laisi reb bani grao
30Jisu boni rikphayarao niha gabang ning gmang thaosisiyaba khe dang phnu kha, thikhabo ebo laisi ha rebkhu hi dengya. 31Thikhabo ebo buthu khe rebthao ba, Jisu Madai ni Basa, Krista se thihi nisi lonphu mane, ode eboni gede lonhi boni bumu jang nisi hayu mai mane se reb ba.
Currently Selected:
JOHN 20: DIMASBSI
Highlight
Share
Copy
Want to have your highlights saved across all your devices? Sign up or sign in
Dimasa N.T. with PSA amp PRO (BSI)
© The Bible Society of India, 2006.
Used by permission. All rights reserved worldwide.
JOHN 20
20
Hakhor khongja
(Mt. 28.1-8; Mk. 16.1-8; Lk. 24.1-12)
1Ode basain sain sni ni basain sagangthao ha, phorongma andar ha ning, Mari Magdalene de mangkhlong ha bo thang ba, boha mangkhlong ni phrang longthai disai hi dongba khe bo nuhi ba. 2Odebani Simon Peter ode gibin rikphayasa, saosi Jisu hamjaoyaba niha khai hi phai ba, ode bonsi niha thi ba, Bonsi Gabra khe hakhor ni phrang khaikho hi lang la kha, braha bo khe deng ba jing tharmaiya.
3Odehe, Peter ar gibin rikphayasa mangkhlong gede thang ba. 4Bonsi ginibo khai hi thang ba, thikhabo gibin rikphayasa Peter khaiso langhi mangkhlong ha bo sagang sohi da ba. 5Bo gong hi naising haba ha oraha rih dongba khe nu ba, thikhabo bo bising hade thangya. Odehe boni yaohon ha thangyaba Simon Peter bo sohi ba, ode bising ha hapsing ba. 6Bo oraha rih galai hi dongba khe nu ba. 7Jisu ni bokhro ha meraiyaba dongba ode gibin rih jang dongya, thikhabo gibin masi hathan ha rih thonhi dongba khe nu ba. 8Gibin rikphayasa sere sagangthao sohi da ba bobo bisingha thangpha ba, bo nuhi lon ba. 9Jisu githi ni phrang baija phinginyaba se thihi duha sosi gathar sastro ni grao khe bujiya. 10Yaohon ha rikphayarao jarni noh ha phaiphin ba.
Mari Magdalene niha nujao ba
(Mt. 28.9,10; Mk. 16.9-11)
11Mari hakhor ni bijing gede songhi gra ba. Gra hi ning bo hakhor bising ha gong hi naising ha ba, 12ode braha Jisu ni manggathi khe deng ba, oraha degla gini khe, saosi jakha de khrosao gede ode gibin jakha de igah phang gede kham hi dong ba khe nu ba. 13Bonsi bokhe sing ba, Haingajik, snadi jabani ning gra ba? Sere khe ning smai ba?
Haingajik thiphin ba, Bonsi ani Gabra khe sugu hi lang la kha, ode bonsi bokhe braha deng ba ang tharmaiya.
14Odehe, ebo khe thihi bo yaohon gede naihaba ha Jisu songhi dongba khe bo nu ha ba, thikhabo Jisu se thihi bo tharmaiya. 15Jisu bokhe thi ba, Masainjik, snadi jabani ning gra ba? Ning sere khe smai ba?
Bo de bari naisoyasa janai du thihi Mari bao ba, odebani bo thi ba, Gedeba, jodi ning se bokhe sugu lang ba thikhade ani ha thi lah, bokhe ning braha deng ba, ode ang bokhe langphin ma.
16Jisu bokhe thiphin ba, Mari
Bokhe bo naiphin ba, ode Hebrai grao jang grahi thi ba, Rabboni (eboni ortho de Slingriyahsa).
17Jisu thi ba, Ang khe da dopha, bede thikhala duha ang basao ha Abai niha thang phinya kho. Thikhabo ani daphlungrao niha thang lah ode bonsi niha sainthi tha, ang ani Abai ode nisi ni Abai, ode ani Madai, ode nisini Madai niha basao ha thang du.
18Odebani Mari Magdalene rikphayarao niha bo graojma khe sainthi ba, Ang Gabra khe nu kha, ode boni ha grao thiyaba buthu khebo bo sainthi ba.
Rikphayarao niha nujao ba
(Mt. 28.16-20; Mk. 16.14-18; Lk. 24.36-49)
19Okhali ha haptha ni sagangthao basain jahi dong ba. Sariphang ni bubli japhai ba ha, rikphayarao githim lai ba, Judarao khe khin bani khlai hi derga khe phrao hi deng ba. Jisu phai hi bonsi ni gejer ha song ba, ode thi ba, Shanti nisi jang dongpha thing. 20Ebo khe thiblai hi bo jarni yao ode saomang khe phnu riba. Gabra khe nuhi rikphayarao hamsi ning khaja lai kha. 21Jisu phin bonsi khe thi ba, Shanti nisi jang dongpha thing. Bupha ang khe haiha ba lai ning, ang bo nisi khe haiha du. 22Ebo khe thihi bo bonsi khe bar suphra ba, ode thi ba, Bese Gathar khe ajao lah! 23Nisi sere saosi ni phap khe map khlai re thikhade bonsini khlai hi map ja ma se, ode nisi map khlaiya thikhade, bonsi khebo map khlai nang niya.
Thomas niha nujao ba
24Jekhali ha Jisu phaiba ha, Thomas (Didumas thijaoyaba) rikphayarao saosi boha bonsi jang dongphaya. 25Odebani gibin rikphayarao bokhe thi ba, Jing Gabra khe nu kha.
Thikhabo, bo bonsi khe thi ba, Ang boni yaopha ha gojal ni mainthi nuyasi ode bo gojal ni gabla ha ani yaosi jaosingya si ode boni sao khe gidingba mainya si ang lonya.
26Hapthasi ni yaohon ha boni rikphayarao phin noh bising ha dong phin ba. Ode Thomas bo bonsi jang dongpha ba, ode derga phrao hi deng ba, boha Jisu phai ba ode bonsini gejer ha songhi thi ba, Shanti nisi jang dongpha thing. 27Bo Thomas khe thi ba, Eraha nini yaosi khe deng hi, ani yaopha khe nai lah, ode nini yao khe dopha rihi ani sao khe giding hi lonsingya da ja, odebani lon lah!
28Thomas thiphin ba, Ani Gabra ar ani Madai!
29Jisu bo khe thi ba, Ang khe nuhi se ning lon ba; ang khe nuyahi sere lon du, bonsi bislei khaja du!
Laisi reb bani grao
30Jisu boni rikphayarao niha gabang ning gmang thaosisiyaba khe dang phnu kha, thikhabo ebo laisi ha rebkhu hi dengya. 31Thikhabo ebo buthu khe rebthao ba, Jisu Madai ni Basa, Krista se thihi nisi lonphu mane, ode eboni gede lonhi boni bumu jang nisi hayu mai mane se reb ba.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Dimasa N.T. with PSA amp PRO (BSI)
© The Bible Society of India, 2006.
Used by permission. All rights reserved worldwide.