LUKE 21
21
Banjik ni khrangphain
(Mk. 12.41-44)
1Ode, Jisu naiding haba ha, gnangrao bikhoh ha khrangphain riba khe nu ba. 2Ar banjik dukhisa saosi phoisa magin dangsingba khe bo nu ba. 3Bo thi ba, Gibi jang nisi khe ang thi du, khrip gibinrao tha de, ebo banjik dukhisa bangdao hi ri ba. 4Gibinrao de gabang bonsi niha dongyaba haglai ni phrang se bonsi ri ba. Thikhabo, bo dukhisa la thanghi dong mane boni ha dongyaba si khe rithar kha.
Bikhoh ni hamya mani grao
(Mt. 24.1,2; Mk. 13.1,2)
5Subung gejesi, Madaikhoh ni grao khe sainlai ba; bo bislei majangsisi, ar Madai niha riyaba yaosandi ni grao khe bonsi sainlai ba, Jisu thiba, 6Elei basain bo sophai nang, boha ebo buthu khrip, nisi nuyaba longthai, degaoya hi dong nang niya, khrip longthai buthu hokhlai thar jaoma se.
Sin buthu jang dukhu
(Mt. 24.3-14; Mk. 13.3-13)
7Bonsi singba, Slingriyah, bo la bakhali ja ma?
8Jisu bonsi khe thiphin ba, Nisi girik lah! Thokhi jaoyahi da dong. Gabang subung, ani bumu lahi phai nang, ar thi nang, Ang ning bo se, bubli sophai kha thihi. Thikhabo, bonsi jang da rikpha lah. 9Jbah ar nam khormu ni grao khe nisi khna khali ha da khin, bo buthu de sophai da ma ning; thikhabo, jam mani basain de niya kho.
10Ar bo thi ba, Jadi jang jadi jbah nanglai nang, ar raji masi jang raji masi, nam jalai nang. 11Banglama hamsi ning raohi phai nang; gibin gibin hathan ha asari galai nang, ar limthai sathai bang nang, ar nokhasao ni phrang gmang thaosisi ar khin thaosisi jathai phnu nang. 12Thikhabo, ebo buthu khrip sophaiya sani ha, nisi khe rem nang; ar nisi khe dukhu ri nang; ar bonsi sunagog buthu ha langhi, phatho ha jebjao mane ani bumuni khlai hi Rajarao niha ar Bisardar niha nisi khe bonsi lang nang. 13Bo de, graojma khe sainthi mane nisine hamba hajora ja nang. 14Odebani, thiphin mani baodaya mane khlai hi, nisini khah khe rao ri lah. 15Bede thikhade, nisini sotrurao nisi khe niyathai phuya mane nisine ang girikthai ri nang. 16Jarni buma-bupha, khaphlungrao, hainthirao, ar lugurao nisi khe rem ri nang; ar nisini bising ha gejesi subung sthai nang. 17Ani bumu ni khlai hi khrip bo nisi khe naisle ma se. 18Thikhabo, nisi ni khnai dingsi bo gma jao nang niya. 19Nisini khah laoma jang nisi jar khe sogo nang.
Jerusalem ni hamya jamani thidayaba
(Mt. 24.15-21; Mk. 13.14-19)
20Siphaiyarao Jerusalem khe gadingba khe nisi nukha ning bo khe hamya khlai ma thihi nisi mithi nang. 21Okhaliha de sere Judai rajiha dong re, hading buthu ha khailang thing. Sere nogor bisingha dong re, oraha ni phrang thang la thing; ar sere bajiha dong re, bising ha da hap thing. 22Madai ni laisi ha reb hi dongyaba khrip sophai rimane okhali ni basain de baslai labani basain ja nang. 23Bo basain ha de, sao khonggin jayarao ar nana bamyarao ne de bisi dukhu ja nang! Bede thikhade, ebo rajini basao ha hamsi ning dukhu sophai hi, ebo subung buthu ni basao ha thamsi sophai nang. 24Bonsi gabang subung khe seng jang dain ma, gibin subung buthu khe de leng jamane khrip jadini rajiha langthar ma, ar Jentail saraoni basain jamya si de Jerusalem khe Jentailrao gasep ma.
Marsini Basa phaiphin mani grao
(Mt. 24.29-31; Mk. 13.24-27)
25Ode, sain, dain ar sathrai buthu ha gmang thaosisi sin phnu ma, sagor ar dithon biringba khe khinbani, mulugni raji buthu asama giri dong ma. 26Subung buthu habsao ha japhai ginyaba khe baohi, khinma jang thi wai ma, bede thikhade, nokhasao ni raothai buthu maoma se. 27Odehe, Marsini Basa, raothai ar muima gedeba jang, jimi ha phaihi nujao ma. 28Ebo buthu sophai kha ning, nisi songkhu hi naikhu lah; nisini khojao mani sampha kha.
Thaikhrao phang ni daogari
(Mt. 24.32-35; Mk. 13.28-31)
29Jisu bonsine ebo daogari khebo sainthi ba, “Thaikhrao phang ar khrip bongphang buthu khe nai lah. 30Bo buthu ni balai gili baigo khali, jalang sophai kha thihi nisi mithi du. 31Odelei ning khrip ebo buthu japhaiba khe nisi nukha ning Madai ni raji sampha phai kha thihi nisi mithi nang.”
32Ebo buthu japhaiya sani ha, duha thanghi dongyarao, khrip de thih thar nang niya. 33Nokhasao ar habsao jam lang nang, thikhabo ani grao de jam nang niya.
Salaihi ning dong mane sibring ba
34Odebani, girik hi dong lah! Jiba lingba ha suk smai hi, ju baola jang, ar habsaoni waimu jang gablai hi da dong; bo basain khali ha de dukhon ha nangba lai nisini basao ha japhai nang. 35Bede thikhade, habsaoni khrip subung buthu ni basao ha olei ning japhai nang. 36Odebani, japhai ginyaba bubli khe lailang phu mane, ar nisine raothai maiphu mane ar Marsini Basa ni sagang ha songphu mane, nalai bo bi hi salai dada dong lah.
37Sainmidi Jisu Madaikhoh ha slingri ba, hor ha de bo Oliv thiyaba hading ha thanghi thu re. 38Phorong midi subung buthu boni grao khe khna mane Madaikhoh ha bojom ja re.
Currently Selected:
LUKE 21: DIMASBSI
Highlight
Share
Copy
Want to have your highlights saved across all your devices? Sign up or sign in
Dimasa N.T. with PSA amp PRO (BSI)
© The Bible Society of India, 2006.
Used by permission. All rights reserved worldwide.
LUKE 21
21
Banjik ni khrangphain
(Mk. 12.41-44)
1Ode, Jisu naiding haba ha, gnangrao bikhoh ha khrangphain riba khe nu ba. 2Ar banjik dukhisa saosi phoisa magin dangsingba khe bo nu ba. 3Bo thi ba, Gibi jang nisi khe ang thi du, khrip gibinrao tha de, ebo banjik dukhisa bangdao hi ri ba. 4Gibinrao de gabang bonsi niha dongyaba haglai ni phrang se bonsi ri ba. Thikhabo, bo dukhisa la thanghi dong mane boni ha dongyaba si khe rithar kha.
Bikhoh ni hamya mani grao
(Mt. 24.1,2; Mk. 13.1,2)
5Subung gejesi, Madaikhoh ni grao khe sainlai ba; bo bislei majangsisi, ar Madai niha riyaba yaosandi ni grao khe bonsi sainlai ba, Jisu thiba, 6Elei basain bo sophai nang, boha ebo buthu khrip, nisi nuyaba longthai, degaoya hi dong nang niya, khrip longthai buthu hokhlai thar jaoma se.
Sin buthu jang dukhu
(Mt. 24.3-14; Mk. 13.3-13)
7Bonsi singba, Slingriyah, bo la bakhali ja ma?
8Jisu bonsi khe thiphin ba, Nisi girik lah! Thokhi jaoyahi da dong. Gabang subung, ani bumu lahi phai nang, ar thi nang, Ang ning bo se, bubli sophai kha thihi. Thikhabo, bonsi jang da rikpha lah. 9Jbah ar nam khormu ni grao khe nisi khna khali ha da khin, bo buthu de sophai da ma ning; thikhabo, jam mani basain de niya kho.
10Ar bo thi ba, Jadi jang jadi jbah nanglai nang, ar raji masi jang raji masi, nam jalai nang. 11Banglama hamsi ning raohi phai nang; gibin gibin hathan ha asari galai nang, ar limthai sathai bang nang, ar nokhasao ni phrang gmang thaosisi ar khin thaosisi jathai phnu nang. 12Thikhabo, ebo buthu khrip sophaiya sani ha, nisi khe rem nang; ar nisi khe dukhu ri nang; ar bonsi sunagog buthu ha langhi, phatho ha jebjao mane ani bumuni khlai hi Rajarao niha ar Bisardar niha nisi khe bonsi lang nang. 13Bo de, graojma khe sainthi mane nisine hamba hajora ja nang. 14Odebani, thiphin mani baodaya mane khlai hi, nisini khah khe rao ri lah. 15Bede thikhade, nisini sotrurao nisi khe niyathai phuya mane nisine ang girikthai ri nang. 16Jarni buma-bupha, khaphlungrao, hainthirao, ar lugurao nisi khe rem ri nang; ar nisini bising ha gejesi subung sthai nang. 17Ani bumu ni khlai hi khrip bo nisi khe naisle ma se. 18Thikhabo, nisi ni khnai dingsi bo gma jao nang niya. 19Nisini khah laoma jang nisi jar khe sogo nang.
Jerusalem ni hamya jamani thidayaba
(Mt. 24.15-21; Mk. 13.14-19)
20Siphaiyarao Jerusalem khe gadingba khe nisi nukha ning bo khe hamya khlai ma thihi nisi mithi nang. 21Okhaliha de sere Judai rajiha dong re, hading buthu ha khailang thing. Sere nogor bisingha dong re, oraha ni phrang thang la thing; ar sere bajiha dong re, bising ha da hap thing. 22Madai ni laisi ha reb hi dongyaba khrip sophai rimane okhali ni basain de baslai labani basain ja nang. 23Bo basain ha de, sao khonggin jayarao ar nana bamyarao ne de bisi dukhu ja nang! Bede thikhade, ebo rajini basao ha hamsi ning dukhu sophai hi, ebo subung buthu ni basao ha thamsi sophai nang. 24Bonsi gabang subung khe seng jang dain ma, gibin subung buthu khe de leng jamane khrip jadini rajiha langthar ma, ar Jentail saraoni basain jamya si de Jerusalem khe Jentailrao gasep ma.
Marsini Basa phaiphin mani grao
(Mt. 24.29-31; Mk. 13.24-27)
25Ode, sain, dain ar sathrai buthu ha gmang thaosisi sin phnu ma, sagor ar dithon biringba khe khinbani, mulugni raji buthu asama giri dong ma. 26Subung buthu habsao ha japhai ginyaba khe baohi, khinma jang thi wai ma, bede thikhade, nokhasao ni raothai buthu maoma se. 27Odehe, Marsini Basa, raothai ar muima gedeba jang, jimi ha phaihi nujao ma. 28Ebo buthu sophai kha ning, nisi songkhu hi naikhu lah; nisini khojao mani sampha kha.
Thaikhrao phang ni daogari
(Mt. 24.32-35; Mk. 13.28-31)
29Jisu bonsine ebo daogari khebo sainthi ba, “Thaikhrao phang ar khrip bongphang buthu khe nai lah. 30Bo buthu ni balai gili baigo khali, jalang sophai kha thihi nisi mithi du. 31Odelei ning khrip ebo buthu japhaiba khe nisi nukha ning Madai ni raji sampha phai kha thihi nisi mithi nang.”
32Ebo buthu japhaiya sani ha, duha thanghi dongyarao, khrip de thih thar nang niya. 33Nokhasao ar habsao jam lang nang, thikhabo ani grao de jam nang niya.
Salaihi ning dong mane sibring ba
34Odebani, girik hi dong lah! Jiba lingba ha suk smai hi, ju baola jang, ar habsaoni waimu jang gablai hi da dong; bo basain khali ha de dukhon ha nangba lai nisini basao ha japhai nang. 35Bede thikhade, habsaoni khrip subung buthu ni basao ha olei ning japhai nang. 36Odebani, japhai ginyaba bubli khe lailang phu mane, ar nisine raothai maiphu mane ar Marsini Basa ni sagang ha songphu mane, nalai bo bi hi salai dada dong lah.
37Sainmidi Jisu Madaikhoh ha slingri ba, hor ha de bo Oliv thiyaba hading ha thanghi thu re. 38Phorong midi subung buthu boni grao khe khna mane Madaikhoh ha bojom ja re.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Dimasa N.T. with PSA amp PRO (BSI)
© The Bible Society of India, 2006.
Used by permission. All rights reserved worldwide.