MARKA 11
11
Jerusalem ha Jisu bakhan jang hap ba
(Mt. 21.1-11; Lk. 19.28-40; Jn. 12.12-19)
1Jerusalem rogongha bo naiso phai dada, Oliv hading ha Bethphage jang Bethani nolei rogong ha bonsi sohi dada, boni yaohon rikphayarao ni bising ha subung gini khe bo haiha ba. 2Bonsi gini khe thi ba, Nisi ni sagang gede dongyaba noleiha thang lah. Nisi oraha sohi ba jang mihleng ni basa, boni basaoha saosi bo gaba giriyaba khahi dongba khe nisi nu nang, bokhe khruhi labu lah. 3Ode, malai nisi khe snadi jabani khru ba thihi sing khade, Gabra nangjao du thihi thi lah, ar sangga ning digar phaiphin nang, thi ha lah.
4Odehe, bonsi gini thangba de daoglap baji nolei bising ni lama ha mihleng basa khe khahi deng ba nuhi kha, ode bonsi khru kha. 5Oraha songhi dongyarao ni bisingha saosi sing ba, Snadi jabani mihleng basa khe khruba?
6Jisu bonsi gini khe saniba lai thiphin ba, odebani bonsi haiha kha. 7Odehe, mihleng basa khe siklang hi Jisu niha lang ba. Ode, mihleng basa ni basao ha rih yen rihi Jisu kham ba. 8Gabang subung buthu, jarni rih khe lama ha yenpha lang ba. Ode, gibin subung buthu phadain ni sam bedeb dainhi yenpha lang ba. 9Odehe, sagang gede thangyarao ar yaohon gede rikphayarao, Hosanna, Gabrani bumu jang phaiyaba de bakhan ja thing! 10Jini bupha David ni raji phaiginyaba man jahi dong thing! Judaothao ha Hosanna! thihi jirikkhao du.
11Odehe, Jisu Jerusalem ha sohi dada, bikhoh ha thang ba. Ode bo khrip gede naiding ba. Thikhabo, sainbli ja kha bani boni yaohon rikphayarao jhigin khe langpha hi Bethani ha thang ba.
Thaikhrao phang khe sari ba
(Mt. 21.18-19)
12Boni dakhna ni basain ha Bethani ni phrang baigo langba ha, Jisu makham hukhri jao ba. 13Bo gajain ni phrang thaikhrao phang, balai gnang khe nubani, bathai mai nang thihi bo smai mane thang ba. Thikhabo, balai khe garhi de gibin musi khebo nuya. Bede thikhade bathai thaiblibo jaya kho. 14Odebani Jisu thaikhrao phang khe thi ba, Musi khalibo, duha ni phrang saosibo nini bathai da maiji thing.
Ar boni yaohon rikphayarao bokhe khna kha.
Jisu bikhoh ha thang ba
(Mt. 21.12-17; Lk. 19.45-48; Jn. 2.12-22)
15Bonsi Jerusalem ha sophai baha, Jisu bikhoh ni bisingha hap ba. Ode, oraha ni jinis phainyarao baraiyarao khe rikkhlai thar ba ar rang slaiyarao ni basang jang daophri phainyarao ni khamthan khe khublip thar ri ba. 16Okhali ni phrang saosi khebo jinis phain ma labu riya kha. 17Odehe, bo bonsi khe sling riba, Ani nohde khrip jadini khlai hi bih mani noh thijao ma thihi sastro ha reb du; thikhabo, nisi la makhaorao ni longkhip slam ba kha.
18Jonthaima jang Dara khe slingriyarao ebo grao khe khnahi, Jisukhe sthai mane balam smai ba. Thikhabo bonsi bokhe khin ba, bede thikhade, subung buthu boni slingrithai khe gmang ba.
19Sainbli japhaiba ha, Jisu jang boni yaohon rikphayarao nogor ni phrang thang la kha.
Thaikhrao phang ni slingrithai
(Mt. 21.20-22)
20Boni dakhna ni phorong nokha nai hi, lamaha bonsi hem langbaha, thaikhrao phang ni yader sosi rainlangba khe bonsi nu ba. 21Peter wainso hi boniha thi ba, Nai sang, Rabbi, ning sariyaba thaikhrao phang de rain kha.
22Jisu thiphin ba, Madai khe lon lah. 23Ang gibi jang nisikhe thi du, asababo jarni khah ha lonsoya jayahi ebo hading khe degao langhi sagor ha galai sing mane thi re thikhade, olei ning jama se. 24Odebani, ang nisi khe thi du, asaba khe nisi Madai bihi sain re thikhade, mai kha thihi bao lah, odese mai ma. 25Ar nisi bi mane songbaha malai asababo nisini basao ha gajai riyaba khe map khlai lah, ode ning nisini bupha sorgoha dongyababo nisini gajai khe map khlai nang.
Jisu ni hukhum khe sing ba
(Mt. 21.23-27; Lk. 20.1-8)
26“Nisibo malai ni gajai khe map khlaiya khade, sorgoni nisini buphabo nisini gajai khebo map khlai nang niya,” thihi bo thi ba.
27Jerusalem ha bonsi phaiphin ba. Jisu bikhoh ni bisingha daoding baha, Jonthaimarao jang Dara khe slingriyarao ar Khraorao boni ha phaihi bokhe sing ba, 28Ebo khusi buthu khe dang mane hukhum sere ninthane ri ba?
29Jisu bonsi khe thiphin ba, Angbo nisi khe grao masi sing nang, nisi thiphin phu re thikhade, sereni hukhum jang ang khusi dang ba, bokhe ang thi nang. 30Baptisma riyaba Johan la sorgo ni phrang na subung ni phrang angkhe thiphin sang?
31Bonsi jarni bisingha sainlai ba. Sorgo ni phrang jing thi khade, bo snadi jabani boni grao khe lonyaba? thi bu nang, 32Subung ni phrang jing thi khade jing subung buthu khe khin du; bede thikhade Johan khe khrip subungbo gibi gorasali thihi mani ba. 33Odebani Jisu khe thiphin ba, Jing mithiya.
Jisu bonsi khe thiphin ba, Ode thikhade angbo sereni hukhum jang ebo khusi buthu khe dang ba, ang sainthiya.
Currently Selected:
MARKA 11: DIMASBSI
Highlight
Share
Copy
Want to have your highlights saved across all your devices? Sign up or sign in
Dimasa N.T. with PSA amp PRO (BSI)
© The Bible Society of India, 2006.
Used by permission. All rights reserved worldwide.
MARKA 11
11
Jerusalem ha Jisu bakhan jang hap ba
(Mt. 21.1-11; Lk. 19.28-40; Jn. 12.12-19)
1Jerusalem rogongha bo naiso phai dada, Oliv hading ha Bethphage jang Bethani nolei rogong ha bonsi sohi dada, boni yaohon rikphayarao ni bising ha subung gini khe bo haiha ba. 2Bonsi gini khe thi ba, Nisi ni sagang gede dongyaba noleiha thang lah. Nisi oraha sohi ba jang mihleng ni basa, boni basaoha saosi bo gaba giriyaba khahi dongba khe nisi nu nang, bokhe khruhi labu lah. 3Ode, malai nisi khe snadi jabani khru ba thihi sing khade, Gabra nangjao du thihi thi lah, ar sangga ning digar phaiphin nang, thi ha lah.
4Odehe, bonsi gini thangba de daoglap baji nolei bising ni lama ha mihleng basa khe khahi deng ba nuhi kha, ode bonsi khru kha. 5Oraha songhi dongyarao ni bisingha saosi sing ba, Snadi jabani mihleng basa khe khruba?
6Jisu bonsi gini khe saniba lai thiphin ba, odebani bonsi haiha kha. 7Odehe, mihleng basa khe siklang hi Jisu niha lang ba. Ode, mihleng basa ni basao ha rih yen rihi Jisu kham ba. 8Gabang subung buthu, jarni rih khe lama ha yenpha lang ba. Ode, gibin subung buthu phadain ni sam bedeb dainhi yenpha lang ba. 9Odehe, sagang gede thangyarao ar yaohon gede rikphayarao, Hosanna, Gabrani bumu jang phaiyaba de bakhan ja thing! 10Jini bupha David ni raji phaiginyaba man jahi dong thing! Judaothao ha Hosanna! thihi jirikkhao du.
11Odehe, Jisu Jerusalem ha sohi dada, bikhoh ha thang ba. Ode bo khrip gede naiding ba. Thikhabo, sainbli ja kha bani boni yaohon rikphayarao jhigin khe langpha hi Bethani ha thang ba.
Thaikhrao phang khe sari ba
(Mt. 21.18-19)
12Boni dakhna ni basain ha Bethani ni phrang baigo langba ha, Jisu makham hukhri jao ba. 13Bo gajain ni phrang thaikhrao phang, balai gnang khe nubani, bathai mai nang thihi bo smai mane thang ba. Thikhabo, balai khe garhi de gibin musi khebo nuya. Bede thikhade bathai thaiblibo jaya kho. 14Odebani Jisu thaikhrao phang khe thi ba, Musi khalibo, duha ni phrang saosibo nini bathai da maiji thing.
Ar boni yaohon rikphayarao bokhe khna kha.
Jisu bikhoh ha thang ba
(Mt. 21.12-17; Lk. 19.45-48; Jn. 2.12-22)
15Bonsi Jerusalem ha sophai baha, Jisu bikhoh ni bisingha hap ba. Ode, oraha ni jinis phainyarao baraiyarao khe rikkhlai thar ba ar rang slaiyarao ni basang jang daophri phainyarao ni khamthan khe khublip thar ri ba. 16Okhali ni phrang saosi khebo jinis phain ma labu riya kha. 17Odehe, bo bonsi khe sling riba, Ani nohde khrip jadini khlai hi bih mani noh thijao ma thihi sastro ha reb du; thikhabo, nisi la makhaorao ni longkhip slam ba kha.
18Jonthaima jang Dara khe slingriyarao ebo grao khe khnahi, Jisukhe sthai mane balam smai ba. Thikhabo bonsi bokhe khin ba, bede thikhade, subung buthu boni slingrithai khe gmang ba.
19Sainbli japhaiba ha, Jisu jang boni yaohon rikphayarao nogor ni phrang thang la kha.
Thaikhrao phang ni slingrithai
(Mt. 21.20-22)
20Boni dakhna ni phorong nokha nai hi, lamaha bonsi hem langbaha, thaikhrao phang ni yader sosi rainlangba khe bonsi nu ba. 21Peter wainso hi boniha thi ba, Nai sang, Rabbi, ning sariyaba thaikhrao phang de rain kha.
22Jisu thiphin ba, Madai khe lon lah. 23Ang gibi jang nisikhe thi du, asababo jarni khah ha lonsoya jayahi ebo hading khe degao langhi sagor ha galai sing mane thi re thikhade, olei ning jama se. 24Odebani, ang nisi khe thi du, asaba khe nisi Madai bihi sain re thikhade, mai kha thihi bao lah, odese mai ma. 25Ar nisi bi mane songbaha malai asababo nisini basao ha gajai riyaba khe map khlai lah, ode ning nisini bupha sorgoha dongyababo nisini gajai khe map khlai nang.
Jisu ni hukhum khe sing ba
(Mt. 21.23-27; Lk. 20.1-8)
26“Nisibo malai ni gajai khe map khlaiya khade, sorgoni nisini buphabo nisini gajai khebo map khlai nang niya,” thihi bo thi ba.
27Jerusalem ha bonsi phaiphin ba. Jisu bikhoh ni bisingha daoding baha, Jonthaimarao jang Dara khe slingriyarao ar Khraorao boni ha phaihi bokhe sing ba, 28Ebo khusi buthu khe dang mane hukhum sere ninthane ri ba?
29Jisu bonsi khe thiphin ba, Angbo nisi khe grao masi sing nang, nisi thiphin phu re thikhade, sereni hukhum jang ang khusi dang ba, bokhe ang thi nang. 30Baptisma riyaba Johan la sorgo ni phrang na subung ni phrang angkhe thiphin sang?
31Bonsi jarni bisingha sainlai ba. Sorgo ni phrang jing thi khade, bo snadi jabani boni grao khe lonyaba? thi bu nang, 32Subung ni phrang jing thi khade jing subung buthu khe khin du; bede thikhade Johan khe khrip subungbo gibi gorasali thihi mani ba. 33Odebani Jisu khe thiphin ba, Jing mithiya.
Jisu bonsi khe thiphin ba, Ode thikhade angbo sereni hukhum jang ebo khusi buthu khe dang ba, ang sainthiya.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Dimasa N.T. with PSA amp PRO (BSI)
© The Bible Society of India, 2006.
Used by permission. All rights reserved worldwide.