PAWTDAWKNA 1
1
Israel te Sukgimtheihna
1Chun, ziehaw hi Israel chate Aigupta gama lutte min chuh ahi, mitin amau inkuon dungzui zelin Jakob kawm achun a chieh u a: 2Reuben te, Simeon te, Levi te, Juda te, 3Issakar te, Zebulun te leh Benjamin te; 4Dan leh Naphtali te, Gad leh Aser te ahiu hi. 5Jakob khalbe a pawt chengcheng chuh mi sawmsagih ahiu hi. Joseph vang chuh Aigupta gama a na umsa him ahi. 6Chun, Joseph chuh a thi a, a suohpihte chengcheng leh amau khang chengcheng chuh a thi zo vek tau a. 7Himahleh, Israel suonte chun chi tamtak a sep u a, nasa taka hung pung in, a hung tam mah mah mai tau a, a hung hât deuh deuh tau a; Aigupta gam chuh a hun luoh dim tau hi.#Nas 7.17
8Chun, Aigupta gam achun Joseph helo leng thak a hung um ta a.#Nas 7.18 9Tichun, a mite kawmah, “Ngaitiem u, Israel suonte hi eihaw sangin a tamzawu in, a hatzaw tau a, eihaw dingin lauh-um tak ahi tau hi! 10Hung tiem u, a pun beh tâk lohna dingun chingthei takin hih hitiu; khutilochun hung pung zel un tin, dân leh kidona hung um kha leh I gâlteu lam ah pang untin, ei do un tin, zie gam apat hin ei taihdawk san kha’n au” a tiu a. 11Khutichun, Aigupta mite chun na haksa taktak sep sak in, amau haw sugimthei dingin a chung u ah lawiupa a guot sak tau a, Israel chate chun lengpa dinga nek ding kawihkhawmna mun dingin Pithom khawpi leh Ramases khawpi achun In a sa tau a. 12Himahlele, amau haw chuh a hah sukgimtheih phawt u leh a hah pun zaw deuh u a, gamsung pumpi ah a kithehzâk tau a, tichun, Israel ziek chun Aigupta mite chuh a lunggim mah mah tau a. 13Khutichun, Aigupta mite chun Israel suonte chuh gimthei takin na a sep sak tau a. 14Nasep haksa tak tak, suonghalna leh cheklei siem sak in, a lo hawu ale nasem in a mang u a, a sugimthei tau hi.
15Tichun, Aigupta lengpa chun, Hebrai naudawmte chuh a hopih a; khat zaw min chuh Siphrah ahi a, chun, khat min chuh Puah ahi. 16Tichun, a kawm u ah, “Hebrai numeite nau na dawp tieng u leh, nau neihna dawhkan a chun en unla, pasal a hih leh that zel unla; numei a hih le chuh na hinghawih dinguh ahi,” a ti a. 17Himahlele, naudawmte chun Pathien a kihchau a, tichun lengpa thupiek bang chun a hih nuom puou a, nausen pasal haw chuh a hinghawih u a, a hukbit zel sek u a. 18Chun, Aigupta lengpa chun naudawmte chuh a sama, a kawm u ah, “Bangati a hitibang ahi thilhih a, nausen pasal haw chuh na hinghawih zel uh ahim?” a ti a.
19Chun, naudawmte chun Pharaoh kawmah, “Hebrai numeite hih Aigupta numeite tawh a kibang puou a; amau haw hi a hât u a, tichun, naudawmte tun ma leh nau a na nei sek uh a ahi,” a tiu a. 20Zieziekchun, Pathien in naudawmte chuh phatak in a bawl a, tichun, mi a hung tam mah mah tau a, a hung hât deuh deuh tau hi. 21Chun, ti hi ahung hi a, naudawmte chun Pathien a lauh ziekun, inkuo nei in a siem ta a. 22Ziephet chun Pharao’n, “Pasal naupang hung pieng taphawt chuh Nile luipi ah paih un la, numei taphawt chuh na hinghawih dinguh ahi,” ti’n a mite chengcheng chuh thu a pie ta a.#Nas 7.19
Currently Selected:
PAWTDAWKNA 1: GANGBSI
Highlight
Share
Copy
Want to have your highlights saved across all your devices? Sign up or sign in
Gangte Holy Bible - PATHIEN LEKHABU THIENGTHO
Copyright © Bible Society of India, 2010.
Used by permission. All rights reserved worldwide.
PAWTDAWKNA 1
1
Israel te Sukgimtheihna
1Chun, ziehaw hi Israel chate Aigupta gama lutte min chuh ahi, mitin amau inkuon dungzui zelin Jakob kawm achun a chieh u a: 2Reuben te, Simeon te, Levi te, Juda te, 3Issakar te, Zebulun te leh Benjamin te; 4Dan leh Naphtali te, Gad leh Aser te ahiu hi. 5Jakob khalbe a pawt chengcheng chuh mi sawmsagih ahiu hi. Joseph vang chuh Aigupta gama a na umsa him ahi. 6Chun, Joseph chuh a thi a, a suohpihte chengcheng leh amau khang chengcheng chuh a thi zo vek tau a. 7Himahleh, Israel suonte chun chi tamtak a sep u a, nasa taka hung pung in, a hung tam mah mah mai tau a, a hung hât deuh deuh tau a; Aigupta gam chuh a hun luoh dim tau hi.#Nas 7.17
8Chun, Aigupta gam achun Joseph helo leng thak a hung um ta a.#Nas 7.18 9Tichun, a mite kawmah, “Ngaitiem u, Israel suonte hi eihaw sangin a tamzawu in, a hatzaw tau a, eihaw dingin lauh-um tak ahi tau hi! 10Hung tiem u, a pun beh tâk lohna dingun chingthei takin hih hitiu; khutilochun hung pung zel un tin, dân leh kidona hung um kha leh I gâlteu lam ah pang untin, ei do un tin, zie gam apat hin ei taihdawk san kha’n au” a tiu a. 11Khutichun, Aigupta mite chun na haksa taktak sep sak in, amau haw sugimthei dingin a chung u ah lawiupa a guot sak tau a, Israel chate chun lengpa dinga nek ding kawihkhawmna mun dingin Pithom khawpi leh Ramases khawpi achun In a sa tau a. 12Himahlele, amau haw chuh a hah sukgimtheih phawt u leh a hah pun zaw deuh u a, gamsung pumpi ah a kithehzâk tau a, tichun, Israel ziek chun Aigupta mite chuh a lunggim mah mah tau a. 13Khutichun, Aigupta mite chun Israel suonte chuh gimthei takin na a sep sak tau a. 14Nasep haksa tak tak, suonghalna leh cheklei siem sak in, a lo hawu ale nasem in a mang u a, a sugimthei tau hi.
15Tichun, Aigupta lengpa chun, Hebrai naudawmte chuh a hopih a; khat zaw min chuh Siphrah ahi a, chun, khat min chuh Puah ahi. 16Tichun, a kawm u ah, “Hebrai numeite nau na dawp tieng u leh, nau neihna dawhkan a chun en unla, pasal a hih leh that zel unla; numei a hih le chuh na hinghawih dinguh ahi,” a ti a. 17Himahlele, naudawmte chun Pathien a kihchau a, tichun lengpa thupiek bang chun a hih nuom puou a, nausen pasal haw chuh a hinghawih u a, a hukbit zel sek u a. 18Chun, Aigupta lengpa chun naudawmte chuh a sama, a kawm u ah, “Bangati a hitibang ahi thilhih a, nausen pasal haw chuh na hinghawih zel uh ahim?” a ti a.
19Chun, naudawmte chun Pharaoh kawmah, “Hebrai numeite hih Aigupta numeite tawh a kibang puou a; amau haw hi a hât u a, tichun, naudawmte tun ma leh nau a na nei sek uh a ahi,” a tiu a. 20Zieziekchun, Pathien in naudawmte chuh phatak in a bawl a, tichun, mi a hung tam mah mah tau a, a hung hât deuh deuh tau hi. 21Chun, ti hi ahung hi a, naudawmte chun Pathien a lauh ziekun, inkuo nei in a siem ta a. 22Ziephet chun Pharao’n, “Pasal naupang hung pieng taphawt chuh Nile luipi ah paih un la, numei taphawt chuh na hinghawih dinguh ahi,” ti’n a mite chengcheng chuh thu a pie ta a.#Nas 7.19
Currently Selected:
:
Highlight
Share
Copy
Want to have your highlights saved across all your devices? Sign up or sign in
Gangte Holy Bible - PATHIEN LEKHABU THIENGTHO
Copyright © Bible Society of India, 2010.
Used by permission. All rights reserved worldwide.