THILSIEMBUL 42
42
Joseph Suohpihte Aigupta a Pûk puo
1Khutichun, Jakob in Aigupta gam ah buh a um hi tih a hun het phetin a chate kawmah, “Bangati a ki-entuoh mai na hiu a?” a ti a. 2“Aigupta gam ah buh a um hi tih ka he tai, thi lo a I hindawk theihna dingun zie tak achun va chieh unla, ei u dingin buh va chaw tiem u,” a ti a.#Nas 7.12 3Tichun Joseph suohpih sawmte chuh Aigupta gama buh chaw ding chun a va chieh tau a. 4Himahleh, Jakob in Joseph suohpih Benjamin vang chuh a suohpihte a zuih sak puoh a, tuohsie va tuok kha’n a tih a lauh ziekin
5Tichun, Jakob chapate chuh mi dang haw chu tawh buh chaw dingin a va chieh u a Kanaan gam ale kiel a kiek ziekin. 6Chun, Joseph chuh Aigupta gamsung achun lawiupa ahi a; a gama mi chengcheng kawm achun buh chuh a zuok ta a. Joseph ute chuh a hung u a, leisi’n a masang ah a khun u a, 7Joseph in a suohpihte chuh a muhin a hezing nalai a, himahleh helo guol takin a hopih a, khauh tak in a kawm u ah, “Khawia pata hung na hiu em?” a ti a Amau chun, “Kanaan gam apat a buh chaw dinga hung ka hiu hi,” a tiu a.
8Joseph chun a ute chuh a na he a, amau chun vang amah chuh a he puou hi. 9Joseph chun amau haw chungchâng thu manga a muh haw kha a hedawk ta a, a kawm u ah, “Enthate na hiu hi, gam âwng a um em tih entha dinga hung na hiu hi,” a ti a.#Tsb 37.5-10
10Amau chun a kawmah, “Hepu, ka hi hiel puou hi, na suokte hi buh chaw dinga hung ka hiu hi. 11Mi khat cha ka hivek u a, mi diktat ka hiu a, na suokte hi enthate ka hi talo zen u ie,” a tiu a.
12Chun, amah chun a kawm u ah, “Ka gingcha puoi, gam âwng a um em tih en dinga hung hi’n lau,” a ti a.
13Chun, amau chun, “Kei u na suokte hi suohpih sawmlenih, Kanaan gama um mi khat cha ka hiu hi; a neupen chuh tuhin ka pau kawmah a um a, khat chuh a um ta puoi,” a tiu a
14Joseph chun a kawm u ah, “Enthate na hiu hi,” ka hun tih khah, na hi ngêi nau hi. 15Hitihin etchet in um in lau: na nau neupen u chuh zie ahi a hung loh chun Pharaoh hinna sama kihâksiel in, zie apat hin chiehdawk hiel puo’n lau ka hun tih na hiu hi. 16Nangmau a thutak a um leh um loh na thuu etchetna dingin na lak u a khat sawl unla, na nau u chuh hun pui hen, nang uh vang chuh kân in um tadih in lau: khutilochun Pharaoh hinna sama kihâksiel in, “Enthate na hiu hi ka hun tih ding ahi,” a ti a. 17A bawn u chun ni thum sung suongkul ah a khum ta a.
18A ni thum ni chun Joseph in a kawm u ah, “Hiti hin hih leu chin hing in lau, Pathien ka kihcha ngâl a; 19Mi diktat na hih u chun na unau lak u a khat hi suongkul ah khum hi henla a dang chuh chieh unla, na inkawteu kiel a umte ding chuh buh puou in. 20Na lak u a a naupangpen chuh ka kawmah hun pui un; khutichun na thuu chuh kichien intin, thilo ding na hiu hi,” a ti a. Tichun khutibang chun a hih tau a.
21Amau chun, “I nau u chunga I thilhih u kha I thiemlo mah mah uh ahi, hehpih dinga ei nget tuntun laia a lungthim lungdawn zie mu kawm zinga I na ngaihthak sak nawp loh u khah; zieziek khan ahi zie lungkhamna hin ei buokkhum tâk hih,” a kitiu a.
22Chun, Reuben chun, “Naupang chungah thil gilo hih kiu in, ti’n na kawm u ah ka gen puoh a ahim? Na he nuom puou a. Tuhin a thisan phuba chuh a lâk uh ahi hi,” ti’n amau chuh a dâwng a.#Tsb 37.21, 22 23A kal u a kamlet a um ziekin Joseph in a thugen u chuh a hêi tih a he puou hi. 24Chun, amah chun a kiheisan a, a va kap ta a; chun, a kawm u ah a hungkit a; amau chuh a hopih a, a lak u a pat in Simeon chuh a puichuom a, a mitmuh u chun a kân ta a.
Kanaan Gama a Vaihkitnau
25Joseph chun a dip hawu chuh buh a hihdim ding leh a dangkau haw chuh a dip chiet uh a kawih kit ding leh, lampi a a nek ding uh pie dingin thu a pie a: tichun khutibang chun a hihsak tau a. 26Tichun a buh hawu chuh a sabiltung hawu a puoksak u a, zie apat chun a kipan dawk tau a. 27Chun, a lak u a khatin giehbuk ah a sabiltung an pie dinga a dip a vak hawn leh, a dangka chuh a mu ta a; a dip kam tak achun a na um ta a. 28Tichun, a suohpihte kawm achun, “Ka dangka kha a na kawih kit uh ahi hi uo; ka dip ahin a na um zing hi,” a ti a. A lung uh a thawng phut a, “Pathien in hiti a ei bawl hi, bangti dân ahi die aw?” ti’n kithing kawmin a ki-en tuoh u a.
29Chun, Kanaan gama a pau Jakob kawm chuh a hungtung u a, a chung u a thiltung chengcheng chuh a hilh u a; 30“Zie gama vaihawmpa chun khauh tak in ei hopih a, gam enthate hi dingin ei ngawh a. 31Kei un a kawmah, ‘Mi diktat ka hiu a; enthate ka hi talo zên ui: 32suohpih sawmlenih ka hiu a, ka pau chapate ka hi vek ui; khat chuh a um ta puoh a, a naupangpen chuh tuhin Kanaan gam ah ka pau kawmah a um hi,’ ka tiu a. 33Chun, zie pa, a gam lawiupa chun ka kawm u ah, ‘Hiti hin mi diktak na hih uh hun he’ng ka; na suohpih uh khat ka kawmah nusieh un la, na inkawteu kiel a umte ding chun buh puou inla, chieh tau in. 34Na nau neupen u chuh ka kawmah hun pui un: tichun enthate na hi puou a, mi diktat na hi zawu hi tih he’ng ka: khutichun na suohpihpau hi hun pie kit ing ka ting, zie gam ahin sumkawlvei ta’n lau,’ ei ti a,” a tiu a.
35Mahleh a dip hawu chuh a tei-âwng lai un, ngaitie, a dangka chûn chiet u chuh a dip hawu achun ana um ta a: chun amau haw leh a pau chun a dangka chûn u chuh a muh un a lau tau a. 36A pau Jakob chun a kawm u ah, “Nang u hin ka chate nei chân sak uh ahi hi: Joseph a um ta puoh a, Simeon le a umlo kit ta a, Benjamin nasan le puihmang na guo kit zel u a; ziehaw chengcheng hin ei delh khum ahi ta hi,” a ti a.
37Reuben chun a pa kawmah, “Na kawma ka hun puihkit loh chun ka chapate nih hi that mai in: amah chuh ka khut ah ei kawlsak inla, na kawmah hun puikit tei ing ka,” ti’n a gen a.
38Chun, amah chun, “Ka chapa hi na kawm u ah hung suk puo’n a; a u, a thi ta a, amah mai hi ahi ta ngâl a; na chiehnau lampi ah vangsietna va tuok henla hileh, ka sam kâng hi lungkhamna’n thân a chiehsak ding na hiu hi,” a ti a.
Currently Selected:
THILSIEMBUL 42: GANGBSI
Highlight
Share
Copy
Want to have your highlights saved across all your devices? Sign up or sign in
Gangte Holy Bible - PATHIEN LEKHABU THIENGTHO
Copyright © Bible Society of India, 2010.
Used by permission. All rights reserved worldwide.
THILSIEMBUL 42
42
Joseph Suohpihte Aigupta a Pûk puo
1Khutichun, Jakob in Aigupta gam ah buh a um hi tih a hun het phetin a chate kawmah, “Bangati a ki-entuoh mai na hiu a?” a ti a. 2“Aigupta gam ah buh a um hi tih ka he tai, thi lo a I hindawk theihna dingun zie tak achun va chieh unla, ei u dingin buh va chaw tiem u,” a ti a.#Nas 7.12 3Tichun Joseph suohpih sawmte chuh Aigupta gama buh chaw ding chun a va chieh tau a. 4Himahleh, Jakob in Joseph suohpih Benjamin vang chuh a suohpihte a zuih sak puoh a, tuohsie va tuok kha’n a tih a lauh ziekin
5Tichun, Jakob chapate chuh mi dang haw chu tawh buh chaw dingin a va chieh u a Kanaan gam ale kiel a kiek ziekin. 6Chun, Joseph chuh Aigupta gamsung achun lawiupa ahi a; a gama mi chengcheng kawm achun buh chuh a zuok ta a. Joseph ute chuh a hung u a, leisi’n a masang ah a khun u a, 7Joseph in a suohpihte chuh a muhin a hezing nalai a, himahleh helo guol takin a hopih a, khauh tak in a kawm u ah, “Khawia pata hung na hiu em?” a ti a Amau chun, “Kanaan gam apat a buh chaw dinga hung ka hiu hi,” a tiu a.
8Joseph chun a ute chuh a na he a, amau chun vang amah chuh a he puou hi. 9Joseph chun amau haw chungchâng thu manga a muh haw kha a hedawk ta a, a kawm u ah, “Enthate na hiu hi, gam âwng a um em tih entha dinga hung na hiu hi,” a ti a.#Tsb 37.5-10
10Amau chun a kawmah, “Hepu, ka hi hiel puou hi, na suokte hi buh chaw dinga hung ka hiu hi. 11Mi khat cha ka hivek u a, mi diktat ka hiu a, na suokte hi enthate ka hi talo zen u ie,” a tiu a.
12Chun, amah chun a kawm u ah, “Ka gingcha puoi, gam âwng a um em tih en dinga hung hi’n lau,” a ti a.
13Chun, amau chun, “Kei u na suokte hi suohpih sawmlenih, Kanaan gama um mi khat cha ka hiu hi; a neupen chuh tuhin ka pau kawmah a um a, khat chuh a um ta puoi,” a tiu a
14Joseph chun a kawm u ah, “Enthate na hiu hi,” ka hun tih khah, na hi ngêi nau hi. 15Hitihin etchet in um in lau: na nau neupen u chuh zie ahi a hung loh chun Pharaoh hinna sama kihâksiel in, zie apat hin chiehdawk hiel puo’n lau ka hun tih na hiu hi. 16Nangmau a thutak a um leh um loh na thuu etchetna dingin na lak u a khat sawl unla, na nau u chuh hun pui hen, nang uh vang chuh kân in um tadih in lau: khutilochun Pharaoh hinna sama kihâksiel in, “Enthate na hiu hi ka hun tih ding ahi,” a ti a. 17A bawn u chun ni thum sung suongkul ah a khum ta a.
18A ni thum ni chun Joseph in a kawm u ah, “Hiti hin hih leu chin hing in lau, Pathien ka kihcha ngâl a; 19Mi diktat na hih u chun na unau lak u a khat hi suongkul ah khum hi henla a dang chuh chieh unla, na inkawteu kiel a umte ding chuh buh puou in. 20Na lak u a a naupangpen chuh ka kawmah hun pui un; khutichun na thuu chuh kichien intin, thilo ding na hiu hi,” a ti a. Tichun khutibang chun a hih tau a.
21Amau chun, “I nau u chunga I thilhih u kha I thiemlo mah mah uh ahi, hehpih dinga ei nget tuntun laia a lungthim lungdawn zie mu kawm zinga I na ngaihthak sak nawp loh u khah; zieziek khan ahi zie lungkhamna hin ei buokkhum tâk hih,” a kitiu a.
22Chun, Reuben chun, “Naupang chungah thil gilo hih kiu in, ti’n na kawm u ah ka gen puoh a ahim? Na he nuom puou a. Tuhin a thisan phuba chuh a lâk uh ahi hi,” ti’n amau chuh a dâwng a.#Tsb 37.21, 22 23A kal u a kamlet a um ziekin Joseph in a thugen u chuh a hêi tih a he puou hi. 24Chun, amah chun a kiheisan a, a va kap ta a; chun, a kawm u ah a hungkit a; amau chuh a hopih a, a lak u a pat in Simeon chuh a puichuom a, a mitmuh u chun a kân ta a.
Kanaan Gama a Vaihkitnau
25Joseph chun a dip hawu chuh buh a hihdim ding leh a dangkau haw chuh a dip chiet uh a kawih kit ding leh, lampi a a nek ding uh pie dingin thu a pie a: tichun khutibang chun a hihsak tau a. 26Tichun a buh hawu chuh a sabiltung hawu a puoksak u a, zie apat chun a kipan dawk tau a. 27Chun, a lak u a khatin giehbuk ah a sabiltung an pie dinga a dip a vak hawn leh, a dangka chuh a mu ta a; a dip kam tak achun a na um ta a. 28Tichun, a suohpihte kawm achun, “Ka dangka kha a na kawih kit uh ahi hi uo; ka dip ahin a na um zing hi,” a ti a. A lung uh a thawng phut a, “Pathien in hiti a ei bawl hi, bangti dân ahi die aw?” ti’n kithing kawmin a ki-en tuoh u a.
29Chun, Kanaan gama a pau Jakob kawm chuh a hungtung u a, a chung u a thiltung chengcheng chuh a hilh u a; 30“Zie gama vaihawmpa chun khauh tak in ei hopih a, gam enthate hi dingin ei ngawh a. 31Kei un a kawmah, ‘Mi diktat ka hiu a; enthate ka hi talo zên ui: 32suohpih sawmlenih ka hiu a, ka pau chapate ka hi vek ui; khat chuh a um ta puoh a, a naupangpen chuh tuhin Kanaan gam ah ka pau kawmah a um hi,’ ka tiu a. 33Chun, zie pa, a gam lawiupa chun ka kawm u ah, ‘Hiti hin mi diktak na hih uh hun he’ng ka; na suohpih uh khat ka kawmah nusieh un la, na inkawteu kiel a umte ding chun buh puou inla, chieh tau in. 34Na nau neupen u chuh ka kawmah hun pui un: tichun enthate na hi puou a, mi diktat na hi zawu hi tih he’ng ka: khutichun na suohpihpau hi hun pie kit ing ka ting, zie gam ahin sumkawlvei ta’n lau,’ ei ti a,” a tiu a.
35Mahleh a dip hawu chuh a tei-âwng lai un, ngaitie, a dangka chûn chiet u chuh a dip hawu achun ana um ta a: chun amau haw leh a pau chun a dangka chûn u chuh a muh un a lau tau a. 36A pau Jakob chun a kawm u ah, “Nang u hin ka chate nei chân sak uh ahi hi: Joseph a um ta puoh a, Simeon le a umlo kit ta a, Benjamin nasan le puihmang na guo kit zel u a; ziehaw chengcheng hin ei delh khum ahi ta hi,” a ti a.
37Reuben chun a pa kawmah, “Na kawma ka hun puihkit loh chun ka chapate nih hi that mai in: amah chuh ka khut ah ei kawlsak inla, na kawmah hun puikit tei ing ka,” ti’n a gen a.
38Chun, amah chun, “Ka chapa hi na kawm u ah hung suk puo’n a; a u, a thi ta a, amah mai hi ahi ta ngâl a; na chiehnau lampi ah vangsietna va tuok henla hileh, ka sam kâng hi lungkhamna’n thân a chiehsak ding na hiu hi,” a ti a.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Gangte Holy Bible - PATHIEN LEKHABU THIENGTHO
Copyright © Bible Society of India, 2010.
Used by permission. All rights reserved worldwide.