IRPHUTNA 21
21
Isaka suakna thu
1Khan, Rengpa’n a lei iti tâk angin, Sari kha a pana, Rengpa satna a donga. 2#Heb 11.11 Khanchu Sari chu an râia, Pathianin hunbi a lei inkung nî taka chu, Abrahama tar hnungin nâipasal a neipui ta. 3Khan Abrahama, Sari ineipui irhming khom Isaka a phua ta. 4Khan Abrahama’n Pathian thupêk ang takin a nâipa Isaka chu sûn riat a chukin a ser a tan pea. 5Khan Abrahama’n, Isaka a nei lai hin kum 100 mi a nia. 6Khan Sari khan, “Pathianin a nin nuitir ta; mi tin a nin hriat murdihai khom an raifân ta a ti,” a tia. 7Khan ama ngêtin, “Sari’n nâite la pom a tah ti tu’n mo Abrahama kuang lei hril ngam om hrang? a tar hnunga nâi ki ineipui tâk hi,” a tia. 8Khan nâite chu a hong liana, irhnu pe ta maka: khan Isaka irhnu nêk ta loi hrang nî taka chu Abrahama’n hruai an thêa.
Hagari le Ismaela inhnotsuak thu
9Khan Aigupta mi, Hagari nâipa, Abrahama hranga a ineipui khan an nuisan lai tak Sari’n a hmua. 10Khanchu Abrahama kuanga khan, “Hi suaknu le a nâipa hi irzûlpaihai ro: hi suaknu nâipa hin, ki nâipa Isaka irchon luapui thei no ni,” a tia. 11Khan, hi chongbâi sik hin Abrahama hrangin chu a nâi a’rkôk pe sikin a irngai hoi pe thei maka; 12#Rom 9.7; Heb 11.18 khannisianlân Pathianin Abrahama kuang khan, “Nâipang chungchâng thu le ni suaknu thu hi nangma irngai khomin thil saloiin bê no ro; Sari’n ni kuanga thu a insîrhai kha zôm ro; Isaka ata kêng ni’rchihai an la iti hrang. 13Khan ni suaknu nâipa khom hi ni’rchi a ni sikin, irchi suanpâr chu inpung ki ti,” a tia.
14Khanchu Abrahama chu zînga a thoia, bai le tui bêla tui bitin a chôia; Hagari a pêka, a dârsuama toiin, nâipang khom an fetira; khanchu Beerseba tâng châra a’rvâk hena. 15Khanchu tui bêla tui chu om ta maka, nâite chu chînribuk hnuaia a sia raka. 16Khan “Nâipang thi hrang kha en ngam ma ung,” a tia. A chi sikin hla rak loi, thal kâp tung thei hrang tena ang khan a mân tiang a va toi ngota; inring takin a chap tâka.
17Khan Pathianin nâipang irhâi kha an hriata, khan Pathian vântirtônin irvân ata Hagari chu a zuang koia, a kuang, “Hagari imo ni ingaitua? chi no ro, nâipang irhâi chu Pathianin a omna ata an hriat, 18thoiin lân, nâipang kha a kuta kaithoi ro, ama chu irchi tam takin ki isiam hrang a ni,” a tia. 19Khan Pathianin a mit an vâr pea; tuisunsuak kha a hmu tâka; khanchu a va fea, tui bêla khan tui a thun insipa, nâipang kha an intira. 20Khan, Pathian chu nâipang kôla khan, a ompui ngaia, a hong lian dênin, tângchâra a om ngaia. thal kâp thei mi a hong ni tâka. 21Paran ramchâra omin, a nu’n Aigupta ram mi a dôngma hrangin an neitir ta.
Abrahama le Abimeleka irngeina thu
22Kha laia khan Abimeleka le sipai hruaitu Fikola haiin Abrahama kuang khan, “Ni sinthônahai hin Pathianin nang a sâm mai ngaia. 23Khasikin atûn hi hmuna hin Pathian irhming sâmin, kei le ki nâipa le ki tupa, hnuaisia loia lung ki lei inkham tâk ang khan keima le ni omna ram lungkhamna indong hrangin ki kuang hin chong nin kung pe ro ba!” tiin a hrila.
24Khan Abrahama’n, “O chonginkung ki ti,” a tia. 25Khan Abimeleka siahlohaiin tuisunsua an suthai sikin Abrahama’n Abimeleka kha a’rchua. 26Khan Abimeleka’n, “Kha thil lei thotu kha tu mo a ini, ite inhre ma ung,” a tia. 27Khanchu Abrahama’n belra le sehrâtchal a hruaihaia, Abimeleka a pêka; khanchu an ruaiin chong an inkunga. 28Khan Abrahama’n a belra pâl laia a sa, a’rthiang sari a khâia; 29khanchu Abimeleka’n Abrahama kuang khan, “Belra irthiang sarihai hi itho mo a bingin ni ikhâihai?” a tia. 30Khan ama’n chu, “Hi tuisunsuak hi keima kut ngeia ki ituk suak a nih ti ni nin hriatpui ti inhriatna’n hi belra irthiang sari hi ki kut ata ni ilâk hrang a ni,” a tia. 31Khatak sikin hi hmun khom hi Beerseba#21.31: Beerseba ti omzia chu “Chonginkung tuisunsuak” mani, tuisunsuak sari tihna mani a ni. a tia: hi hmuna hin an ruaiin khomâk an irsâm sikin. 32Khanchu, Abimeleka kha a thoia, a sipai hruaitu Fikola leh khan Filistia rama an kîr nôk ta. 33Khan Abrahama’n Beerseba khuaa khan meisâr kung a phuna, kha hmuna khan Rengpa, kumtuang Pathian irhming a sâma. 34Khanchu Abrahama chu zoro sôttak Filistian rama a oma.
Currently Selected:
IRPHUTNA 21: HRACLBSI
Highlight
Share
Copy
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
IRPHUTNA 21
21
Isaka suakna thu
1Khan, Rengpa’n a lei iti tâk angin, Sari kha a pana, Rengpa satna a donga. 2#Heb 11.11 Khanchu Sari chu an râia, Pathianin hunbi a lei inkung nî taka chu, Abrahama tar hnungin nâipasal a neipui ta. 3Khan Abrahama, Sari ineipui irhming khom Isaka a phua ta. 4Khan Abrahama’n Pathian thupêk ang takin a nâipa Isaka chu sûn riat a chukin a ser a tan pea. 5Khan Abrahama’n, Isaka a nei lai hin kum 100 mi a nia. 6Khan Sari khan, “Pathianin a nin nuitir ta; mi tin a nin hriat murdihai khom an raifân ta a ti,” a tia. 7Khan ama ngêtin, “Sari’n nâite la pom a tah ti tu’n mo Abrahama kuang lei hril ngam om hrang? a tar hnunga nâi ki ineipui tâk hi,” a tia. 8Khan nâite chu a hong liana, irhnu pe ta maka: khan Isaka irhnu nêk ta loi hrang nî taka chu Abrahama’n hruai an thêa.
Hagari le Ismaela inhnotsuak thu
9Khan Aigupta mi, Hagari nâipa, Abrahama hranga a ineipui khan an nuisan lai tak Sari’n a hmua. 10Khanchu Abrahama kuanga khan, “Hi suaknu le a nâipa hi irzûlpaihai ro: hi suaknu nâipa hin, ki nâipa Isaka irchon luapui thei no ni,” a tia. 11Khan, hi chongbâi sik hin Abrahama hrangin chu a nâi a’rkôk pe sikin a irngai hoi pe thei maka; 12#Rom 9.7; Heb 11.18 khannisianlân Pathianin Abrahama kuang khan, “Nâipang chungchâng thu le ni suaknu thu hi nangma irngai khomin thil saloiin bê no ro; Sari’n ni kuanga thu a insîrhai kha zôm ro; Isaka ata kêng ni’rchihai an la iti hrang. 13Khan ni suaknu nâipa khom hi ni’rchi a ni sikin, irchi suanpâr chu inpung ki ti,” a tia.
14Khanchu Abrahama chu zînga a thoia, bai le tui bêla tui bitin a chôia; Hagari a pêka, a dârsuama toiin, nâipang khom an fetira; khanchu Beerseba tâng châra a’rvâk hena. 15Khanchu tui bêla tui chu om ta maka, nâite chu chînribuk hnuaia a sia raka. 16Khan “Nâipang thi hrang kha en ngam ma ung,” a tia. A chi sikin hla rak loi, thal kâp tung thei hrang tena ang khan a mân tiang a va toi ngota; inring takin a chap tâka.
17Khan Pathianin nâipang irhâi kha an hriata, khan Pathian vântirtônin irvân ata Hagari chu a zuang koia, a kuang, “Hagari imo ni ingaitua? chi no ro, nâipang irhâi chu Pathianin a omna ata an hriat, 18thoiin lân, nâipang kha a kuta kaithoi ro, ama chu irchi tam takin ki isiam hrang a ni,” a tia. 19Khan Pathianin a mit an vâr pea; tuisunsuak kha a hmu tâka; khanchu a va fea, tui bêla khan tui a thun insipa, nâipang kha an intira. 20Khan, Pathian chu nâipang kôla khan, a ompui ngaia, a hong lian dênin, tângchâra a om ngaia. thal kâp thei mi a hong ni tâka. 21Paran ramchâra omin, a nu’n Aigupta ram mi a dôngma hrangin an neitir ta.
Abrahama le Abimeleka irngeina thu
22Kha laia khan Abimeleka le sipai hruaitu Fikola haiin Abrahama kuang khan, “Ni sinthônahai hin Pathianin nang a sâm mai ngaia. 23Khasikin atûn hi hmuna hin Pathian irhming sâmin, kei le ki nâipa le ki tupa, hnuaisia loia lung ki lei inkham tâk ang khan keima le ni omna ram lungkhamna indong hrangin ki kuang hin chong nin kung pe ro ba!” tiin a hrila.
24Khan Abrahama’n, “O chonginkung ki ti,” a tia. 25Khan Abimeleka siahlohaiin tuisunsua an suthai sikin Abrahama’n Abimeleka kha a’rchua. 26Khan Abimeleka’n, “Kha thil lei thotu kha tu mo a ini, ite inhre ma ung,” a tia. 27Khanchu Abrahama’n belra le sehrâtchal a hruaihaia, Abimeleka a pêka; khanchu an ruaiin chong an inkunga. 28Khan Abrahama’n a belra pâl laia a sa, a’rthiang sari a khâia; 29khanchu Abimeleka’n Abrahama kuang khan, “Belra irthiang sarihai hi itho mo a bingin ni ikhâihai?” a tia. 30Khan ama’n chu, “Hi tuisunsuak hi keima kut ngeia ki ituk suak a nih ti ni nin hriatpui ti inhriatna’n hi belra irthiang sari hi ki kut ata ni ilâk hrang a ni,” a tia. 31Khatak sikin hi hmun khom hi Beerseba#21.31: Beerseba ti omzia chu “Chonginkung tuisunsuak” mani, tuisunsuak sari tihna mani a ni. a tia: hi hmuna hin an ruaiin khomâk an irsâm sikin. 32Khanchu, Abimeleka kha a thoia, a sipai hruaitu Fikola leh khan Filistia rama an kîr nôk ta. 33Khan Abrahama’n Beerseba khuaa khan meisâr kung a phuna, kha hmuna khan Rengpa, kumtuang Pathian irhming a sâma. 34Khanchu Abrahama chu zoro sôttak Filistian rama a oma.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.