IRPHUTNA 45
45
A urênghai kuanga Josefa irphuangna
1 #
Tîr 7.13
Khanchu Josefa chu a kôla mipui omhai makunga khom khan milung na hraiin irthup thei ta loiin, “Mipuihai ki kôl ata suak ving roi,” tiin a khêka. Khanchu Josefa’n a urênghai makunga irhriatsuak irhlômna thu a hrilpuihai sûng chu tûte om mahaia. 2Khanchu a chap ngûk ngûka, Aigupta mihai le Faroa in mihai khomin an inhriata. 3Khanchu Josefa’n a urênghai kuanga khan, “Josefa kha ki ni; ka pa chu a la dam mai na,” a tia. Khannisianlân a urênghaiin ite sâm hrang inhre loiin an kamang zoi tâk a ni. 4“Irngaihoi takin ni hong nâi roi,” a tia. Khanchu an va pana, nin sangpa Josefa Aigupta rama nin izuarpa kha ki ni. 5Khannisianlân hi rama om hranga nin ni lei izuar sika hin chi ual no roi, nangni khom a siat irti ual no unglân, mihai sansuak hrangin Pathianin nin matona a ni lei zuang itîr a ni. 6#Tîr 7.15 Hi kum hni sûng chu châm a tâk tâka, kum ringa a la’rsam, hi sûnga hin chu loi tho thei ni no nia, bu ât hrang khom hmu ni no ni. 7Khasikin irnêng chunga nin irchi a’rzom theina hrang le saninhringna inthangtak a hring a dama nangni kin omtir theina hrangin Pathianin nin matona a ni lei zuang itîr a ni. 8Khasikin hitaka nin omtirtu hi nangni ni mak chêia, Pathian kêng a lei ini. Ama’n Faroa in sûng mihai pa le hruaitu, Aigupta ram sûnga roirêltua a ni lei isiam a ni.
9 #
Tîr 7.14
Khasikin inrangtakin ka pa kuang fe unglân, “Ni nâipa Josefa’n hiang hin a tih hong ti roi, Pathianin Aigupta ram pumpuia hruaituin a ni siam ta: ki kuang zuang ta ro, zuang sôt ta no ro: 10khanchu Gosen rama om ni ta, keima kôl ngêta om ni ta, nang le ni nâihai le ni tûhai le ni belra le ni sahai ni inei murdihai leh om ni ti. 11Kha hmuna khan keima’n nan fâ ta ki ti. Châm laka kum ringa zel a la itâk hrang a ni sikin, khaang khan ni om ngotin chu ni la intak hrang kêng, nang le ni in sûng mihai leh” hong ti pe roi.
12Khan nin rênga mithmu le Benjamina mithmu ngeia nin infel, “Kei Josefa diktak kha ki nih ti lak nin inhriata. 13Khanchu Aigupta rama hruaitu lian le inthang nin ihmu le inhriat murdi hong hril unglân: ka pa chu inrangtakin hi hmun hi nin zuang itungpui lat hrang a ni,” a tia. 14Khanchu a kut leh a sangpa Benjamina chu irkuapuiin a chapa, Benjamina khom khaang dênin a chap nôk ta. 15Khanchu a urêng danghai kha an rêngin a tumhaia, a chapkhumhai ta. Khanchu a urênghaiin thu tamtak an insîrpui ngam tâk a ni.
16Kha tena chu Josefa urênghai an hong ti thu kha Faroa ina khan an le’nhriata, Faroa le a hnuaia sinthotuhai khom an râi a lei fânpui tâka. 17Khanchu Faroa’n Josefa kuang khan, “Ni urênghai kha, an sahai chunga bu inpêltirhai sian Kanaan rama tîrhaiin lân; 18khanchu, nin pa le a in mi tam dôr zuang hruaihai unglân ki kôla zuang ri sehai; khanchu Aigupta rama irchon sahai hi nangni pe ki ta, nin rênga nin dam theina hrangin om nin ti, a tia. 19Thu nangni ki pêk nin nâi le tehai, nin dôngmahai chuang theina hrangin Aigupta ram ata tâli ke neihai chôi unglân nin pa hruaiin nin rêngin zuang roi. 20Nin bêlbûr hmanghai khom ite inpâm no roi, Aigupta rama hin hi nêka thil sa murdi hi nin ta chang a ti,” ti roi a tia.
21Khanchu Israel nâihai khan kha ang tak khan an thoa, sakor chung chuang zât le fâk le nêk pêlin an fea. 22An rêngin puandiar irsakna a pêkhaia, Benjamina len vâng chu tangka sum irzathum le puandiar khom a’rthuamin ringa a pêk saa. 23A pa khom hi thilhai hi a thona; sakuartung sômkhat Aigupta rama thil sa pêlna hrangin le sakuartung pui sômkhat, lampuia a pa fâk le nêk hrang pêlin a tîrhai saa. 24Khanchu a tîrhaia, lampuia “Irsual irkhal ite tho loi hrangin irdîn roi,” a tia.
25Khaang khan Aigupta ram ata chu an fea, Kanaan ram an pa Jakoba omna chu an tung tâka. 26Khanchu an pa kuang khan, “Josefa kha a la dama, Aigupta rama roirêltu liantak a ni,” an ti pea. An thu hril kha an hriata, ni khomsianlân a dam hrangin tûng thei ta maka. 27Khanchu an kuanga Josefa’n a ihril murdi kha an insîr pea: a chuangna hrang Josefa sakor a hong itîrhai kha a hmu’n chu; Jakoba râi a hong fân pea: 28khanchu Israel khan, “Ki nâipa Josefa chu a dama la om ngêt a nih ti kin hriat suak zoi ta, khasikin ki thi mân ama hmu hrangin zu fe ta ki ti,” a tia.
Currently Selected:
IRPHUTNA 45: HRACLBSI
Highlight
Share
Copy
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.
IRPHUTNA 45
45
A urênghai kuanga Josefa irphuangna
1 #
Tîr 7.13
Khanchu Josefa chu a kôla mipui omhai makunga khom khan milung na hraiin irthup thei ta loiin, “Mipuihai ki kôl ata suak ving roi,” tiin a khêka. Khanchu Josefa’n a urênghai makunga irhriatsuak irhlômna thu a hrilpuihai sûng chu tûte om mahaia. 2Khanchu a chap ngûk ngûka, Aigupta mihai le Faroa in mihai khomin an inhriata. 3Khanchu Josefa’n a urênghai kuanga khan, “Josefa kha ki ni; ka pa chu a la dam mai na,” a tia. Khannisianlân a urênghaiin ite sâm hrang inhre loiin an kamang zoi tâk a ni. 4“Irngaihoi takin ni hong nâi roi,” a tia. Khanchu an va pana, nin sangpa Josefa Aigupta rama nin izuarpa kha ki ni. 5Khannisianlân hi rama om hranga nin ni lei izuar sika hin chi ual no roi, nangni khom a siat irti ual no unglân, mihai sansuak hrangin Pathianin nin matona a ni lei zuang itîr a ni. 6#Tîr 7.15 Hi kum hni sûng chu châm a tâk tâka, kum ringa a la’rsam, hi sûnga hin chu loi tho thei ni no nia, bu ât hrang khom hmu ni no ni. 7Khasikin irnêng chunga nin irchi a’rzom theina hrang le saninhringna inthangtak a hring a dama nangni kin omtir theina hrangin Pathianin nin matona a ni lei zuang itîr a ni. 8Khasikin hitaka nin omtirtu hi nangni ni mak chêia, Pathian kêng a lei ini. Ama’n Faroa in sûng mihai pa le hruaitu, Aigupta ram sûnga roirêltua a ni lei isiam a ni.
9 #
Tîr 7.14
Khasikin inrangtakin ka pa kuang fe unglân, “Ni nâipa Josefa’n hiang hin a tih hong ti roi, Pathianin Aigupta ram pumpuia hruaituin a ni siam ta: ki kuang zuang ta ro, zuang sôt ta no ro: 10khanchu Gosen rama om ni ta, keima kôl ngêta om ni ta, nang le ni nâihai le ni tûhai le ni belra le ni sahai ni inei murdihai leh om ni ti. 11Kha hmuna khan keima’n nan fâ ta ki ti. Châm laka kum ringa zel a la itâk hrang a ni sikin, khaang khan ni om ngotin chu ni la intak hrang kêng, nang le ni in sûng mihai leh” hong ti pe roi.
12Khan nin rênga mithmu le Benjamina mithmu ngeia nin infel, “Kei Josefa diktak kha ki nih ti lak nin inhriata. 13Khanchu Aigupta rama hruaitu lian le inthang nin ihmu le inhriat murdi hong hril unglân: ka pa chu inrangtakin hi hmun hi nin zuang itungpui lat hrang a ni,” a tia. 14Khanchu a kut leh a sangpa Benjamina chu irkuapuiin a chapa, Benjamina khom khaang dênin a chap nôk ta. 15Khanchu a urêng danghai kha an rêngin a tumhaia, a chapkhumhai ta. Khanchu a urênghaiin thu tamtak an insîrpui ngam tâk a ni.
16Kha tena chu Josefa urênghai an hong ti thu kha Faroa ina khan an le’nhriata, Faroa le a hnuaia sinthotuhai khom an râi a lei fânpui tâka. 17Khanchu Faroa’n Josefa kuang khan, “Ni urênghai kha, an sahai chunga bu inpêltirhai sian Kanaan rama tîrhaiin lân; 18khanchu, nin pa le a in mi tam dôr zuang hruaihai unglân ki kôla zuang ri sehai; khanchu Aigupta rama irchon sahai hi nangni pe ki ta, nin rênga nin dam theina hrangin om nin ti, a tia. 19Thu nangni ki pêk nin nâi le tehai, nin dôngmahai chuang theina hrangin Aigupta ram ata tâli ke neihai chôi unglân nin pa hruaiin nin rêngin zuang roi. 20Nin bêlbûr hmanghai khom ite inpâm no roi, Aigupta rama hin hi nêka thil sa murdi hi nin ta chang a ti,” ti roi a tia.
21Khanchu Israel nâihai khan kha ang tak khan an thoa, sakor chung chuang zât le fâk le nêk pêlin an fea. 22An rêngin puandiar irsakna a pêkhaia, Benjamina len vâng chu tangka sum irzathum le puandiar khom a’rthuamin ringa a pêk saa. 23A pa khom hi thilhai hi a thona; sakuartung sômkhat Aigupta rama thil sa pêlna hrangin le sakuartung pui sômkhat, lampuia a pa fâk le nêk hrang pêlin a tîrhai saa. 24Khanchu a tîrhaia, lampuia “Irsual irkhal ite tho loi hrangin irdîn roi,” a tia.
25Khaang khan Aigupta ram ata chu an fea, Kanaan ram an pa Jakoba omna chu an tung tâka. 26Khanchu an pa kuang khan, “Josefa kha a la dama, Aigupta rama roirêltu liantak a ni,” an ti pea. An thu hril kha an hriata, ni khomsianlân a dam hrangin tûng thei ta maka. 27Khanchu an kuanga Josefa’n a ihril murdi kha an insîr pea: a chuangna hrang Josefa sakor a hong itîrhai kha a hmu’n chu; Jakoba râi a hong fân pea: 28khanchu Israel khan, “Ki nâipa Josefa chu a dama la om ngêt a nih ti kin hriat suak zoi ta, khasikin ki thi mân ama hmu hrangin zu fe ta ki ti,” a tia.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Hrangkhol CL Bible - PATHIAN LEKHABU IRTHIANG
Copyright © 2008 by The Bible Society of India
Used by permission. All rights reserved worldwide.