THA 4
4
Pitar nei Jon go samtak katii katingmei doikii pang kakhii
1Sateichii Pitar nei Jon-nii mei moi dakii sam tamleibangpii, kanat kanhii kajum Atingmei, Saraa kamaning kilungto kadi kathang kapungmei ninado sadhumei teinii mpoupiinada gongle. 2Ahnyii tei hangkapii samousu takle kadaponii Tiilamlwi kapyiimei hangna teinii katai kito Jisu ringkhii taklesii mei- dakii ralipyiisii bamle, teitei piinii kataimei ai ringkhii tangle katu tei mangou takle. 3Teijangpii ahnyiinii mpoupiinago jum wosii kabang kikii kai aitakle, kadaponii tei tinglang tei tingkhii takle. 4Nlenii kabi rasam tei shiikalu meihang teinii malum wotakle sateichii mei tei moibuibuisii mei thang mangiikii kakum pat takle.
5Supounei tei Jehudimei ki apum katiimei, katingmei ninado ajaiting- shang kati ojamei hang gong Jero- salem kito ndwiwo takle. 6Sateichii kanat kanhii kajum Tingditupii Anas ninado Kaifas go Jon, Alekzendar sateichii kanat kanhii kajum Tingditupii ki kalungmei hangdo swi leile. 7Sateichii ahnyiinii mpou- piinago asumkii masatsanii n-nhiile, “Kadapei teimahampii mak-kii kadapei zei kito gonyiinii ai tiileipo?”
8Teitinglang kak Pitarnii rangii kamateipii tokryiisii ahnyii dakii tamle, “He mei aimeigo apum katii- mei ninado katingmeihang, 9neigo tingnei leimik, pi lung kama kasuimei hangninii phyiiryiikii kabi tiikapyii jangpii kadapeipiinii aipougo tii mbipyiiposii n-nhiileponii, 10gonyiihangnii ninado Isrelmeinah hangnii ai ai timatulo, katunii gonyiinii Krosh gamkii dhangsii gitoi kalei, Saraanii kataimei kak kito tiimaring kapyii Nazaret ki Jisu zei kito, katunii mpou paikito mei aipou ainii biwosii gonyii doito sat leile. 11Gonyii ki katiimeinii mazhii kasu kuitu tei hang kak kito roukatii ki kha mah kuitu tiiwo takle. 12Sa- teichii mei kaki hangninii dakado keikapyii karing tei gale, kadapokii nyiigo keipyii tang karam, meihang dakii pyiikabam sating kang aito zei kaki hangninii kado gale.”
13Teito ahnyiinii Pitar nei Jon mah lung kadi tei ngou wosek-kii, ninado larek tikasu meida meile katu tei tiwosek-kii, hangkapii sung ga- takle, sateichii mpoupiina ai Jisugo kaswisii kaleimeile katu tei ahnyiinii tigong takle. 14Sateichii ara kani kito bikalupii teinii ahnyiigo kaswisii kabam tei ngou wosanii, ahnyiinii teiphyiiryii teikii samah kado katampii gatakle. 15Nlenii ndwibam kiteito saba tatpat tolosii mwija pyiisii, ahnyiinii hangninanii hang- niniigo karashiisii tamle, 16“Aimei phyiiryiikii nyiinii kadapei tiitang- po? Kadapokii ahnyiinii kasamsang tha tiikamangou ai tiitakle, tei tei Jerosalem kito kaleimei hang dakii madupii mangou aitakle, sateichii teitei nyiinii mazhii kasu tiipei wolakde. 17Nlenii ai ai meihang dakii kisii tam kahi kasu tiisii ahnyiinii toisekpii meida kado zei aikito tam matu kasu tiisii nyiinii ahnyiigo tii kahuile.”
18Teito ahnyiinii mpoupiinago lat tosii, tamsangdo tam kasu, ralido ralipyii kasu tiisii ahnyiigo mwija pyiitakle. 19Nlenii Pitar nei Jon-nii ahnyiigo khekalatle, “Saraa go sung kisii gonyii sam kaswi ai Saraa mah mikjot kito matoupo gonyiinii samtak tiipyiilo. 20Kadapokii nyiinii ngou kalu ninado shiikalu tei tam- supei wolakle.” 21Sateichii meimoi jangteipii ahnyiinii mpoupiinago kada takumpii tiikamage tangpo katu samah kado tei gasii, mpoupiinago kisii kakahwi sam tamsanii mpat aitakle, kadapokii meihangnii pat kalei teijang teipii Saraago tam matoile. 22Kadapokii ai ra kani kito tii-mbi kapyii tiikamangou sapfii mpou tei tingkum rekdaisii kikii takle.
Pitar nei Jon-nii kangmeida nlai kagong
23Sateichii mpoupiinago mpatpyii sek-kii, mpoupiinanii ahnyii bemeida nlaigong sii, kanat kanhii kajum Tingdimei sateichii katingmeinii mpoupiina dakii katam sam hangtei tam takle. 24Teito ahnyiinii teitei shiiwo sek-kii lungswi hangninii tiisii Saraa dakii ahnyiinii rok sagoisii tamle, “He Bangpii, nangnii sating sazyii, dwijai ninado teilungto kaleihang go tiipyiile; 25rangii kamatei paito goki kaleipii nyii pfii Devit mwi kito nangnii tampyii takle,
‘Kada jangpii lui kakimeinii kaishyii leipo sateichii aimei nah ainii kakadak lungswi ai kadajangpiinii maning leipo?’
26Bangpii phyiiryiikii ninado mpoumah Krista phyiiryiikii sazyii pouryii mah sagong hangnii tusat takle ninado pum katiimei hangnii ndwi wotakle.’
27Kadapokii nangnii thao manuk kapyii goki kaleipii kamatei Jisu kaswisii Herotniido, Pontios Pai- latniido, 28nangnii gobahpii ninado goswipii adoito pat tang karam, reipii tiida kabam hangtei pat matutang karam jangpii, kasangpii namdi aikikii ahang go chyii ndwipyii takle. 29Aitoinii he Bangpii, ahnyiinii neigo tiikahui kalei ai juseilo, sateichii ara kanimeigo tii mbi matutang karam ninado goki kaleipii kamatei Jisumah zei paiki teito tiikamangou hang ninado kamadat kamadat tiiwo kabui, 30nangnii gobah hampatpyii kalei kak kii, hangkapii lung disii, gosam tam wokabui goki kaleimei dakii jumage pyiilo.”
31Sateichii ahnyiinii riita ka- leitai, ahnyiinii ndwisii kalei bamtei nlai takle sateichii ahnyiihang tei rangii kamateipii tokryiisanii, kahing gasii Sara sam tam mpat takle.
Kamalum meinii ahnyii mah kabam hangtei njai kachii
32Teito kamalum mei hangtei aswi alung hangninii tiisii bamle, sateichii ahnyii mei hangninii ka- niido mpou mpoumah amah kabam hangtei gumah roinale katu tei tam makle, nlenii ahnyiinii mah kabam hangtei meihang mah tiisii jumle. 33sateichii Jisu Kristanii ringkakhii mah akaang ki kalei teito teimah teimaham kadi tei kaswisii Tiilamlwi kapyiimeinii Bangpii Jisu ringkakhii mah sakchyii tiile; sateichii ahnyii meihangnii jumage kapyii kadi tei dou wole. 34Kadapokii ahnyii kak kito tang kalak mei kado gale, kadaponii sazyii mak-kii ki mei- hangnii teitei joitoisii, joikalu amah teimah tei poigongsii, 35Tiilamlwi kapyiimei dakii pyiitakle, sateichii mpou mpounii poikamajyii taiswisii meihang dakii jaipyii takle.
36Sateichii Kaipras kito lung kalei, Levitmah sadung, Tiilamlwi kapyiimeinii Barnabas sii zei lat kaleipii, (zei ai kadat mpatkii tii ka-nchokpii ziile.) 37Joseph mah alu hangninii bamle, mpounii teitei joitoisii, sana tei poigongsanii tiiilamlwi kapyiimei dakii pyiitakle.
Currently Selected:
THA 4: NAG2
Highlight
Share
Copy
Want to have your highlights saved across all your devices? Sign up or sign in
Maram Naga, KARANU KABI SAMTAM © Bible Society of India, 2007.
THA 4
4
Pitar nei Jon go samtak katii katingmei doikii pang kakhii
1Sateichii Pitar nei Jon-nii mei moi dakii sam tamleibangpii, kanat kanhii kajum Atingmei, Saraa kamaning kilungto kadi kathang kapungmei ninado sadhumei teinii mpoupiinada gongle. 2Ahnyii tei hangkapii samousu takle kadaponii Tiilamlwi kapyiimei hangna teinii katai kito Jisu ringkhii taklesii mei- dakii ralipyiisii bamle, teitei piinii kataimei ai ringkhii tangle katu tei mangou takle. 3Teijangpii ahnyiinii mpoupiinago jum wosii kabang kikii kai aitakle, kadaponii tei tinglang tei tingkhii takle. 4Nlenii kabi rasam tei shiikalu meihang teinii malum wotakle sateichii mei tei moibuibuisii mei thang mangiikii kakum pat takle.
5Supounei tei Jehudimei ki apum katiimei, katingmei ninado ajaiting- shang kati ojamei hang gong Jero- salem kito ndwiwo takle. 6Sateichii kanat kanhii kajum Tingditupii Anas ninado Kaifas go Jon, Alekzendar sateichii kanat kanhii kajum Tingditupii ki kalungmei hangdo swi leile. 7Sateichii ahnyiinii mpou- piinago asumkii masatsanii n-nhiile, “Kadapei teimahampii mak-kii kadapei zei kito gonyiinii ai tiileipo?”
8Teitinglang kak Pitarnii rangii kamateipii tokryiisii ahnyii dakii tamle, “He mei aimeigo apum katii- mei ninado katingmeihang, 9neigo tingnei leimik, pi lung kama kasuimei hangninii phyiiryiikii kabi tiikapyii jangpii kadapeipiinii aipougo tii mbipyiiposii n-nhiileponii, 10gonyiihangnii ninado Isrelmeinah hangnii ai ai timatulo, katunii gonyiinii Krosh gamkii dhangsii gitoi kalei, Saraanii kataimei kak kito tiimaring kapyii Nazaret ki Jisu zei kito, katunii mpou paikito mei aipou ainii biwosii gonyii doito sat leile. 11Gonyii ki katiimeinii mazhii kasu kuitu tei hang kak kito roukatii ki kha mah kuitu tiiwo takle. 12Sa- teichii mei kaki hangninii dakado keikapyii karing tei gale, kadapokii nyiigo keipyii tang karam, meihang dakii pyiikabam sating kang aito zei kaki hangninii kado gale.”
13Teito ahnyiinii Pitar nei Jon mah lung kadi tei ngou wosek-kii, ninado larek tikasu meida meile katu tei tiwosek-kii, hangkapii sung ga- takle, sateichii mpoupiina ai Jisugo kaswisii kaleimeile katu tei ahnyiinii tigong takle. 14Sateichii ara kani kito bikalupii teinii ahnyiigo kaswisii kabam tei ngou wosanii, ahnyiinii teiphyiiryii teikii samah kado katampii gatakle. 15Nlenii ndwibam kiteito saba tatpat tolosii mwija pyiisii, ahnyiinii hangninanii hang- niniigo karashiisii tamle, 16“Aimei phyiiryiikii nyiinii kadapei tiitang- po? Kadapokii ahnyiinii kasamsang tha tiikamangou ai tiitakle, tei tei Jerosalem kito kaleimei hang dakii madupii mangou aitakle, sateichii teitei nyiinii mazhii kasu tiipei wolakde. 17Nlenii ai ai meihang dakii kisii tam kahi kasu tiisii ahnyiinii toisekpii meida kado zei aikito tam matu kasu tiisii nyiinii ahnyiigo tii kahuile.”
18Teito ahnyiinii mpoupiinago lat tosii, tamsangdo tam kasu, ralido ralipyii kasu tiisii ahnyiigo mwija pyiitakle. 19Nlenii Pitar nei Jon-nii ahnyiigo khekalatle, “Saraa go sung kisii gonyii sam kaswi ai Saraa mah mikjot kito matoupo gonyiinii samtak tiipyiilo. 20Kadapokii nyiinii ngou kalu ninado shiikalu tei tam- supei wolakle.” 21Sateichii meimoi jangteipii ahnyiinii mpoupiinago kada takumpii tiikamage tangpo katu samah kado tei gasii, mpoupiinago kisii kakahwi sam tamsanii mpat aitakle, kadapokii meihangnii pat kalei teijang teipii Saraago tam matoile. 22Kadapokii ai ra kani kito tii-mbi kapyii tiikamangou sapfii mpou tei tingkum rekdaisii kikii takle.
Pitar nei Jon-nii kangmeida nlai kagong
23Sateichii mpoupiinago mpatpyii sek-kii, mpoupiinanii ahnyii bemeida nlaigong sii, kanat kanhii kajum Tingdimei sateichii katingmeinii mpoupiina dakii katam sam hangtei tam takle. 24Teito ahnyiinii teitei shiiwo sek-kii lungswi hangninii tiisii Saraa dakii ahnyiinii rok sagoisii tamle, “He Bangpii, nangnii sating sazyii, dwijai ninado teilungto kaleihang go tiipyiile; 25rangii kamatei paito goki kaleipii nyii pfii Devit mwi kito nangnii tampyii takle,
‘Kada jangpii lui kakimeinii kaishyii leipo sateichii aimei nah ainii kakadak lungswi ai kadajangpiinii maning leipo?’
26Bangpii phyiiryiikii ninado mpoumah Krista phyiiryiikii sazyii pouryii mah sagong hangnii tusat takle ninado pum katiimei hangnii ndwi wotakle.’
27Kadapokii nangnii thao manuk kapyii goki kaleipii kamatei Jisu kaswisii Herotniido, Pontios Pai- latniido, 28nangnii gobahpii ninado goswipii adoito pat tang karam, reipii tiida kabam hangtei pat matutang karam jangpii, kasangpii namdi aikikii ahang go chyii ndwipyii takle. 29Aitoinii he Bangpii, ahnyiinii neigo tiikahui kalei ai juseilo, sateichii ara kanimeigo tii mbi matutang karam ninado goki kaleipii kamatei Jisumah zei paiki teito tiikamangou hang ninado kamadat kamadat tiiwo kabui, 30nangnii gobah hampatpyii kalei kak kii, hangkapii lung disii, gosam tam wokabui goki kaleimei dakii jumage pyiilo.”
31Sateichii ahnyiinii riita ka- leitai, ahnyiinii ndwisii kalei bamtei nlai takle sateichii ahnyiihang tei rangii kamateipii tokryiisanii, kahing gasii Sara sam tam mpat takle.
Kamalum meinii ahnyii mah kabam hangtei njai kachii
32Teito kamalum mei hangtei aswi alung hangninii tiisii bamle, sateichii ahnyii mei hangninii ka- niido mpou mpoumah amah kabam hangtei gumah roinale katu tei tam makle, nlenii ahnyiinii mah kabam hangtei meihang mah tiisii jumle. 33sateichii Jisu Kristanii ringkakhii mah akaang ki kalei teito teimah teimaham kadi tei kaswisii Tiilamlwi kapyiimeinii Bangpii Jisu ringkakhii mah sakchyii tiile; sateichii ahnyii meihangnii jumage kapyii kadi tei dou wole. 34Kadapokii ahnyii kak kito tang kalak mei kado gale, kadaponii sazyii mak-kii ki mei- hangnii teitei joitoisii, joikalu amah teimah tei poigongsii, 35Tiilamlwi kapyiimei dakii pyiitakle, sateichii mpou mpounii poikamajyii taiswisii meihang dakii jaipyii takle.
36Sateichii Kaipras kito lung kalei, Levitmah sadung, Tiilamlwi kapyiimeinii Barnabas sii zei lat kaleipii, (zei ai kadat mpatkii tii ka-nchokpii ziile.) 37Joseph mah alu hangninii bamle, mpounii teitei joitoisii, sana tei poigongsanii tiiilamlwi kapyiimei dakii pyiitakle.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Maram Naga, KARANU KABI SAMTAM © Bible Society of India, 2007.