METIU 11
11
Jon dwi mpum kapyiipii dato sampao kapungmei kagong
(Luk 7.18-35)
1Sateichii Jisunii mpou boumei keariisiinakhii dateikii ralisang sek-kii, ahnyii mah namdi hang kiteito ralipyii ninado tam ralipyii tang karam jangpii Mpounii teibam kiteito tatpat takle. 2Sateichii Jon-nii kabang kilung teito Krista mah tha hangtei shii wosek-kii, mpou boumeigo lang magongsii Jisu dato n-nhii matule. 3Gongtang karam tei nang manii kaki hangniniigo nyiinii koitangpo?
4Jisunii ahnyii dakii khekalatle, gonyiinii kangou ninado kashii hangtei maasii Jon dakii tampyiilo: 5Mik kachet meinii ngou takle, pi katwimeinii tatlei takle, mpara tchii- sii kaleimei hangnii matei wotakle, khoi kapangmeinii shii wotakle, kataigo tiimaring wotakle, sateichii mah kagamei dakii kabi rasam ai tam ralipyii takle.
6Sateichii gumah kaang kito maning kariirhii kasu mei tei sadoi bile.
7Jon boumei teinii tat-tu sek-kii, Jisunii Jon mah kaang kito meimoi dateikii tamtu takle: “Gonyiinii mahpwizyiiki tat kapat kak tei, gonyiinii kadapei julesii maapo? Tingkainii gwi nlai kalei ting hiinhii gopo? 8Sateichii gonyiinii kadapei ngoutang karam jangpii maapo? Peimani kabi kabamei hangninii gopo? julo, tei katii ngoukabi natkai kai kaleimei sateichii kasamou tiilung lungsii kaleimei teinii, sagongmeinii kabam ki nito leile. 9Teitiileponii gonyiinii kadapei julesii maapo? Lungkakalingmei hangninii gopo? Nle Inii gonyii dakii tam leile, Lungkakalingmei hangninii sungdo kile; 10Ai ai Mpou teile, mpou mah kaang kito ryiibamle, ‘Julo, Inii gu sam kapungmei godoikii lang m-mangle; mpounii godoi reisii go pwidi tiikadapyii tangle.’ 11Inii gonyii dakii tam leile, Sapwimeinii lung kalu hang kak kito Jon dwi mpum kapyiipii sung dikaki mei kado pat makle; nlenii Saraa mah sating sazyii kito kacheng cheng- sangpii teinii Mpou sung dibuile. 12Sateichii Jon dwi mpum kapyiipii mah tinglang sekto tingnei katang sating gam sazyii ai ngoukahing tiisii saryii tiisii leile sateichii saryii tiisii kalei mei teinii teitei jumtang karam jangpii pumtei tiisii leile. 13Kadapokii Lungkakalingmei hang ninado ajaitingshang teinii Jon mah tinglang katang tei reipii saa mpatpyii takle. 14Sateichii gonyiinii lukainyiisii leileponii, gongtang karam Ilaijah tei Mpoule. 15Shiitang karam jangpii khoi pung kalei mei hangnii shii matulo.
16“Sateichii aiha aigo Inii kadapeigo poi ka-nda tang po? Ainii aikakum nahmei takumle, ahnyii teinii saliki kajangto bamsii ahnyiigo kaswisii nhok kalei meigo latsii tamle; 17‘teiteinii nyiinii gonyii jangpii myii kapang lhii tiile, nlenii gonyiinii takoi tiimakle; nyiinii katai tiikagoi lhii tiile, nlenii gonyiinii hatmakle!’ 18Kadapokii Jon-nii chiisupii sak supii gongle sateichii ahnyiinii mpougo sara kashyii kaswi leilesii tamle. 19Meinah sapfii mpou teinii chiisii saksii gongle, sateichii ‘Julo, apokrai kadi ninado Jou kasakpii, aha kahamei ninado kem kama katiimei mah kangpiilesii ahnyiinii tamle,’ Teitii kido Saraa mah swirek aigo Ah mah tha hangteipii kasangle katu mangou pyiitakle.”
Malum kasu namdi hang
(Luk 10.13-15)
20Jisunii mpoumah sung kaga tha kamoilam tiikamangou namdi hang kito lungkalei mei hang go n-gitu takle, kadapodinchii ahnyiinii lungkali makle. 21Kadaziikapiinii kamage tangpo! He Korasin, kadaziikapiinii kamage tangpo! He Bethsaida, kadapokii gonyii dakii tiikabam sung kaga tha hangtei Tair ninado Sidon dakii tiileponii, ndou kato lhiipei basii sateichii rabiit manuksii lung kali lei tang takle. 22Inii gonyii dakii tam leile, samtak katiipiinei leimik gonyii go sungnii Tair ninado Sidon go lungset kati tei kisii mangou tangle! 23Sateichii nang, Kaiparnam! Nang sating gam katang poi sagoi matunyii leipo? N-go mibam kikii toi m-mang tangle; kadapokii goda tiikamangou sung kaga tha hangtei Sodom dakii tiimangou leponii, tingnei katangpii Sodom tei ringsii leilei tangle! 24Nlenii Inii gonyii dakii tam leile, Samtak katii piinei leimik n-go sungnii Sodom go Saraanii lungset kati tei kisii mangou tangle.
Guda gonglo ninado ntaklo
(Luk 10.21-22)
25Teitinglangki Jisunii saa mpatle, “Sating ninado Sazyii mah Bangpii, gu pfii, Inii n-go halangle; dapochiinii nangnii aihang aigo kasakai ninado katimei dato poikabei bamsanii nahmei kachengmei hang dakii mangoupyii takle. 26Nle, gu Pfii, Kadapochiinii aipiinii go mikjot kito kasaat teile.
27“Mahlyiihang gu pfiinii gudakii pyiibam takle; sateichii pfii tei supiinii Nah sapfii mpou gotei mei kaniido timakle, sateichii nah sapfii mpou tei supiinii Pfii gotei mei kaniido timakle sateichii Nah Sapfii mpou teinii kata hangninii dakii mpougo mati mangou tang karam jangpii kalai wokalu teisupii, mei kaniido Pfiigo timakle.
28“Kamagemei ninado pot ka- maswi pungsii kalei mei hang guda gonglo, Inii gonyiigo ka-ntak pyiitangle. 29Gonyii gamkii gumah twom-pot tei kai wolo, sateichii gudato rali wolo; kadapokii Inii lung manoile ninado lung sanale; sateichii gonyiinii gonyii mah rakot jangpii ka-ntak tei doutangle. 30Kadapokii gumah twom-potnii malahle sateichii gumah pot kamaswi teinii matangle.”
Currently Selected:
METIU 11: NAG2
Highlight
Share
Copy
Want to have your highlights saved across all your devices? Sign up or sign in
Maram Naga, KARANU KABI SAMTAM © Bible Society of India, 2007.
METIU 11
11
Jon dwi mpum kapyiipii dato sampao kapungmei kagong
(Luk 7.18-35)
1Sateichii Jisunii mpou boumei keariisiinakhii dateikii ralisang sek-kii, ahnyii mah namdi hang kiteito ralipyii ninado tam ralipyii tang karam jangpii Mpounii teibam kiteito tatpat takle. 2Sateichii Jon-nii kabang kilung teito Krista mah tha hangtei shii wosek-kii, mpou boumeigo lang magongsii Jisu dato n-nhii matule. 3Gongtang karam tei nang manii kaki hangniniigo nyiinii koitangpo?
4Jisunii ahnyii dakii khekalatle, gonyiinii kangou ninado kashii hangtei maasii Jon dakii tampyiilo: 5Mik kachet meinii ngou takle, pi katwimeinii tatlei takle, mpara tchii- sii kaleimei hangnii matei wotakle, khoi kapangmeinii shii wotakle, kataigo tiimaring wotakle, sateichii mah kagamei dakii kabi rasam ai tam ralipyii takle.
6Sateichii gumah kaang kito maning kariirhii kasu mei tei sadoi bile.
7Jon boumei teinii tat-tu sek-kii, Jisunii Jon mah kaang kito meimoi dateikii tamtu takle: “Gonyiinii mahpwizyiiki tat kapat kak tei, gonyiinii kadapei julesii maapo? Tingkainii gwi nlai kalei ting hiinhii gopo? 8Sateichii gonyiinii kadapei ngoutang karam jangpii maapo? Peimani kabi kabamei hangninii gopo? julo, tei katii ngoukabi natkai kai kaleimei sateichii kasamou tiilung lungsii kaleimei teinii, sagongmeinii kabam ki nito leile. 9Teitiileponii gonyiinii kadapei julesii maapo? Lungkakalingmei hangninii gopo? Nle Inii gonyii dakii tam leile, Lungkakalingmei hangninii sungdo kile; 10Ai ai Mpou teile, mpou mah kaang kito ryiibamle, ‘Julo, Inii gu sam kapungmei godoikii lang m-mangle; mpounii godoi reisii go pwidi tiikadapyii tangle.’ 11Inii gonyii dakii tam leile, Sapwimeinii lung kalu hang kak kito Jon dwi mpum kapyiipii sung dikaki mei kado pat makle; nlenii Saraa mah sating sazyii kito kacheng cheng- sangpii teinii Mpou sung dibuile. 12Sateichii Jon dwi mpum kapyiipii mah tinglang sekto tingnei katang sating gam sazyii ai ngoukahing tiisii saryii tiisii leile sateichii saryii tiisii kalei mei teinii teitei jumtang karam jangpii pumtei tiisii leile. 13Kadapokii Lungkakalingmei hang ninado ajaitingshang teinii Jon mah tinglang katang tei reipii saa mpatpyii takle. 14Sateichii gonyiinii lukainyiisii leileponii, gongtang karam Ilaijah tei Mpoule. 15Shiitang karam jangpii khoi pung kalei mei hangnii shii matulo.
16“Sateichii aiha aigo Inii kadapeigo poi ka-nda tang po? Ainii aikakum nahmei takumle, ahnyii teinii saliki kajangto bamsii ahnyiigo kaswisii nhok kalei meigo latsii tamle; 17‘teiteinii nyiinii gonyii jangpii myii kapang lhii tiile, nlenii gonyiinii takoi tiimakle; nyiinii katai tiikagoi lhii tiile, nlenii gonyiinii hatmakle!’ 18Kadapokii Jon-nii chiisupii sak supii gongle sateichii ahnyiinii mpougo sara kashyii kaswi leilesii tamle. 19Meinah sapfii mpou teinii chiisii saksii gongle, sateichii ‘Julo, apokrai kadi ninado Jou kasakpii, aha kahamei ninado kem kama katiimei mah kangpiilesii ahnyiinii tamle,’ Teitii kido Saraa mah swirek aigo Ah mah tha hangteipii kasangle katu mangou pyiitakle.”
Malum kasu namdi hang
(Luk 10.13-15)
20Jisunii mpoumah sung kaga tha kamoilam tiikamangou namdi hang kito lungkalei mei hang go n-gitu takle, kadapodinchii ahnyiinii lungkali makle. 21Kadaziikapiinii kamage tangpo! He Korasin, kadaziikapiinii kamage tangpo! He Bethsaida, kadapokii gonyii dakii tiikabam sung kaga tha hangtei Tair ninado Sidon dakii tiileponii, ndou kato lhiipei basii sateichii rabiit manuksii lung kali lei tang takle. 22Inii gonyii dakii tam leile, samtak katiipiinei leimik gonyii go sungnii Tair ninado Sidon go lungset kati tei kisii mangou tangle! 23Sateichii nang, Kaiparnam! Nang sating gam katang poi sagoi matunyii leipo? N-go mibam kikii toi m-mang tangle; kadapokii goda tiikamangou sung kaga tha hangtei Sodom dakii tiimangou leponii, tingnei katangpii Sodom tei ringsii leilei tangle! 24Nlenii Inii gonyii dakii tam leile, Samtak katii piinei leimik n-go sungnii Sodom go Saraanii lungset kati tei kisii mangou tangle.
Guda gonglo ninado ntaklo
(Luk 10.21-22)
25Teitinglangki Jisunii saa mpatle, “Sating ninado Sazyii mah Bangpii, gu pfii, Inii n-go halangle; dapochiinii nangnii aihang aigo kasakai ninado katimei dato poikabei bamsanii nahmei kachengmei hang dakii mangoupyii takle. 26Nle, gu Pfii, Kadapochiinii aipiinii go mikjot kito kasaat teile.
27“Mahlyiihang gu pfiinii gudakii pyiibam takle; sateichii pfii tei supiinii Nah sapfii mpou gotei mei kaniido timakle, sateichii nah sapfii mpou tei supiinii Pfii gotei mei kaniido timakle sateichii Nah Sapfii mpou teinii kata hangninii dakii mpougo mati mangou tang karam jangpii kalai wokalu teisupii, mei kaniido Pfiigo timakle.
28“Kamagemei ninado pot ka- maswi pungsii kalei mei hang guda gonglo, Inii gonyiigo ka-ntak pyiitangle. 29Gonyii gamkii gumah twom-pot tei kai wolo, sateichii gudato rali wolo; kadapokii Inii lung manoile ninado lung sanale; sateichii gonyiinii gonyii mah rakot jangpii ka-ntak tei doutangle. 30Kadapokii gumah twom-potnii malahle sateichii gumah pot kamaswi teinii matangle.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Maram Naga, KARANU KABI SAMTAM © Bible Society of India, 2007.