DOWLLO 10
10
Pitor leh Kornelia
1Kaisaria thung ngi Italia rawlmii berksu mmiing Kornelia mdodit miilai khat amda. 2Mma ava mphungka mkheng tu kilṭhi ngi plung klut ungu Isowr kṭi mii rek hinni chang tlaak ktaakki kpurdon pik, ungta Isowr hin kdet liit kma kṭhil cha miilai khat. 3Kunthunki ṭhang tku arveelli mik kleng khatti Isowr Waan tamsii ngi arjungda mhin theda, “Kornelia!” 4Ungta mma ngi suw rimda, ungu kpiir ri theda, “Talu da Mukpu?” Ungbi Mma ngi mhin theda, “Nah doṭhil chaak leh chang tlaak ktaak liitti ado purdon ava Isowr hintha mdo bin phaak nangi kthlung nga. 5Ungta tunva Joppa tha Pitor mdodit Simon kṭhira mii asiilam. 6Mma ava Simon mdodit saavun kukhok hin kipriik daatta, mi inn na truwn biing ngi ka am.” 7Mma hin pau kthe Waan tamsii msun dok thungta, mma sra owr rek miilai knii ungu rawlmii rek arlakki miilai khat ownda, 8ungta parseel jik lam thida, Joppa tha mma ngi sii lamda.
9Mupduk nii ngi mmaanni hanto kchet slii ngi, khuwpii mnai in mpha thu, Pitor ra ṭhang truk arveelli kṭhil chra inn tun tha hangkal da. 10Ungu mpoi thamda, ungta do khatta chaa nuwm chda; pdainu mmaanni von mvai slii arlaan ni mik kleng khat ti, 11parwaan kparvangda, dultipaam markil plii thung ngi buwklinpa hep daat mdo arjuk ptlaak mma ngi deida. 12Mthung thang ngi msik msik saa mkheng leh muplung ngi kunkhow khauṭit khaujaar ungu kjuwng puwa rek amda. 13Ungta mhin krowl khat thlengda, “Kardel, Pitor; a eayoura achaa.” 14Pdainu Pitor ri theda, “Eme, Mukpu; mleija kbuwr mata kartleu kma do khat lee cha kchok maang.” 15Ungta krowl ava mvei kniitna ngi mhin thleng nowlda, “Isowr dopartleu dok ava nang ngi kbuwr pi adodit ro nime.” 16Hava vei kdum chak thung ngi thuwkda, ungta do ava parwaan tha arju ṭen dok tengda.
17Tunva Pitor ri mik kleng mdodee ava talu mlei da kdingi muplung thu mpurdun slii arlaanni, asuwn, Kornelia dohaisii miirekki Simon inn thlaam lamda, paltong bengi rip daat lamda 18ungta Pitor mdo dit Simon kipriik mo kdingi ownda khewl lamda. 19Ungta Pitor ri mik kleng mpurdun slii arlaanni, pthla ngi mhin theda, “Asuw, miilai kdum rekki at thlaamma. 20Ungta kardelra jungṭum, kṭoi nuwm kmalua tloma; mleiija Nei kdosii lam.” 21Ungta Pitor ri jung ṭumda, ungu miirek hin theda, “Naan dosut thlaam ma neiping; talu leiji kthleng in ptida?” 22Ungta mmaanni theda, “Rawlmii rek berksu Kornelia ava rinkindit ungu Isowr kṭi miilai khat, Jihudia chati rek mkheng ngi kunton dokki mpau naan miilai khat, mma inn thang ngi ado kṭhi nraan, ungu nang ngi mhin ado thera ava karyaa chra, kchiir Waan tamsii khat dothe pik dil kṭoiji kthleng kchaan ping.” 23Ava leiji mmal rek rang ngi mma ngi own chlam da.
Mupduk nii ngi mma ngi ripda ungu mdil in ṭoida, ungta Joppa ki mu u mnao rek angṭhe tu kilṭhida. 24Ungta adai nii ngi Kaisaria lut lamda. Kornelia va mphungka kthuwk rek leh mplap rek own purkukda mmaan arngai chlamda. 25Pitor ri mlu thungta, Kornelia va ardada ungta mkhu therri kuwnda mma luwbuk da. 26Pdainu Pitor ri tipripda theda, “Hangrip; nei rukka mii ping.” 27Ungta mma tu pau saamda vanglutda, ungu mii knempok kthuwk kurkuk pha da. 28Ungbi mma ngi mhin inni theda, “Jihudia khat kurthuwk ki ktlok chati tu kurchuwm mdit mata ka amve ava Nowlam mi mdorot ma naan adak kat inni adodee in; pdainu neiji ku mii khat lee ava kbuwr mata kartleu kma kdo dit rang pme dida Isowr ri mtidet chda. 29Ava leiji nei atu own in mpha thu do khat lee kthe pkhaan kma kthleng kcha ping; talu leiji ado to own chaak inda dinu akikhewl chaak inna.”
30Ungta Kornelia ngi theda, “Nii plii dungi ṭhang hava thu neiji ki inn thung ngi ṭhang tku ki kṭhil cha tlonu; ungu asuw, kpowl dang miilai khatti kmaiṭhuwmmi ripda, 31theda, ‘Kornelia, ado ṭhil chaakka aryaak pikda, ungu changtlaak ktaakki ado purdon ava Isowr maiṭhuwmmi mbin phaakka. 32Ava ngi mlei kurthuwkda, Joppa tha Pitor mdo dit Simon hin mii asii; mma truwn biing ngi Simon mdo dit saavun kokhowk inn tha kipriik daatta.’ 33Ava leiji nah hin ku knotti kdo haisii chaak lam kurthuwk, ungu nah awonsat ti ado tithlen pik chaak in kurthuwkka. Ava ngi mlei kurthuwkda tunva, Mukpu ngi nah hin pau mdoreen mkheng karyaa chra, neen kikheng inni Isowr dosut na thung ngi ka am kchaan ping.”
Pitor Doparyaam
34Ungta Pitor ri mner pvangda ungu theda: “Kinditti, neiji kdea, ditta Isowr va ksanksui tlome. 35Pdainu chati khim khai thung ngi Mma kṭi miirek ungu kindit ktlo Mma ngi mdo rot kurthuwk. 36Mma ngi Isreel hin pauna mdosi ava naanni adee in, (Mma ava mkhengki Mukpu) ditta Jisu Khrista ngi kdaaiki kṭha paumin paryaamda. 37Johon ni baptis ktlo ki paumin mparyaam diltha, Galil ki pṭhunda Judia paam mkheng thu pauna ava paryaamda: 38Nasareth ki Jisua Isowr ri thao pbulda; Mma ngi tlowngda kṭha nong tloda ungu tarnam do owr mii mkheng nga tak heppi mapdam pik, mleija Isowr ri mdo kurthlo ṭhi kurthuwk. 39Ungta neenna Jihudia rek khuwpaam leh Jerusalem thung ngi Mma dotlot mkheng avaki sakhi in ping. Mma ava dingleen pthoi lamda mmaanni eayou lamda. 40Pdainu mnii kdumna nitti Isowr ri pring pinleda pandang da, 41Mii mkheng hin pme pdainu Isowr do kchol dok neenni sakhi kdo hur pik in, Mma ngi kdiyou thungki mrin kinlet diltha, mdo chaak mdo neek ṭhi neen kihin kurthuwk. 42Ungta mii rek hinni paumin kparyaamra, ungu ksing leh kdiyou kekṭewl ra, Isowr dopurthuw dok ava sakhi kpiira neen kihin pau mreen pik inda. 43Mma hinni khulpu rek mkheng ngi sakhi piida, ditta Mma krin kcha mii pum ktaija Mma miing ngi pnu rek kuptlot pik marlaan chaak inna.”
Ktlok Chati rekki Pthla Kchiir mdo Arlaan
44Pitor ri hava mthe slii arlaanni, pthla kchiir ava mii mkheng tunni arjungda. 45Ungta Pitor doṭhi krin cha miirek vunmor kreen rekka ngak chlamda, mleija ktlok chati rek tun rukva pthla kchiir ki chla ava ptlon pikda. 46Mleija mmaanni msik msik pauvi pau lamda ungu Isowr mdo panpaak chaak in aryaa lamda. Ava dilli Pitor ri thethuwda, 47“Nentu kinṭimmi pthla kchiir karlaang cha mmaan ni baptis mdolo chaak nraan dii kthlot ku mii khat ka am ngaal in pti mo?” 48Ungta Jisu Khrista miing ngi baptis mdotlot nraan mma ngi pau pṭumda. Ava dilli mma ngi mado kcheen ṭhi bong nrangki ktham chlamda.
Currently Selected:
DOWLLO 10: LAMKBSI
Highlight
Share
Copy
Want to have your highlights saved across all your devices? Sign up or sign in
Lamkang NT with PSA and PRO - REN PAURIINA
Copyright © Bible Society of India, 2002.
Used by permission. All rights reserved worldwide.
DOWLLO 10
10
Pitor leh Kornelia
1Kaisaria thung ngi Italia rawlmii berksu mmiing Kornelia mdodit miilai khat amda. 2Mma ava mphungka mkheng tu kilṭhi ngi plung klut ungu Isowr kṭi mii rek hinni chang tlaak ktaakki kpurdon pik, ungta Isowr hin kdet liit kma kṭhil cha miilai khat. 3Kunthunki ṭhang tku arveelli mik kleng khatti Isowr Waan tamsii ngi arjungda mhin theda, “Kornelia!” 4Ungta mma ngi suw rimda, ungu kpiir ri theda, “Talu da Mukpu?” Ungbi Mma ngi mhin theda, “Nah doṭhil chaak leh chang tlaak ktaak liitti ado purdon ava Isowr hintha mdo bin phaak nangi kthlung nga. 5Ungta tunva Joppa tha Pitor mdodit Simon kṭhira mii asiilam. 6Mma ava Simon mdodit saavun kukhok hin kipriik daatta, mi inn na truwn biing ngi ka am.” 7Mma hin pau kthe Waan tamsii msun dok thungta, mma sra owr rek miilai knii ungu rawlmii rek arlakki miilai khat ownda, 8ungta parseel jik lam thida, Joppa tha mma ngi sii lamda.
9Mupduk nii ngi mmaanni hanto kchet slii ngi, khuwpii mnai in mpha thu, Pitor ra ṭhang truk arveelli kṭhil chra inn tun tha hangkal da. 10Ungu mpoi thamda, ungta do khatta chaa nuwm chda; pdainu mmaanni von mvai slii arlaan ni mik kleng khat ti, 11parwaan kparvangda, dultipaam markil plii thung ngi buwklinpa hep daat mdo arjuk ptlaak mma ngi deida. 12Mthung thang ngi msik msik saa mkheng leh muplung ngi kunkhow khauṭit khaujaar ungu kjuwng puwa rek amda. 13Ungta mhin krowl khat thlengda, “Kardel, Pitor; a eayoura achaa.” 14Pdainu Pitor ri theda, “Eme, Mukpu; mleija kbuwr mata kartleu kma do khat lee cha kchok maang.” 15Ungta krowl ava mvei kniitna ngi mhin thleng nowlda, “Isowr dopartleu dok ava nang ngi kbuwr pi adodit ro nime.” 16Hava vei kdum chak thung ngi thuwkda, ungta do ava parwaan tha arju ṭen dok tengda.
17Tunva Pitor ri mik kleng mdodee ava talu mlei da kdingi muplung thu mpurdun slii arlaanni, asuwn, Kornelia dohaisii miirekki Simon inn thlaam lamda, paltong bengi rip daat lamda 18ungta Pitor mdo dit Simon kipriik mo kdingi ownda khewl lamda. 19Ungta Pitor ri mik kleng mpurdun slii arlaanni, pthla ngi mhin theda, “Asuw, miilai kdum rekki at thlaamma. 20Ungta kardelra jungṭum, kṭoi nuwm kmalua tloma; mleiija Nei kdosii lam.” 21Ungta Pitor ri jung ṭumda, ungu miirek hin theda, “Naan dosut thlaam ma neiping; talu leiji kthleng in ptida?” 22Ungta mmaanni theda, “Rawlmii rek berksu Kornelia ava rinkindit ungu Isowr kṭi miilai khat, Jihudia chati rek mkheng ngi kunton dokki mpau naan miilai khat, mma inn thang ngi ado kṭhi nraan, ungu nang ngi mhin ado thera ava karyaa chra, kchiir Waan tamsii khat dothe pik dil kṭoiji kthleng kchaan ping.” 23Ava leiji mmal rek rang ngi mma ngi own chlam da.
Mupduk nii ngi mma ngi ripda ungu mdil in ṭoida, ungta Joppa ki mu u mnao rek angṭhe tu kilṭhida. 24Ungta adai nii ngi Kaisaria lut lamda. Kornelia va mphungka kthuwk rek leh mplap rek own purkukda mmaan arngai chlamda. 25Pitor ri mlu thungta, Kornelia va ardada ungta mkhu therri kuwnda mma luwbuk da. 26Pdainu Pitor ri tipripda theda, “Hangrip; nei rukka mii ping.” 27Ungta mma tu pau saamda vanglutda, ungu mii knempok kthuwk kurkuk pha da. 28Ungbi mma ngi mhin inni theda, “Jihudia khat kurthuwk ki ktlok chati tu kurchuwm mdit mata ka amve ava Nowlam mi mdorot ma naan adak kat inni adodee in; pdainu neiji ku mii khat lee ava kbuwr mata kartleu kma kdo dit rang pme dida Isowr ri mtidet chda. 29Ava leiji nei atu own in mpha thu do khat lee kthe pkhaan kma kthleng kcha ping; talu leiji ado to own chaak inda dinu akikhewl chaak inna.”
30Ungta Kornelia ngi theda, “Nii plii dungi ṭhang hava thu neiji ki inn thung ngi ṭhang tku ki kṭhil cha tlonu; ungu asuw, kpowl dang miilai khatti kmaiṭhuwmmi ripda, 31theda, ‘Kornelia, ado ṭhil chaakka aryaak pikda, ungu changtlaak ktaakki ado purdon ava Isowr maiṭhuwmmi mbin phaakka. 32Ava ngi mlei kurthuwkda, Joppa tha Pitor mdo dit Simon hin mii asii; mma truwn biing ngi Simon mdo dit saavun kokhowk inn tha kipriik daatta.’ 33Ava leiji nah hin ku knotti kdo haisii chaak lam kurthuwk, ungu nah awonsat ti ado tithlen pik chaak in kurthuwkka. Ava ngi mlei kurthuwkda tunva, Mukpu ngi nah hin pau mdoreen mkheng karyaa chra, neen kikheng inni Isowr dosut na thung ngi ka am kchaan ping.”
Pitor Doparyaam
34Ungta Pitor ri mner pvangda ungu theda: “Kinditti, neiji kdea, ditta Isowr va ksanksui tlome. 35Pdainu chati khim khai thung ngi Mma kṭi miirek ungu kindit ktlo Mma ngi mdo rot kurthuwk. 36Mma ngi Isreel hin pauna mdosi ava naanni adee in, (Mma ava mkhengki Mukpu) ditta Jisu Khrista ngi kdaaiki kṭha paumin paryaamda. 37Johon ni baptis ktlo ki paumin mparyaam diltha, Galil ki pṭhunda Judia paam mkheng thu pauna ava paryaamda: 38Nasareth ki Jisua Isowr ri thao pbulda; Mma ngi tlowngda kṭha nong tloda ungu tarnam do owr mii mkheng nga tak heppi mapdam pik, mleija Isowr ri mdo kurthlo ṭhi kurthuwk. 39Ungta neenna Jihudia rek khuwpaam leh Jerusalem thung ngi Mma dotlot mkheng avaki sakhi in ping. Mma ava dingleen pthoi lamda mmaanni eayou lamda. 40Pdainu mnii kdumna nitti Isowr ri pring pinleda pandang da, 41Mii mkheng hin pme pdainu Isowr do kchol dok neenni sakhi kdo hur pik in, Mma ngi kdiyou thungki mrin kinlet diltha, mdo chaak mdo neek ṭhi neen kihin kurthuwk. 42Ungta mii rek hinni paumin kparyaamra, ungu ksing leh kdiyou kekṭewl ra, Isowr dopurthuw dok ava sakhi kpiira neen kihin pau mreen pik inda. 43Mma hinni khulpu rek mkheng ngi sakhi piida, ditta Mma krin kcha mii pum ktaija Mma miing ngi pnu rek kuptlot pik marlaan chaak inna.”
Ktlok Chati rekki Pthla Kchiir mdo Arlaan
44Pitor ri hava mthe slii arlaanni, pthla kchiir ava mii mkheng tunni arjungda. 45Ungta Pitor doṭhi krin cha miirek vunmor kreen rekka ngak chlamda, mleija ktlok chati rek tun rukva pthla kchiir ki chla ava ptlon pikda. 46Mleija mmaanni msik msik pauvi pau lamda ungu Isowr mdo panpaak chaak in aryaa lamda. Ava dilli Pitor ri thethuwda, 47“Nentu kinṭimmi pthla kchiir karlaang cha mmaan ni baptis mdolo chaak nraan dii kthlot ku mii khat ka am ngaal in pti mo?” 48Ungta Jisu Khrista miing ngi baptis mdotlot nraan mma ngi pau pṭumda. Ava dilli mma ngi mado kcheen ṭhi bong nrangki ktham chlamda.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lamkang NT with PSA and PRO - REN PAURIINA
Copyright © Bible Society of India, 2002.
Used by permission. All rights reserved worldwide.