DOWLLO 17
17
Thessalonikia Thu
1Tunva mmaanni Amphipolis leh Apolonia klaan lamda Jihudia synagog khat amna Thessalonikia tha arvang lamda. 2Ungta Poul li mma nopa ngi lutda, hapta kdum chak thung ngi laaika thungki karteen psukki, 3the pjiir pik lamda, mleija Khrista ngi kja kakham mparteel diltha kdiyou thungki mrin kinlet kat ra, ungu theda, “Neiji naan hinni kdo paryaam Jisu ava Khrista hava,” dida. 4Ungta mii angṭhe ngi plungren hurda Poul leh Silas ṭoida; ava lulu ngi plung klut Grik miirek knempok leh kinreel snu rek maknem rukva anto tloda. 5Pdainu Jihudia rekki kheithe nlamda, ungta kṭha kma doksi kmarek knempok purkuk lamda, khuwpii thu vawnglum t,lur lamda, ungu Joson inn duwl lamda, mmaanna miirek hin duwn mdo pthuw nraan thlaam lamda. 6Ungta mmaanni mphaak maan thungta Joson leh mu u mnaorek angṭhea khuwpii ki rutan kthloi rek maiṭhuwm mi ṭen pthuwk lamda, owng lamda, “Dultipaam kpurlup kparthel miirekka hava thang rukva kthleng lamma. 7Ungta mmaanna Joson ni kowl lamda, ditta Jisu tdit ktlok Kruwng ka am dilamda, mmaan mkheng ngi Keisar paudon tunni mraal kpii ki nong tlo lamda.” 8Ungta miirek leh khuwpii ki rutan kthloi rekka hava maryaak in thungta mning in mulda. 9Ungta Jason leh mmiiṭhi rekka summi parthleng lamda, mmaanni psun lamda.
Beria Thu
10Mu u mnao rekki Poul leh Silas ava kuknotti Beria tha jaanni siidok lamda; ungta mmaanni mthlun in thungta, Jihudiarek synagog thung ngi lut lamda. 11Tunva hava Jihudia miirek ava Thessalonikia ki miirek hinva plung kuprol kurthuwkda, mleija pauna ava kdung ngi arngai chlamda, hava lea antomo kdingi mnii ktaiji laaika tu suwpurtol lamda. 12Ava ngi mlei kurthuwkda, mii knempok takjat kirvei Grik snurek leh pselrek tu kilṭhi ngi rin chlamda. 13Pdainu Thessalonikia ki Jihudia rekki Beria thung rukva Poul li Isowr pauna mparyaamma tdit mdee in thungta, ava thang rukva thleng lamda miiluwngpa ksinchaak ki ksop lamda. 14Ava dilli mu u mnaorek ki Poul la kuknotti truwn lamtha siidok lamda, pdainu Silas leh Timothi ava thang ngi ktaang daat lamda. 15Poul kda kcha rekva Athenia kpha lamkla ngi da chlamda, ungta mrot khim khai thu Silas leh Timothia ngi kbeiji mma mdo phaak nraanki paureenda, mmaan ava sunlamda.
Athenia Thu
16Tunva Poul li Athenia thu mmaan karda slii ngi, khuwpii thungki khut dosak pthlarek deida kdung ngi muplung purda. 17Ava leiji mma ngi synagog thung ngi Jihudia miirek leh plung klut rek tu karteen nlamda, ungta bajaar mun thung rukva mmangi mdo kurdut ṭhi thok hin karbiik ṭhira mnii ktaaiji chetda. 18Kinreelli kurchuk Epikuria leh Stonikia mii angṭhe rukva karteen ṭhida. Ungta mii angṭhe ngi theda, “Paukpur nuwm mii hava va tak mthea?” Murson rekki theda, “Mma paam ktlokki Isowr kparyaam hep daatta.” Mleija mma ngi Jisu leh mrin karheelna paryaamda. 19Ungta mmaanni mkhut kjowng lamda Areopags tdit (khuwpiiki karseel lop) thu ṭhida, the lamda, “Nah dothe pauren ado purchu slia neenni kdodee kromo? 20Mleija nang ngi neen kaknaa thuwnni msik liklik pau thetinu, ava ngi mlei kurthuwkda, havalea tak adothena tdit kdee nuwm inna. 21Tunva avatha ka am Atheniarek leh paamktlok ki miirek mkheng ngi kpau mata pauren karyaa kma donle mmaanni do khat lee ktlokma mpha partlai lamda.
22Ava leiji Poul li Areopags mdodit (karseel lop) ṭim mi ripda, theda, “Athenia miirek, naanna mlam khim khai thung ngi Isowr hin plung klut tdit neiji kdee chaakka. 23Mleija neiji tlowngnu naan luwbuknaa ava suw rimnu, suwlbuwr tun rukva hanto tikjit neiji pha chnu, ‘Tdeema mukpu hin.’ Ava ngi mlei kurthuwkda, naanni kdeikma luw adobuk in hava neiji akparyaam pik inna. 24Dultipaam leh mthungki khim khai kseem Isowr ra parwaan leh dulti ki Mukpu kurthuwk, khut dosak kukdown inn thung ngi ame, 25Mma ngi do khat lee mdo kriin maleiji, dulti mii khutti sok tulo pik nrangki arleek set do ame, mleija Mma mdaksaa ngi mii mkheng thung ngi rinkhu leh tdaal ungu do khim khai pii chda. 26Ungta Mma ngi khdaat thungki dulti mii chati khim khai, dultimai leen ma am nrangki seem pikda, mpha palreen pik lamda, ungu tilrii jam pik lamda, 27ditta mmaanni Isowr thlaam lamda, Mma bin psukda mdo phaak chaak nraan kurthuwk. Anto daat joso Mma nen miipum ktai thungki lam karlat me.
28Mleija, Mma thung ngi am min nenni kring ngi,
kchet ktlowng tphaak chaak in;
naanki pauril kikjit mii angṭhe rukva hanto the da,
‘mleija nenna Mma charuwl kat in pmin.’
29Isowr charuwl nenni nkurthut inbi, Isowr ava jeering mata, thiir kpowl, mata dimknei leh miilai poibin ava ngi makchang tpurdon susu kro pakda kdingi nenni bin maanche. 30Tdee panditma ki mpha thungva Isowr ri lee mdo sut daak, pdainu tunva Mma ngi mii mkheng nga mmun ktai thung ngi plungren kuhurki pau mdo reen pik, 31mleija Mma do kchol khiin miilai khatti dultipaamma rinkindit do kṭewl li mdo kṭewl nrangki nii khat palreenda, ungta kdiyou thungki mdo prin pinlet ava ngi mii mkheng nga rinkindit pii chda.”
32Tunva mmaanni kdiyou thungki kring karheel maryaak in thungta, mii angṭhe ngi pnii chaakda; pdainu murson rekva theda, “Hava mlei thung ngi neenni aryaa chnowl inni.” 33Ava leiji mmaan arlakki Poul li duwn thuwkda. 34Pdainu mii angṭhe ngi mdil ṭoida ungu rin chlamda, krin cha rekka mmaan thungki Areopags Dionias leh mmiing Damaris mdodit snu miilai khat ungta mma tu kilṭhi ngi angṭhe rek ruk ka am.
Currently Selected:
DOWLLO 17: LAMKBSI
Highlight
Share
Copy
Want to have your highlights saved across all your devices? Sign up or sign in
Lamkang NT with PSA and PRO - REN PAURIINA
Copyright © Bible Society of India, 2002.
Used by permission. All rights reserved worldwide.
DOWLLO 17
17
Thessalonikia Thu
1Tunva mmaanni Amphipolis leh Apolonia klaan lamda Jihudia synagog khat amna Thessalonikia tha arvang lamda. 2Ungta Poul li mma nopa ngi lutda, hapta kdum chak thung ngi laaika thungki karteen psukki, 3the pjiir pik lamda, mleija Khrista ngi kja kakham mparteel diltha kdiyou thungki mrin kinlet kat ra, ungu theda, “Neiji naan hinni kdo paryaam Jisu ava Khrista hava,” dida. 4Ungta mii angṭhe ngi plungren hurda Poul leh Silas ṭoida; ava lulu ngi plung klut Grik miirek knempok leh kinreel snu rek maknem rukva anto tloda. 5Pdainu Jihudia rekki kheithe nlamda, ungta kṭha kma doksi kmarek knempok purkuk lamda, khuwpii thu vawnglum t,lur lamda, ungu Joson inn duwl lamda, mmaanna miirek hin duwn mdo pthuw nraan thlaam lamda. 6Ungta mmaanni mphaak maan thungta Joson leh mu u mnaorek angṭhea khuwpii ki rutan kthloi rek maiṭhuwm mi ṭen pthuwk lamda, owng lamda, “Dultipaam kpurlup kparthel miirekka hava thang rukva kthleng lamma. 7Ungta mmaanna Joson ni kowl lamda, ditta Jisu tdit ktlok Kruwng ka am dilamda, mmaan mkheng ngi Keisar paudon tunni mraal kpii ki nong tlo lamda.” 8Ungta miirek leh khuwpii ki rutan kthloi rekka hava maryaak in thungta mning in mulda. 9Ungta Jason leh mmiiṭhi rekka summi parthleng lamda, mmaanni psun lamda.
Beria Thu
10Mu u mnao rekki Poul leh Silas ava kuknotti Beria tha jaanni siidok lamda; ungta mmaanni mthlun in thungta, Jihudiarek synagog thung ngi lut lamda. 11Tunva hava Jihudia miirek ava Thessalonikia ki miirek hinva plung kuprol kurthuwkda, mleija pauna ava kdung ngi arngai chlamda, hava lea antomo kdingi mnii ktaiji laaika tu suwpurtol lamda. 12Ava ngi mlei kurthuwkda, mii knempok takjat kirvei Grik snurek leh pselrek tu kilṭhi ngi rin chlamda. 13Pdainu Thessalonikia ki Jihudia rekki Beria thung rukva Poul li Isowr pauna mparyaamma tdit mdee in thungta, ava thang rukva thleng lamda miiluwngpa ksinchaak ki ksop lamda. 14Ava dilli mu u mnaorek ki Poul la kuknotti truwn lamtha siidok lamda, pdainu Silas leh Timothi ava thang ngi ktaang daat lamda. 15Poul kda kcha rekva Athenia kpha lamkla ngi da chlamda, ungta mrot khim khai thu Silas leh Timothia ngi kbeiji mma mdo phaak nraanki paureenda, mmaan ava sunlamda.
Athenia Thu
16Tunva Poul li Athenia thu mmaan karda slii ngi, khuwpii thungki khut dosak pthlarek deida kdung ngi muplung purda. 17Ava leiji mma ngi synagog thung ngi Jihudia miirek leh plung klut rek tu karteen nlamda, ungta bajaar mun thung rukva mmangi mdo kurdut ṭhi thok hin karbiik ṭhira mnii ktaaiji chetda. 18Kinreelli kurchuk Epikuria leh Stonikia mii angṭhe rukva karteen ṭhida. Ungta mii angṭhe ngi theda, “Paukpur nuwm mii hava va tak mthea?” Murson rekki theda, “Mma paam ktlokki Isowr kparyaam hep daatta.” Mleija mma ngi Jisu leh mrin karheelna paryaamda. 19Ungta mmaanni mkhut kjowng lamda Areopags tdit (khuwpiiki karseel lop) thu ṭhida, the lamda, “Nah dothe pauren ado purchu slia neenni kdodee kromo? 20Mleija nang ngi neen kaknaa thuwnni msik liklik pau thetinu, ava ngi mlei kurthuwkda, havalea tak adothena tdit kdee nuwm inna. 21Tunva avatha ka am Atheniarek leh paamktlok ki miirek mkheng ngi kpau mata pauren karyaa kma donle mmaanni do khat lee ktlokma mpha partlai lamda.
22Ava leiji Poul li Areopags mdodit (karseel lop) ṭim mi ripda, theda, “Athenia miirek, naanna mlam khim khai thung ngi Isowr hin plung klut tdit neiji kdee chaakka. 23Mleija neiji tlowngnu naan luwbuknaa ava suw rimnu, suwlbuwr tun rukva hanto tikjit neiji pha chnu, ‘Tdeema mukpu hin.’ Ava ngi mlei kurthuwkda, naanni kdeikma luw adobuk in hava neiji akparyaam pik inna. 24Dultipaam leh mthungki khim khai kseem Isowr ra parwaan leh dulti ki Mukpu kurthuwk, khut dosak kukdown inn thung ngi ame, 25Mma ngi do khat lee mdo kriin maleiji, dulti mii khutti sok tulo pik nrangki arleek set do ame, mleija Mma mdaksaa ngi mii mkheng thung ngi rinkhu leh tdaal ungu do khim khai pii chda. 26Ungta Mma ngi khdaat thungki dulti mii chati khim khai, dultimai leen ma am nrangki seem pikda, mpha palreen pik lamda, ungu tilrii jam pik lamda, 27ditta mmaanni Isowr thlaam lamda, Mma bin psukda mdo phaak chaak nraan kurthuwk. Anto daat joso Mma nen miipum ktai thungki lam karlat me.
28Mleija, Mma thung ngi am min nenni kring ngi,
kchet ktlowng tphaak chaak in;
naanki pauril kikjit mii angṭhe rukva hanto the da,
‘mleija nenna Mma charuwl kat in pmin.’
29Isowr charuwl nenni nkurthut inbi, Isowr ava jeering mata, thiir kpowl, mata dimknei leh miilai poibin ava ngi makchang tpurdon susu kro pakda kdingi nenni bin maanche. 30Tdee panditma ki mpha thungva Isowr ri lee mdo sut daak, pdainu tunva Mma ngi mii mkheng nga mmun ktai thung ngi plungren kuhurki pau mdo reen pik, 31mleija Mma do kchol khiin miilai khatti dultipaamma rinkindit do kṭewl li mdo kṭewl nrangki nii khat palreenda, ungta kdiyou thungki mdo prin pinlet ava ngi mii mkheng nga rinkindit pii chda.”
32Tunva mmaanni kdiyou thungki kring karheel maryaak in thungta, mii angṭhe ngi pnii chaakda; pdainu murson rekva theda, “Hava mlei thung ngi neenni aryaa chnowl inni.” 33Ava leiji mmaan arlakki Poul li duwn thuwkda. 34Pdainu mii angṭhe ngi mdil ṭoida ungu rin chlamda, krin cha rekka mmaan thungki Areopags Dionias leh mmiing Damaris mdodit snu miilai khat ungta mma tu kilṭhi ngi angṭhe rek ruk ka am.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lamkang NT with PSA and PRO - REN PAURIINA
Copyright © Bible Society of India, 2002.
Used by permission. All rights reserved worldwide.